त्रिवेणी गाउँपालिकाका अध्यक्ष मानबहादुर डाँगीसहित जिल्लामा थप २० जनालाई कोरोना संक्रमण देखिएको छ । त्रिवेणीमा अध्यक्ष डाँगी, प्रमुख प्रशासकीय अधिकृत वसुन्धरा पुनसहित तीन जना, छत्रेश्वरी गाउँपालिकामा प्रमुख प्रशासकीय अधिकृत डिल्ली खड्का र चार कर्मचारीसहित १५ जना र दुई स्वास्थ्यकर्मी संक्रमित भएका हुन् ।
पतिको हत्या आरोपमा पक्राउ परेकी महिलालाई छाडिएको भन्दै मंगलबार जिल्ला सदरमुकाम खलंगामा प्रदर्शशन गरिएको छ । बाँफिकोट गाउँपालिका–१० का स्थानीयले प्रर्दशन गरेका हुन् । बाँफिकोट गाउँपालिका–१० का ३६ वर्षीय भीमबहादुर बुढाको हत्या गरेको भन्दै उनकी श्रीमती २२ वर्षीया अन्जना पुन बुढालाई प्रहरीले पक्राउ गरेको थियो ।
कर्णाली राजमार्ग हुँदै ठाँटीकाध गाउँपालिका जोड्ने करिब डेढ किलोमिटर सडकमा गत वर्ष गाउँपालिकाले ७९ लाख रुपैयाँ खर्च गर्यो । चालु आर्थिक वर्षमा सोही सडकमा पूर्वाधार विकास कार्यालयले सडक स्तरोन्नतिको नाममा साढे ४ करोड रुपैयाँ छुट्याएको छ ।
जिल्ला सरकारी वकील कार्यालय जाजरकोटले कर्तव्यज्यान मुद्दाको अनुसन्धान प्रतिवेदन अपुरो भन्दै प्रहरीलाई फिर्ता गरेको छ । कार्यालयले आइतबार भेरी नगरपालिका ३, स्याँलाकी ४५ वर्षीय दुर्पती सुनारको हत्या प्रकरणको अनुसन्धान प्रतिवेदन फिर्ता गरेको हो ।
नेपाल–चीन सीमास्थित मुगमकार्मारोङ गाउँपालिकाका सामुदायिक विद्यालयमा ६ महिनापछि पठनपाठन सुरु भएको छ । गाउँ कार्यपालिका बैठकले विद्यालय खुलाउने निर्णय गरेपछि मुगु, डोल्फू, चितैलगायत गाउँका विद्यालयमा पढाइ सञ्चालन भएको हो ।
गत बुधबार रातिदेखि खलंगा–रिम्ना सडक अवरुद्ध छ । सडक अवरुद्ध भएपछि झण्डै दुई दर्जन यातायातका साधन चार दिनदेखि गन्तव्यमा पुग्न सकेका छैनन् । लगातारको वर्षाले शान्तिचौतारा–थाप्लेचौर सडकखण्डको पाँच ठाउँमा पनि पहिरो खसेको छ ।
कालीकोटको पचालझरना–४, राम्नाकोटस्थित ज्ञानोदय माविकी शिक्षक अमनाकुमारी शाहीको कोरोना कहरले ठप्प दैनिकी अहिले फेरिएको छ । लामो समय घरायसी काममा व्यस्त भएकी उनी असोज १ देखि नियमित विद्यालय जान थालेकी छिन् । ‘पहिलो दिन विद्यालय आउँदा उत्साहसँगै कोरोनाको डर पनि थियो,’ उनले भनिन्, ‘अहिले पठनपाठन नियमित बनाएका छौं ।’
