चीनको युननान प्रान्तको राजधानी सहर खुनमिङमा मंगलबारदेखि ६ दिने आठौं चीन-दक्षिण एशिया मेला सुरु भएको छ । यस पटकको मेलामा ८२ वटा मुलुक, क्षेत्र र अन्तर्राष्ट्रिय संगठन सहभागी भएका छन् भने उद्योग-व्यवसायहरूको संख्या २ हजारभन्दा बढी छ ।
बेलायतको बाथमा आयोजित ६५ औं अन्तर्राष्ट्रिय गणित ओलम्पियाडमा नेपालले ऐतिहासिक सफलता हासिल गरेको छ । १०८ देशका ६०९ जना विद्यार्थी सम्मिलित उक्त प्रतिस्पर्धामा नेपालका कृतेश ढकाल र श्रेयस शर्मा बास्तोलाले एक-एक वटा अनरेबल मेन्सन (एचएम) दिलाएका हुन् ।
संयुक्त राष्ट्र संघको मुख्यालय, न्युयोर्कमा मिथिला चित्रकला प्रदर्शनी सुरु भएको छ । संयुक्त राष्ट्र संघको दिगो विकास लक्ष्यका लागि मिथिला हेरिटेज भन्ने नाराका साथ बिहीबारबाट प्रदर्शनी औपचारिक रूपमा सुरु भएको हो ।
नेपाल पत्रकार महासंघ बेलायतको अध्यक्षमा विमला सेने निर्वाचित भएकी छन् । आइतबार गोर्खा भवन फार्नबरोमा सम्पन्न शाखाको छैठौं अधिवेशनले सेनेको नेतृत्वमा नयां कार्यसमिति निर्वाचित गरेको हो ।
बेलायतका लागि नेपाली राजदूत ज्ञानचन्द्र आचार्य यही आइतबार नेपाल फर्कने भएका छन् । दिउँसो कतार एयरवेजमार्फत उनी सपरिवार नेपाल फर्कन लागेका हुन् । नेपाल सरकारले गत ६ जुनमा बेलायतसहित ११ देशका राजदूतलाई फिर्ता बोलाउने निर्णय गरेको थियो ।
लन्डनस्थित नेपाली दूतावासले मंगलबार साँझ म्यानचेस्टरमा नेपाललाई प्रवर्धन गर्ने उद्देश्यसहित ‘नेपाल इभिनिङ’ गरेको छ । लन्डनमा हरेक वर्ष पर्यटन प्रवर्धन कार्यक्रम गर्दै आएको दूतावासले यसपटक म्यानचेस्टरमा गरेको हो ।
आयरल्यान्डको राजधानी डब्लिनस्थित फोनिक्स पार्कमा नेपाल-आयरल्यान्ड दिवस मनाइएको छ । गैर आवासीय नेपाली संघ आयरल्यान्ड र नेपाल आयरल्यान्ड सोसाइटीको संयुक्त आयोजनामा विभिन्न कार्यक्रम गरी आइतबार उक्त दिवस मनाइएको हो ।
नेपाल सरकारको दूतावास र कन्सुलेट कार्यालय वर्षौंदेखि अमेरिकाको एक भेगमा मात्रै सीमित हुँदा अन्य क्षेत्रका नेपालीले सास्ती खेप्नु परेको छ । पश्चिम क्षेत्रमा नेपालीको संख्या हजारौं भएपनि सरकारी निकाय पूर्वी तटमामात्रै सीमित हुँदा पासपोर्ट लगायतका सेवामा समस्या भएको हो ।
२४.१२°C काठमाडौं
