राष्ट्रिय फेन्सिङमा उपेन्द्र र अनिता विजयी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — आर्मीका उपेन्द्र शाहीले छैटौं राष्ट्रिय फेन्सिङ प्रतियोगिताको पुरुष व्यक्तिगत साब्रेमा स्वर्ण पदक जितेका छन् । एपीएफका राजेन्द्र गजुरेल दोस्रो र आर्मीका रघुवीर चन्द तेस्रो भए ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![राष्ट्रिय फेन्सिङमा उपेन्द्र र अनिता विजयी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/4457257938325842416333759032084820912126085n-1762024064547-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
त्रिपुरेश्वरस्थित राष्ट्रिय खेलकुद परिषद्को कभर्डहलमा भइरहेको प्रतियोगिताको महिला व्यक्तिगत इपीमा एपीएफकी अनिता कार्की पहिलो, आर्मीकी पुजन कुमाल दोस्रो र गण्डकी प्रदेशकी कृपा गुरुङ तेस्रो भए ।
नेपाल फेन्सिङ संघद्वारा आयोजित प्रतियोगिताको पुरुष टिम साब्रेमा आर्मी, एपीएफ र वाग्मती प्रदेश क्रमशः शीर्ष तीन स्थानमा रहेका थिए । प्रतियोगिताको युवा तथा खेलकुद मन्त्री विराजभक्त श्रेष्ठले उद्घाटन गरे ।
तीनदिने प्रतियोगितामा सातै प्रदेश र तीन विभागीय गरी १० टिमका १ सय १२ खेलाडीको सहभागिता रहेको आयोजक फेन्सिङ संघका महासचिव सुजनलाल श्रेष्ठले जनाए । पुरुष÷महिलामा ६–६ गरी १२ स्पर्धामा खेल भइरहेको छ ।
प्रकाशित : असार ३, २०८१ २२:४९