टासी घलेको नेतृत्वमा नेपाल गल्फ संघको सर्वसम्मत कार्यसमिति चयन भएको छ । शनिबार गल्फ संघको छैटौं साधारणसभाले घलेलाई पुनः अध्यक्षमा चुनेको हो । उपाध्यक्षमा पवित्रकुमार कार्की, तिलक राई, फुर्साङ लामा चुनिए ।
लुटन टाउनले क्लब इतिहासमै पहिलो पल्ट इंग्लिस प्रिमियर लिग खेल्ने भएको छ । उसले यसका लागि शनिबारको च्याम्पियनसिप प्लेअफमा कभेन्ट्री सिटीलाई टाइब्रेकरमा हराएको हो । निर्धारित समयको खेल १–१ को बराबरी टुंगेपछि टाइब्रेकरमा लुटन ६–५ ले विजयी रह्यो ।
पेरिस सेन्ट जर्मेन (पीएसजी) ले शनिबार कीर्तिमान ११ औं पल्ट फ्रान्सेली लिग वानको उपाधि जितेको छ । लियोनल मेसीको गोलको मदतले पीएसजीले स्ट्रसबर्गसँग १–१ बराबरी खेल्यो र यो नै उसलाई फ्रान्सेली च्याम्पियन बनाउन पर्याप्त रह्यो ।
जमाल मुसियलाले ९० औं मिनेटमा गरेको गोलमा बायर्न म्युनिकले शनिबार कोलोग्नलाई २–१ ले पराजित गर्दै लगातार ११ औं पटक बुन्डेसलिगाको उपाधि जितेको छ । समग्रमा ३३ औं पल्ट बुन्डेसलिगा जितेको छ । जर्मन लिगको अन्तिम दिन बोरुसिया डर्टमन्डले आफ्नो खेल जितेको भए उपाधि जित्ने थियो ।
कति नजिक तर अझै कति टाढा । सहिद स्मारक ‘ए’ डिभिजन लिगको शीर्ष तीन स्थानमा रहेका टिमले यही अनुभव गरेको हुनुपर्छ । चर्च ब्वाइज, मछिन्द्र र जावलाखेल तीनै टिम शनिबार मैदानमा उत्रिए । त्यसमध्ये चर्च ब्वाइज र जावलाखेल पराजित भए । मछिन्द्र भने आर्मीसँग ‘भाग्यमानी’ बराबरीमा रोकियो । यी नतिजाले लिग उपाधिको होड फेरि एकपल्ट खुला भएको छ । रेलिगेसन तनाव पनि उत्तिकै खुला भएको छ ।
जर्मनीको म्युनिकस्थित मामेन्डर्फमा फिन्च्त जुनियर फुटबलको ५४ औं संस्करणको रुपमा ‘भीआर बैंक कप २०२३’ शनिबार सुरु भएको छ । प्रतियोगितामा एक्लो बिदेशी र पहिलो नेपाली टिमको रुपमा सहभागि काठमाडौं किकर्स फुटबल एकेडेमीले यू १३ तर्फ सुरुका तीनै खेल हारेको छ ।
वाग्मती प्रदेश खेलकुद परिषद्को आयोजनामा भएको प्रदेश खेलकुद वाग्मती प्रदेश सरकारका मुख्यमन्त्री शालिकराम जमरकट्टेलको उपस्थितिमा आतिसबाजी र सांगीतिक प्रस्तुतिका समापन भयो ।
सुर्खेतको वीरेन्द्रनगरमा आयोजित ‘दोस्रो मदन भण्डारी रिङ रेस्लिङ महाभिडन्तको उपाधि नुवाकोटे टाइगरले जितेका छन् । ७२ औं मदन स्मृति तथा मदन जयन्तीको सन्दर्भमा ‘सबैका लागि खेलाकुद’ भन्ने नारासाथ मदन भण्डारी रिङ रेस्लिङ विभागले आयोजना गरेको प्रतियोगितामा हेभीवेटतर्फ नुवाकोटे टाइगरले उपाधि जितेका हुन् ।
रेलिगेसनबाट बच्न संघर्षरत संकटा क्लबले सहिद स्मारक लिग ए डिभिजन ०७९–०८० मा चर्च ब्वाइजलाई १–० ले स्तब्ध पारेको छ । दशरथ रंगशालामा भएको खेलमा संकटाले लिग तालिकाको शीर्ष स्थानमा रहेको टिमलाई हराउँदै रेलिगेसन क्षेत्र पनि छाडेको छ ।
सम्भवतः नेपाल पुलिस क्लबलाई यसपल्ट फेरि रेलिगेसनको तनाव हुने छैन । पुलिसको माथिल्लो डिभिजनको हैसियत कायम रहने छ । सहिद स्मारक ‘ए’ डिभिजन लिगमा शुक्रबार खुमलटार एफसीलाई हराएपछि पुलिस यो उपलब्धिको अवस्थामा पुगेको हो ।
के एन्फा गैंडाजस्तै हो त ? कुनै समय आफ्नै नेतृत्वमा रहेको अखिल नेपाल फुटबल संघ (एन्फा) का अध्यक्ष कर्माछिरिङ शेर्पाले यस्तै आरोप लगाएका छन् । उनको गुनासो थियो, एन्फा नेतृत्व गैंडाको छालाभन्दा कडा छ, किनभने सहिद स्मारक लिग ‘ए’ डिभिजन खेलिरहेका क्लबको ठीक र जायज माग पनि बेवास्ता गरिरहेको छ । अझ शेर्पाको विश्लेषणमा त अहिलेको एन्फा आर्थिक रूपमा पूर्णतः असफलतातर्फ अग्रसर बनिरहेको छ ।
काठमाडौं किकर्स फुटबल एकेडेमीले जर्मनीको ५६ वर्ष पुरानो प्रतियोगिता भीआर–बैंक कपमा शनिबारदेखि प्रतिस्पर्धा गर्दै छ । म्युनिकमा तीन दिने ट्रेनिङ क्याम्प आयोजना गरेपछि प्रतियोगिता खेल्न लागेको हो ।
चितवनले दोस्रो वाग्मती प्रदेश खेलकुदमा शुक्रबार पुरुष क्रिकेटमा स्वर्ण जितेको छ । महिला क्रिकेटको उपाधि भने काठमाडौंले जितेको थियो । चितवनले घरेलु भूमि गौतम बुद्ध क्रिकेट मैदानमा शुक्रबार फाइनलमा ललितपुरमाथि ३६ रनको जित निकाल्यो ।
शुभमन गिलको उत्कृष्ट १ सय २९ रनमा गुजरात टाइटन्सले शुक्रबार इन्डियन प्रिमियर लिगमा मुम्बई इन्डियन्सलाई ६२ रनले पराजित गर्दै फाइनल प्रवेश गरेको छ । अब उपाधिको भिडन्तमा गुजरातले चेन्नई सुपर किंग्सको सामना गर्नेछ ।
