बर्दिया प्रहरीले एकै दिक ६ जना फरार अभियुक्तलाई पक्राउ गरेको छ । जिल्ला अदालतबाट ०७२ साल चैत ९ गतेको फैसलाले सार्वजनिक अपराध र जालसाजी मुद्दाका ६ जना अभियुक्तलाई प्रहरीले पक्राउ गरेको हो ।
बाँके र बर्दियाका स्थानीय तहको नाममा बालबालिका सम्बन्धी ऐनलाई पूर्ण रुपमा कार्यान्वयन गर्न उच्च अदालतले परमादेश जारी गरेको छ । स्थानीय सरकारले ऐन अर्न्तगत स्थानीय बाल अधिकार समिति गठन नगरेपछि तत्काल कार्यान्वयन गर्न अदालतले परमादेश गरेको हो ।
रूपन्देहीको तिलोत्तमा नगरपालिकाले सडक योजनालाई तीन श्रेणीमा विभाजन गरेर निर्माण कार्यलाई अगाडि बढाएको छ । यसबाट दिगो र बढी प्रतिफल दिने योजनाले प्राथमिकता पाउने नगरपालिकाको दाबी छ । सर्वसाधारणले अहिलेसम्म नगरपालिकाले बुटवल–बेलहिया ६ लेन सडक सिंगार्न मात्र ध्यान दिएको आरोप लगाउन थालेपछि त्यस्तो भ्रम चिर्न अन्य सडक योजनालाई प्राथमिकिता दिने जनाएको हो ।
माओवादीबाट विद्रोह गरी स्वतन्त्र उम्मेदवारी दिएर प्रदेश सभा सदस्यमा निर्वाचित खड्ग बस्नेत अन्ततः मन्त्री बन्न सफल भएका छन् । नवलपरासीको सुनवल नगरपालिका–४ का ३७ वर्षीय बस्नेतलाई गत बिहीबार विनाविभागीय मन्त्री बनाइएकामा बुधबार देउखुरीमा बसेको मन्त्रिपरिषद् बैठकले उद्योग, पर्यटन तथा सहकारी मन्त्रालयको जिम्मेवारी तोकेको हो ।
मोटरसाइकल दुर्घटना हुँदा गुल्मीमा एक जनाको मृत्यु भएको छ । गौंडाकोटदेखि बिरबासतर्फ जाँदै गरेको लु ३५ प ५४८४ नम्बरको मोटरसाइकल रिडी–तम्घास सडकखण्डअन्तर्गत गुल्मीदरबार गाउँपालिका–३ म्यालपोखरीमा पल्टिँदा गुल्मीदरबार गाउँपालिका–३ राजाका अनिलराज घर्तीको मृत्यु भएको जिल्ला प्रहरी कार्यालय गुल्मीका डीएसपी शंकर पोखरेलले बताए ।
पाल्पाको तिनाउ गाउँपालिका क्षेत्रमा तीन दिनदेखि लागेको डढेलो अझै नियन्त्रणमा आउन सकेको छैन । भूतखोला सामुदायिक वन, सिद्धबाबा धार्मिक सामुदायिक वनलगायत दोभान, पैठेडाँडालगायतका जंगलमा दिनरा डढेलो लागेको स्थानीय राजेश श्रेष्ठले जानकारी दिए ।
पाल्पाको तानसेनमा शुक्रबार हुने अन्तर व्यवस्थापिका अन्तरसंवाद भेलाको तयारी पूरा भएको छ । लुम्बिनी प्रदेश सभाका सभामुख तुलाराम घर्तिमगरले बिहीबार पत्रकारसंग कुरा गर्दै सम्मेलनको तयारी पूरा भएको बताए ।
कपिलवस्तु नगरपालिका-४ मलपरवाका ३७ वर्षे विनित मिश्रालाई अपहरण गर्ने ६ जना अपहरणकारीलाई प्रहरीले पक्राउ गरी सार्वजनिक गरेको छ । बुधबार बिहान ११ बजेतिर तौलिहवास्थित बहादुरगंज चोकबाट मिश्र अपहरणमा परेका थिए ।
स्वास्थ्य कार्यालय पाल्पाले ६० वर्ष उमेर पुगेका महिला सामुदायिक स्वास्थ्य स्वयम्सेविकालाई सम्मानसहित बिदाइ गरेको छ । लामो समयदेखि मातृशिशु स्याहारमा क्रियाशिल जिल्लाका ११ जना स्वास्थ्य स्वयम्सेविकालाई सम्मानसहित बिदाइ गरिएको हो ।
चर्को गर्मी र तातो हावा ‘लु’ का कारण बाँके जिल्लाको जनजीवन प्रभावित बन्दै गएको छ । दिउँसो १२ बजेपछि बेलुका ५ बजेसम्म अत्यधिक गर्मी र तातो हावा ‘लू’ चल्ने गरेको छ ।
१५ औं पटक हात्तीपाइले (फाईलेरिया)को औषधि खुवाउँदा पनि निष्प्रभावी भएपछि यसवर्ष १६ औं पटक फेरि खुवाउन थालिएको छ । रोग निवारणका लागि सन् २००७ देखि हरेक वर्ष औषधि खुवाउँदै आइएको थियो ।
प्रहरीले मधुवन नगरपालिका–७ स्थित लोकबहादुर भण्डारीको घरमा लागूऔषध बिक्री भइरहेको सूचनाका आधारमा खानतलासी गर्दा ३ सय ४० ग्राम ब्राउन सुगर फेला पारेको छ ।
सत्ता गठबन्धन दलबीच भागबन्डा मिलाउन लुम्बिनीमा मुख्यमन्त्री कार्यालयसहित १२ वटा मन्त्रालय बनाइएको छ । मुख्यमन्त्री जोखबहादुर महराले गत बिहीबार ७ जनालाई बिनाविभागीय मन्त्रीमा नियुक्त गर्दा ११ मन्त्रालय थिए । उनीहरूलाई जिम्मेवारी तोक्ने क्रममा बुधबार बसेको मन्त्रिपरिषद् बैठकले मन्त्रालयको संख्या १२ पुर्याएको हो ।
