जंगली जनावरलाई थापेको विद्युतीय धरापमा परेर सोमबार घोराहीमा एकैघरका दाजुभाइको मृत्यु भएको छ । घोराही उपमहानगरपालिका–१ हर्नोकका ३५ वर्षीय दिलबहादुर रावतले मकै खाने जंगली जनावरलाई लक्षित गरी थापेको करेन्टको पासोमा परेर उनका छोराहरु १४ वर्षीय विरबल र १० वर्षीय तेजबहादुरको मृत्यु भएको हो ।

अख्तियार दुरुपयोग अनुसन्धान आयोगले तुलसीपुर उपमहानगरपालिकाका प्रमुख प्रशासकीय अधिकृत कृष्णकान्त उपाध्यायलाई स्रोत नखुलेको १४ लाख ४८ हजार ७ सय ९६ रुपैयाँसहित शुक्रबार नियन्त्रणमा लिएको छ ।

लमही–घोराही–तुलसीपुर सडकखण्डमा पर्ने खोलामा आएको बाढीले दुईवटा एम्बुलेन्स बगाएको छ । बाढीले बुधबार बिहान एम्बुलेन्स बगाएपछि प्रहरी र स्थानीयको सहयोगमा चालकसहित ११ जनाको उद्धार गरिएको छ ।

पहिरोले घर पुरिँदा दाङमा आमाछोरीको मृत्यु भएको छ ।

प्रहरीले घोराहीबाट १५ किलो चरेससहित ६ जनालाई पक्राउ गरेको छ । घोराही उपमहानगरपालिका–१४ बसपार्कस्थित रोल्पा नुवागाउँ होटेलमा लुकाइराखेको चरेससहित सोमबार उनीहरुलाई पक्राउ गरिएको प्रहरीले बताएको छ ।

काठ तस्करीको अभियोगमा देउखुरीमा ११ जना पक्राउ परेका छन् । राप्ती गाउँपालिका–४ देविकोटस्थित राष्ट्रिय वनबाट आइतबार राति १२ बजेतिर सालको काठ ल्याउँदै गरेको अवस्थामा उनीहरुलाई पक्राउ गरिएको डिभिजन वन कार्यालय लमहीका प्रमुख प्रविण विडारीले बताए । उनीहरुको साथबाट १५ थान काठ बरामद भएको उनले जानकारी दिए ।

पूर्व–पश्चिम राजमार्ग अन्तर्गत दाङको पिपरीमा भएको सवारी दुर्घटनामा दुईजनाको मृत्यु भएको छ । पूर्वबाट पश्चिमतर्फ गइरहेको बा २० च ५७४४ नम्बरको जीपले ठक्कर दिँदा राप्ती गाउँपालिका–८ पिपरीका ५० वर्षीय राजकुमार चौधरी र ८ वर्षीय निशान चौधरीको मृत्यु भएको हो ।

सशस्त्र द्वन्द्वका बेला तत्कालीन राप्ती अञ्चल माओवादी गतिविधिको केन्द्र थियो भने राज्य पनि भएभरको शक्ति लगाएर त्यहीं बसेको थियो । परिणाम गाउँगाउँमा साना–ठूला थुप्रै भिडन्त भए । ठूलो संख्यामा हताहती भयो । युद्धमा सहभागी नै नभएका सर्वसाधारणले ज्यान गुमाएका, घाइते, अंगभंग भएका र घर जलाइएका विवरण कति थिए कति ?

प्रहरीले दाङबाट अफिमसहित चार जनालाई पक्राउ गरेको छ । राप्ती गाउँपालिका–१ भालुबाङस्थित सोल्टी होटेलमा बसेर लागूऔषध कारोबार गरिरहेको सूचनाका आधारमा पुगेको प्रहरीले ६ किलो ९६७ ग्राम अफिमसहित रोल्पाका चार जनालाई पक्राउ गरेको प्रहरीले जानकारी दिएको छ । प्रहरीले शनिबार पत्रकार सम्मेलन गरी उनीहरुलाई सार्वजनिक गरेको छ ।

बलात्कार अभियोगमा तुलसीपुरमा एक जना पक्राउ परेका छन् । वैशाख १७ गते तुलसीपुरकी महिलालाई बलात्कार गरी फरार भनिएका तुलसीपुर उपमहानगरपालिका ३ का ४४ वर्षीय खिमबहादुर वलीलाई मंगलबार पक्राउ गरेको प्रहरीले जनाएको छ । उनीमाथि घरमै सुतेकी महिलालाई बलात्कारको आरोप छ ।