पूर्वमन्त्री श्रेष्ठलाई आंशिक दोषी ठहर गर्ने विशेषको फैसलाविरुद्ध सर्वोच्च पुग्यो अख्तियार

भ्रष्टाचार मुद्दामा पूर्वमन्त्री तथा नेपाल सरकारका पूर्व सचिव रामकुमार श्रेष्ठलाई आंशिक रुपमा मात्रै दोषी ठहर हुने गरी विशेष अदालतबाट भएको फैसला बिरुद्ध अख्तियार दुरुपयोग अनुसन्धान आयोग सर्वोच्च अदालत पुगेको छ ।

५ लाख ऋणको आडमा बलात्कार र घरजग्गा कब्जा गर्ने मालीलाई १० वर्ष कैद र ५० हजार जरिवाना 

जिल्ला अदालत ललितपुरले मिटरब्याजी सूर्जमान मालीलाई मानव बेचविखन तथा ओसारपसार कसुरमा १० वर्ष कैद र ५० हजार जरिवाना हुनेगरी सजाय तोकेको छ ।

संसद्का कर्मचारीका माग सम्बोधन गराउन पहल गरिने

संघीय संसद् सचिवालयका कर्मचारीको सेवा सुविधासम्बन्धी उचित माग सम्बोधन गर्न पहल गरिने भएको छ । प्रतिनिधिसभाका सभामुख देवराज घिमिरे, राष्ट्रियसभाका अध्यक्ष नारायणप्रसाद दाहाल र पार्टीका प्रमुख सचेतक/सचेतकसहितको छलफलमा माग सम्बोधन गर्न पहल गर्ने निर्णय गरिएको हो ।

लोमान्थाङमा च्याङ्ग्राको भुवा प्रशोधन केन्द्र स्थापना

मुस्ताङको लोमान्थाङमा पस्मिनाको कच्चापदार्थका रुपमा प्रयोग हुने च्याङ्ग्राको भुवा प्रशोधन केन्द्र स्थापना भएको छ । नेपाल पश्मिना उद्योग संघले लोमान्थाङमा सञ्चालन गरेको भुवा सङ्कलन केन्द्रमा प्रशोधन गर्ने उपकरण जडान गरेको हो ।

इनार सफा गर्ने क्रममा दुई जनाको मृत्यु

सुर्खेतमा इनार सफा गर्ने क्रममा २ जनाको मृत्यु भएको छ ।  मृत्यु हुनेमा दैलेखको चामुण्डा घर भई वीरेन्द्रनगर नगरपालिका –११ पिपिरा बस्ने ३२ वर्षीय विद्यु प्रसाद रेग्मी र सोही ठाँउका ३१ वर्षका लक्ष्मी प्रसाद कंडेल रहेका जिल्ला प्रहरी कार्यालय सुर्खेतका प्रवक्ता डीएसपी बीरेन्द्रबीर विश्वकर्माले बताए ।