बागलुङ कारागारका ५ जना कैदीबन्दीमा क्षयरोग
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — बागलुङ कारागारका कैदीबन्दीमा क्षयरोग देखिएको छ । शुक्रबार स्वास्थ्य कार्यालय बागलुङ र नगरपालिकाद्धारा संयुक्त रुपमा गरिएको स्वास्थ्य परीक्षणकोक्रममा सहभागी १४ जना कैदीबन्दीमध्ये ५ जनामा क्षयरोग पुष्टि भएकाे हाे ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![बागलुङ कारागारका ५ जना कैदीबन्दीमा क्षयरोग](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2020/third-party/free-health-0712020044341-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
स्वास्थ्य कार्यालय बागलुङका क्षयकुष्ठ निरीक्षक देवप्रकाश घिमिरेका अनुसार ३ जनामा जटिल प्रकार र २ जनामा सामान्य प्रकारको क्षयरोग देखिएको छ ।
‘जटिल प्रकारको क्षयरोग सर्ने खतरा रहेकोले मास्क लगाएर बस्न र कैदीबन्दीहरुलाई तत्काल आइसोलेसनमा राख्न आग्रह गरेको छु,’ उनले भने, ‘तत्काल सचेतना अपनाउन नसकेमा सबैलाई संक्रमण हुने खतरा छ ।’
कारागारमा १ सय ५० जना भन्दा बढी कैदीबन्दी छन् । बागलुङका सहायक प्रमुख जिल्ला अधिकारी चित्राङगत बरालले तत्काल सबैजनाको स्वास्थ्य परीक्षण गर्ने र कन्ट्रयाक ट्रेसिङ गरेर रोग फैलन नदिन प्रयास गर्ने बताए ।
शुक्रबार भेटिएका ५ जना क्षयरोगी गरेर चालु बर्षको पहिलो महिना मात्रै २३ जना पुगिसकेका छन् । गत आर्थिक बर्ष बागलुङमा ३ सय १३ जना क्षयरोगी भेटिएका थिए । क्षयरोगकै कारण गत बर्ष ४ जनाले ज्यान गुमाएको तथ्यांक छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)