१२ वर्षीया बालिकालाई बलात्कार गरेको आरोपमा शारदा नगरपालिका–६ बरलामा एक युवक पक्राउ परेका छन् । बालिकाका बाबुको उजुरीका आधारमा प्रहरीले २७ वर्षीय प्रकाश परियारलाई बुधबार घरबाटै पक्राउ गरेको हो ।
अविरल वर्षापछि शारदा नदीमा आएको बाढीले बगाउँदा कालिमाटी गाउँपालिका–१ लक्ष्मीपुरका लेवाराम रावतको मृत्यु भएको छ । खेतमा जाने क्रममा २५ वर्षीय रावतलाई सोमबार बिहान नदीले बगाएको थियो ।
बन्गाडकुपिण्डे नगरपालिकामा नेपाली कांग्रेसले साउन १४ गते अगुवा कार्यकर्ता भेलाको आयोजना गर्यो । सक्रिय सदस्यता वितरण, नविकरण र तरुण दल गठनका लागि आयोजना गरिएको भेलामा अरु पार्टीका केही कार्यकर्तालाई समेत स्वागत गरिएको थियो ।
बाग्चौर नगरपालिकास्थित रहेको मुक्तिनाथ विकास बैंकको शाखा कार्यालयको सटर छेवैमा बिहीबार बिहान बाल्टिन बम भेटिएको छ । जनपरिषद सल्यानको नाममा कार्यालय बाहिर बम राखेको र त्यसमा टाँसेर राखेको एउटा पर्चा पनि भेटिएको छ ।
वडाध्यक्षले कार्यालयको क्वार्टरमा अवैध यौनसम्बन्ध राखेको भन्दै त्रिवेणी गाउँपालिका–४ फलाबाङका स्थानीय कारबाहीको माग राखी प्रदर्शमा उत्रिएका छन् । उनीहरूले आइतबार गाउँपालिका कार्यालय र लुहाम बजारमा विरोध प्रदर्शन गरे ।
विदेशबाट घर फर्कने क्रममा पीसीआर रिपोर्ट नेगेटिभ आएको भन्दै होम क्वारेन्टाइनमा बस्नका लागि घर फर्काइएका शारदा नगरपालिका १२ डाग्रीका एक पुरुषमा कोरोना संक्रमण देखिएको छ । पशुपंक्षी रोग तथा अन्वेषण प्रयोगशाला सुर्खेतमा गरिएको पीसीआर परीक्षणमा उनको रिपोर्ट पोजिटिभ देखिएको हो ।
जिल्लामा सोमबार कोरोना निको भएर थप १२ जना घर फर्किएका छन् । कुमाख गाउँपालिकाको क्वारेन्टाइनमा बसेका तीन र चौरजहारी मिसन अस्पतालको आइसोलेसनमा रहेका १२ जनाको दोस्रोपटकको रिपोर्ट नेगेटिभ आएको हो ।
