इरानले दुई पटक पछाडि रहेको स्थितिबाट खेलमा फर्कदै मंगलबार विश्वकप २०२६ मा न्युजिल्यान्डलाई २–२ को बराबरीमा रोकेको छ । लस एन्जलस स्टेडियमको यो नतिजापछि दुवै टिम समान एक एक अंकमा समूह जी को शीर्ष दुई स्थानमा रहे । यसै समूहमा बेल्जियम र इजिप्ट पनि समान एक एक अंकमा छन् । न्युजिल्यान्डका लागि इजिल जस्टले दुई गोल गरे । न्युजिल्यान्डले खेलको सातौं मिनेटमा अग्रता लिएको थियो र यसक्रममा जस्टले गोलको खाता खोले । उनले त्यसका लागि इरानी पेनाल्टी एरियामा सबैभन्दा पहिले बललाई सुन्दर ढंगले नियन्त्रणमा लिए र त्यसलाई पोस्टको दिशा दिए । इरान ३२ औं मिनेटमा बराबरी गोल फर्काउन सफल रह्यो । न्युजिल्यान्डको पेनाल्टी एरियामा पाएको बलमा रमनी रेजाइनले चलाखीपूर्ण गोल गरे । त्यस अगाडि इरानका मेहदी तारेमीले २४ औं मिनेटमा गरेको प्रहार न्युजिल्यान्डको पोस्टमा लागेको थियो । जस्टले ५४ औं मिनेटमा न्युजिल्यान्डका लागि दोस्रो गोल गरे । मैदानको मध्य भागबाट सुरु भएको आक्रमणलाई उनले सुन्दर गोलमा परिणत गरे । यसै क्रममा उनी विश्वकप इतिहासको एकै खेलमा दुई गोल गर्ने न्युजिल्यान्डका पहिलो खेलाडी पनि भए । तर त्यो अग्रता पनि लामो समय टिकेन् र इरानले खेलको ६३ औं मिनेटमा फेरि बराबरी गोल फर्काउन सफल रह्यो । अनमार्क रहेका मोहम्मद मोहेबीले सजिलै हेडिङबाट गोल गरे ।

न्युजिल्यान्डले इरानविरुद्धको खेलमा दोस्रो हाफमा अग्रता लिएको छ । मैदानको मध्य भागबाट सुरु भएको आक्रमणलाई इजिल जस्टले ५४ औं मिनेटमा सुन्दर गोलमा परिणत गरे । उनकै गोलमा न्युजिल्यान्डले सुरुआती अग्रता लिएको थियो । यससँगै न्युजिल्यान्डले खेलमा २–१ को अग्रता लिएको छ । जस्ट विश्वकप इतिहासको एकै खेलमा दुई गोल गर्ने पहिलो न्युजिल्यान्डका खेलाडी पनि भएका छन् ।

न्युजिल्यान्ड र इरानबीच लस एन्जलस स्टेडियममा चलिरहेको खेलको पहिलो हाफ टुंगिदा दुवै टिम १–१ को रोमाञ्चक बराबरीमा रहेका छन् । न्युजिल्यान्डले खेलको सातौं मिनेटमा अग्रता लिएको थियो र यसक्रममा इलिज जस्टले गोल गरे । उनले त्यसका लागि इरानी पेनाल्टी एरियामा सबैभन्दा पहिले बललाई सुन्दर ढंगले नियन्त्रणमा लिए र त्यसलाई पोस्टको दिशा दिए । इरान ३२ औं मिनेटमा बराबरी गोल फर्काउन सफल रह्यो । न्युजिल्यान्डको पेनाल्टी एरियामा पाएको बलमा रमनी रेजाइनले चलाखीपूर्ण गोल गरे । त्यस अगाडि इरानका मेहदी तारेमीले २४ औं मिनेटमा गरेको प्रहार न्युजिल्यान्डको पोस्टमा लागेको थियो । समूह जी को यसअघि भएको पहिलो खेलमा बेल्जियम र इजिप्टले पनि बराबरी खेलेका थिए ।