नेपाल स्काउट राष्ट्रिय तदर्थ समितिका संयोजक लोकबहादुर भण्डारीलाई मलेसियन स्काउट महासंघ (पीपीएम) ले इन्टरनेशनल फ्रेन्डसिप गोल्ड अवार्डबाट सम्मानित गरेको छ ।
नेपाल संस्कृत विश्वविद्यालयका कुलसचिव प्रा. माधव अधिकारीले विश्वविद्यालयसँगै ज्योतिष शिक्षण पनि प्रविधिमैत्री हुनुपर्ने बताएका छन् । विश्वविद्यालयअन्तर्गत वाल्मीकि विद्यापीठमा बिहीबारदेखि सुरु भएको ‘ज्योतिष शिक्षणमा प्रविधिको प्रयोग’ विषयक दुईदिने गोष्ठीमा बोल्दै कुलसचिव अधिकारीले अबको केही समयमै विश्वविद्यालय डिजिटल युगमा प्रवेश गर्न लागेको उल्लेख गर्दै ज्योतिषशास्त्रको शिक्षण सिकाइ पनि आधुनिक र प्रयोगात्मक तरिकाबाट गर्नुपर्नेमा जोड दिए ।
वरिष्ठ मुटुरोग विशेषज्ञ डा. भगवान कोइरालाको संस्थापक अध्यक्षतामा सञ्चालनमा आउने काठमाडौं इन्स्टिच्युट अफ चाइल्ड हेल्थ (किओएच, काठमाडौं बाल स्वास्थ्य संस्थान) को परोपकारी राजदूत (फिलान्थ्रोफिक एम्बासडर) मा गायक प्रमोद खरेल नियुक्त भएका छन् ।
फोटो पत्रकार केशवराज थोकरले 'फोटो प्रेस २०२३' मा सिल्भर अवार्ड जितेका छन् । एसियन आर्ट एसोसिएसन सिंगापुरले आयोजना गरेको प्रतियोगितामा दोस्रो बन्दै थोकरले एक हजार सिंगापुरे डलर जितेका हुन् ।
राउन्ड टेबल नेपालले हजार छात्रछात्राहरुलाई एकैसाथ छात्रवृद्धि वितरण गरेको छ । काठमाडौं, विराटनगर, धनगढी, हेटौंडा, विरगन्जलगायत १२ वटा सहरमा कार्यक्रम आयोजना गरी छात्रवृद्धि प्रदान गरेको हो ।
काठमाडौं विश्वविद्यालय कन्फ्युसियस इन्स्टिच्युटले अन्तर्राष्ट्रिय चिनियाँ भाषा दिवस कार्यक्रम आयोजना गरेको छ । चिनियाँ भाषा सभ्यतामा संवाद सहजीकरण गर्ने उद्देश्यसहित काठमाडौं विश्वविद्यालयमा कार्यक्रम गरेको हो ।
टोफल आईबीटी परीक्षालाई निरन्तर रुपमा परिस्कृत गर्दै सहज र सुविधाजनक बनाउनका लागि ईटीएसले आगामी केही महिनाभित्र नै प्रणालीमा परिवर्तन गर्ने भएको छ । जुलाइबाट लागू हुने गरी टोफल आईबीटी परीक्षाको समयलाई छोट्याइएको छ । अब परीक्षा दुई घण्टाभन्दा कम समयमा नै सकिने ईटीएसले जनाएको छ ।
सिरहाको बस्तीपुर माध्यमिक विद्यालयका संस्थापकमध्येका एक शिक्षक कृष्णलाल झाको स्मृतिमा शिक्षा पुरस्कार स्थापना भएको छ । साहित्यकार तथा संस्कृतिविद् प्राज्ञ धीरेन्द्र प्रेमर्षि र साहित्यकार-सञ्चारकर्मी रूपा झाले पिता कृष्णलाल झाको स्मृतिमा पुरस्कार स्थापना गरेका हुन् ।
