नेपाली क्रिकेट टिमका स्पीनर सन्दीप लामिछाने एसिया-११बाट खेल्ने भएका छन् । बंगलादेशले यही मार्चमा आयोजना गर्न लागेको एसिया-११ र विश्व-११ बीचको अन्तर्राष्ट्रिय खेलमा सन्दीपको नाम एसिया-११मा परेको हो ।
पाथीभरा म्याराथन प्रतियोगिता मंगलबार हुँदै छ । म्याराथनका लागि नाम चलेका स्वदेशी खेलाडी ताप्लेजुङ आएका छन् । पाथीभरा म्याराथन मेची पर्यटन महोत्सवको अन्तिम दिन प्रतियोगिता गर्न लागिएको हो । यो महोत्सवको मुख्य आकर्षण रहनेछ । पुरुषतर्फ खुला म्याराथन तथा महिलातर्फ हाफ म्याराथन हुनेछ ।
लिभरपुलले इंग्लिस प्रिमियर लिगमा सोमबार राति कीर्तिमानी १८ औं जित आत्मसात् गरेको छ । यसका लागि लिग तालिकाको शीर्ष स्थानमा रहेको लिभरपुलले पछाडि रहेको स्थिति उल्टाएर वेस्ट ह्यामलाई ३–२ ले हरायो ।
बेलबारी फुटबल क्लबलाई ४–० गोलले हराउँदै मनाङ मर्स्याङ्दी फुटबल क्लब धरानमा जारी अन्तर्राष्ट्रिय आमन्त्रण बुढासुब्बा टुबोर्ग गोल्डकपको अन्तिम चारमा पुगेको छ ।
पूर्वी नवलपरासीमा जारी राइनो कपमा हिमालयन शेर्पालाई ५–१ गोल अन्तरले हराउँदै विभागीय त्रिभुवन आर्मी क्लब फाइनल प्रवेश गरेको छ । पूर्वी नवलपरासीको कोल्हुवामा जारी राइनो संरक्षण गोल्डकप फुटबल प्रतियोगिता अन्तर्गत सोमबारको खेलमा शेर्पालाई भारी गोल अन्तरले हराउँदै आर्मी फाइनल प्रवेश गरेको हो ।
एभरेष्ट प्रिमियर लिग(ईपीएल) को डिफेन्डिङ च्याम्पियन ललितपुर प्याट्रियट्सले थप तीन जना विदेशी खेलाडीलाई भित्र्याएको छ । पाकिस्तानका अलराउन्डर हमाद आजम र हसन खान तथा लेफ्ट आर्म सिमर मिर हाम्जालाई टिममा भित्र्याएको ललितपुर प्याट्रियट्सले प्रेस विज्ञप्तिमार्फत जानकारी दिएको छ ।
विवेक चौधरीको ह्याट्रिक गोलको मदतमा नव जनजागृति युवा क्लब सिमरा विजयी भएको छ । सुदूरपश्चिम खप्तड गोल्डकपअन्तर्गत आइतबार धनगढी रंगशालामा भएको खेलमा नव जनजागृतिले मदन भण्डारी स्पोर्ट्स एकेडेमीलाई ४–० को फराकिलो गोल अन्तरले पराजित गर्यो । जितसँगै नव जनजागृति प्रतियोगिताको क्वार्टरफाइनलमा प्रवेश गरेको छ ।
टिम साउथीले गरेको घातक बलिङको मद्दतले न्युजिल्यान्डले भारतविरुद्धको पहिलो टेस्ट सोमबार १० विकेटले जितेको छ । न्युजिल्यान्ड चौथो दिन लञ्च अगाडि नै भारतलाई हराएको हो ।
स्टार खेलाडीहरूको ज।मघट मछिन्द्र क्लबले एक सातामै लगातार दोस्रो उपाधि जितेको छ । टोलीले आइतबार झापाको झिलझिलेमा सम्पन्न तेस्रो सताक्षी गोल्डकप फुटबल प्रतियोगिताको उपाधि जितेको हो ।शिवसताक्षी नगरपालिका ११ स्थित गणेशमान सिंह अध्ययन प्रतिष्ठानको मैदानमा भएको फाइनलमा मछिन्द्रले थ्रीस्टार क्लबलाई १–० गोलले पराजित गर्यो ।
जावलाखेल युथ क्लब वाग्मती गोल्डकप फुटबल प्रतियोगिता जितेको छ । मकवानपुरको वाग्मती गाउँपालिकास्थित जनता माविको खेल मैदानमा तेस्रो संस्करणको फाइनलमा अर्को ए डिभिजन क्लब हिमालयन शेर्पालाई १–० गोलअन्तरले पराजित गर्दै जावलाखेल च्याम्पियन भएको हो ।
क्रिकेट खेलाडी संघ (सीप्यान) ले आफ्नो अवार्डमा समानता ल्याएको छ । चैत २१ गते राजधानीको प्रज्ञा भवनमा हुने एनसीसीएस–सीप्यान क्रिकेट अवार्डमा महिला र पुरुषतर्फको विजेताले समान पुरस्कार रकम पाउने भएका छन् । क्रिकेट खेलाडीहरूको हकहितका लागि बनेको सीप्यानले गत वर्षबाट यो अवार्डको सुरुआत गर्दा पुरुषतर्फको विजेता सन्दीप लामिछानेले १ लाख ३२ हजार पुरस्कार रकम पाएका थिए ।
पिएरे एमरिक अबमेयाङको दुई गोलको मद्दतले इंल्यान्डको प्रिमियर लिगमा आर्सनलले आइतबार राति एभरटनलाई ३–२ ले हराएको छ । यो सँगै उसले शीर्ष पाँचसँगको दूरी घटाएको छ ।
