शिविरका क्रममा आँखा जाँच गर्नेदेखि निःशुल्क औषधी वितरणलगायत काम हुँदै आएका छन् ।
काठमाडौँ — माट्रिका आँखा केन्द्रले विभिन्न ठाउँमा सञ्चालन गरेको आँखा शिविरमा तीन सय ३७ जनाको निःशुल्क मोतियाविन्दुको शल्यक्रिया भएको छ ।
तीन चरणमा गरिएको शिविरबाट पाँच हजारभन्दा धेर आँखाका बिरामी लाभान्वित भएका हुन् ।
शिविरका क्रममा आँखा जाँच गर्नेदेखि निःशुल्क औषधी वितरणलगायत काम हुँदै आएका छन् । केन्द्रले काठमाडौं उपत्यकाबाहिर पनि माग भएको खण्डमा निशुल्क आँखा शिविर र औषधी पनि निशुल्क उपलब्ध गराउँदै आइरहेको जनाएको छ ।
पहिलो चरणमा काभ्रेपाल्चोकको नमोबुद्धमा सञ्चालन भएको शिविरमा ५० जना,सुनाकोठीमा सञ्चालन गरिएको शिविरमा २७ जना बिरामी लाभान्वित भएका छन् । साँखु वडा नम्बर ३ मा सञ्चालित शिविरमा ४१ जना र गोदाबारीमा सञ्चालित शिविरमा ६६ जना लाभान्वित भएको केन्द्रको भनाइ छ ।
गत वैशाख २६ र २७ गते सञ्चालित पहिलो चरणको शिविरमा एक सय ५४ जनाको मोतियाविन्दुको शल्यक्रिया भएको छ ।
त्यस्तै दोस्रो चरणमा जेठ २२ गते सञ्चालित शिविरबाट एक सय ८ जनाको मोतियाविन्दुको शल्यक्रिया भएको छ । जसमा काठमाडौ महानगर १८ नरदेविमा भएको शिविरमा ५१ जना, च्यासल पाटनमा भएको शिविरमा २९ जना,भक्तपुरमा भएकोमा १५ जना र मैतिदेविमा भएको शिविरमा १२ जना गरी एक सय आठ जनाको मोतियाविन्दुको शल्यक्रिया भएको केन्द्रले जनाएको छ ।
तेस्रो चरणमा जेठ ३० गते सञ्चालन गरिएको शिविरबाट भने ७५ जना विरामी लाभान्वित भएका छन् । जसमा ललितपुर वडा नम्बर ८ मा २५ जना र छप्पी ललितपुरमा ४० गरेर कुल ७५ जना लाभान्वित भएको केन्द्रको भनाइ छ ।
