गकर्मी टंक चौलागाईंले नाटक ‘चार्ली एन्ड द चकलेट फ्याक्ट्री’लाई यसअघि धेरै पटक विद्यालय/कलेजमा मञ्चन गरिसकेका छन् । तर, यस पटक भने उनले ‘म्युजिकल’ नाटक बनाउने सोचसहित यस नाटकलाई नेपाली परिवेश सुहाउँदो भावानुवाद गरे र नाटकको नाम राखे, ‘युगको साँचो’ ।
भर्चुअल दुनियाँ रंगीन छ । यही रंगीन दुनियाँमा प्रवेश गर्दा वास्तविक दुनियाँ बिर्सेको भान हुन्छ मिर्जा ब्रजाचार्यलाई । रंगीन दुनियाँमा आजको युवापुस्ता कसरी हराइरहेको छ त ? उनले यसै सन्देशलाई आफ्नो कलामार्फत देखाउन खोजेकी छन् । भर्चुअल दुनियाँलाई उनले रंगीन दुनियाँका रूपमा प्रस्तुत गरेकी छन् भने वास्तविक जीवनलाई अँध्यारो (डार्क कलर) मा देखाएकी छन् ।
करिब एक दशकअघिसम्म विराटनगरकी नेहाशा पोखरेललाई चित्रकारितामा खासै रुचि थिएन । खासमा २०१७ डिसेम्बरबाट हो उनी चित्रकारितासँग जोडिएको । २०१५ मा बैंग्लोरबाट मनोविज्ञान, समाजशास्त्र र साहित्यमा स्नातक सकिन् । त्यसपछि कामको सिलसिलमा उनी पश्चिम बंगालको राजधानी कोलकाता पुगिन् ।
रंगकर्मी अनुप न्यौपानेले ‘म्याडफेस्ट २०२४’ घोषणा गर्दै भनेका थिए, ‘हामी युवाहरूले यो महोत्सव आयोजना गर्नुको मुख्य उद्देश्य आफैंभित्र अवसर सिर्जना गर्नु हो ।’ असार २१, २२ र २३ मा मण्डला थिएटरमा आयोजना हुने नाटक महोत्सव ‘म्याडफेस्ट’का निर्देशकसमेत रहेका अनुप अवसरलाई पर्खने भन्दा पनि आफूभित्रका सीप, अनुभवमार्फत अवसर सिर्जना गर्नका लागि मण्डला थिएटरका पूर्वविद्यार्थीले यो महोत्सव आयोजना गरेको बताउँछन् ।
कार्यकक्षमा उनी अन्य सहकर्मीजत्तिकै सक्षम र क्षमतावान छिन् । काममा उत्तिकै इमान्दार अनि लगनशील पनि । आफ्नो जिम्मेवारीमा कर्मठ अनि करिअरलाई लिएर संवेदनशील । आफूलाई सावित गर्न, क्षमता पस्कन हरदम तयार । पुरुष सहकर्मीले समाधान गर्न नसकेको समस्या तुरुन्तै फत्ते गर्न सक्ने क्षमता छ उनीमा ।
बेलायतको राजधानी लन्डन उत्रिएपछि विनोद चिपालुले एउटा अठोट लिए, ‘बेलायतमा पनि लाखे नाच जीवन्त राख्छु । लाखे नाचबाटै नेपाललाई चिनाउँछु ।’ उनको अठोट न बेलायतको खुल्ला परिवेशमा डगमगायो, न व्यस्ततामा । नेपालमै आधुनिकताको प्रभावका कारण यो परम्परागत नाच संकटमा परेका बेला चिपालु भने बेलायतदेखि युरोपसम्म हरेक स्टेजमा लाखे नाचमै प्रस्तुत भइरहेका छन् ।
सिर्जना कलेज अफ फाइन आट्सले बर्सेनि गर्दै आएको ‘सिर्जना–२०२४’ मा प्रदर्शनीका लागि २९ कलाकारका दुई सय सिर्जना राखिएका छन् । काठमाडौंको बबरमहलस्थित नेपाल आर्ट काउन्सिलमा आयोजित प्रदर्शनीमा चित्रकला, मूर्तिकला, प्रतिस्थापन कला तथा फोटोग्राफी गरी २९ जना कलाकारका २ सय सिर्जना समावेश छन् ।
बीचबाट बग्ने नारायणीले नारायणगढ र गैंडाकोटलाई भौगोलिक रूपमा विभाजन गरेको छ । तर यस क्षेत्रका चित्रकारको सहकार्यलाई भने यसले रोक्न सकेको छैन । त्यसैले बुद्ध जयन्तीको अवसर पारेर गैंडाकोट प्रज्ञा प्रतिष्ठानले आयोजना गरेको चित्रकला प्रदर्शनीमा दुवैतर्फका कलाकारका सिर्जना अटाएका छन् ।
२४.१२°C काठमाडौं
