कोशी प्रदेशमा माओवादी केन्द्रले एमालेका मुख्यमन्त्री हिक्मतकुमार कार्की नेतृत्वको सरकारलाई दिएको समर्थन फिर्ता लिने भएको छ । माओवादी संसदीय दलको सोमबार बसेको बैठकले मंगलबार पार्टीको प्रदेश कमिटीमा छलफल गरेर समर्थन फिर्ता लिने निर्णय गरेको थियो ।
सिद्धिचरण नगरपालिका–११ को नवनिर्मित वडाभवन ढलान गरेको दुई महिना नबित्दै चुहिएको छ । पानी पर्दा छतदेखि चुहिएपछि स्थानीयले प्राविधिकहरूको मिलेमतोमा ठेकेदारले गुणस्तरहीन काम गरेको आरोप लगाएका छन् । वडाध्यक्ष विनोद ताम्राकारले ढलानपछि क्युरिङ नगरेकाले पानी चुहिएको बताए ।