काठमाडौं महानगरपालिकाको उपभोक्ता हित संरक्षण समितिले म्याद गुज्रेको सामग्री प्रयोग गर्ने ३ वटा पसललाई जरिवाना गरेको छ । समितिले बुधबार बत्तीसपुतलीमा सञ्चालित रामेश्वर मिठाई पसललाई १० हजार रुपैयाँ जरिवाना गरेको हो ।
पहिरोमा परेर बेपत्ता १९ जनाको अवस्था पत्ता नलाग्दै खोजीकार्य बन्द गरिएको छ । कात्तिक १ मा बझाङको थलारा–४ डिक्लाका आएको पहिरोमा परेर बेपत्तामध्ये चार जनाको शव फेला परेको थियो ।
नेपाली कांग्रेस केन्द्रीय निर्वाचन समितिले वडादेखि केन्द्रसम्मको एकमहिने नयाँ निर्वाचन कार्यतालिका तयार पारेको छ । समितिको बुधबारको बैठकले मंसिर २७–२९ मा १४औं महाधिवेशन गर्न निर्वाचन कार्यतालिका तयार पारेको हो ।
बार्सिलोनाले प्रशिक्षक रोनाल्ड कोम्यानलाई बर्खास्त गरेको छ । बुधबार लालिगाअन्तर्गतको खेलमा रायो भालेकानोसँग पराजित १–० ले पराजित भएपछि बार्सिलोनाले प्रशिक्षक कोम्यानलाई बर्खास्त गरेको हो ।
माल्दिभ्समा सम्पन्न साफ फुटबल च्याम्पियनसिप उपविजेता नेपाली राष्ट्रिय फुटबल टोलीलाई नेपाली कांग्रेसको तरुण विभागले नगदसहित सम्मान गरेको छ । दलको ६८ औं स्थापना दिवसका अवसरमा बुधबार कार्यक्रममा गृहमन्त्री बालकृष्ण खाँड, तरुण विभाग प्रमुख शंकर भण्डारीलगायतले टोलीलाई सम्मान गरेका हुन् ।
विद्युत् नियमन आयोगले विद्युत्को नयाँ महसुल दर तोकेको छ । आयोगले बुधबार नयाँ विद्युत् महसुल दर सार्वजनिक गर्दै आगामी मंसिरको विद्युत् बिलिङ सोहीअनुसार गर्न नेपाल विद्युत् प्राधिकरणलाई निर्देशन दिएको हो । साबिकको तुलनामा घटाइएको नयाँ महसुल दरअनुसारको बिलिङ मंसिरमा हुने विद्युत् खपतका आधारमा पुसबाट सुरु हुनेछ ।
यस वर्षको श्रम रोजगार पत्रकारिता पुरस्कार तीन विजेतालाई बुधबार हस्तान्तरण गरिएको छ ।अन्तर्राष्ट्रिय श्रम संगठन (आइएलओ)को साझेदारीमा श्रम रोजगार पत्रकार समूहले स्थापना गरेको पहिलो पुरस्कार कान्तिपुरकर्मी अमृता अनमोल, दोस्रो पुरस्कार शिलापत्र डट कमका रमेश भारती र तेस्रो पुरस्कार साझा सवालका अनिल अधिकारीलाई हस्तान्तरण गरिएको हो ।
त्रिभुवन आर्मी भेट्रान्स र फ्रेन्ड्स भेट्रानले जारी मेयर कप भेट्रान्स फुटबल प्रतियोगिताको क्वाटरफाइनलमा स्थान सुरक्षित गरेका छन् । दशरथ रंगशालामा जारी प्रतियोगिताअन्तर्गत बुधबार फर्पिङ स्पोर्ट्स क्लबलाई ४–१ ले पराजित गरी आर्मी समूह ‘ए’ को विजेता बन्यो । पहिलो खेलमा आर्मीले फुटबल फेलोसिपलाई ७–१ ले हराएको थियो ।
