मोहम्मद सामीले अन्तिम ओभरमा ह्याट्रिक विकेट लिएपछि भारतले विश्वकपमा शनिबार अफगानिस्तानलाई ११ रनले पराजित गरेको छ । विश्वकप इतिहासमै अप्रत्यासित नतिजाको नजिक पुगेर अफगानिस्तान चुक्यो ।

अमेरिकासँगको सम्बन्ध बिग्रँदै गइरहेका बेला चिनियाँ दूरसञ्चार कम्पनी हुवावेले अमेरिकी नागरिकलाई जागिरबाट हटाएको छ । अमेरिकी सञ्चार माध्यमका अनुासर हुवावेको केन्द्रीय कार्यालय सेन्जेनमा काम गर्ने अमेरिकी नागरिकलाई जागिरबाट निकालिएको हो । अमेरिकाले कम्पनीलाई कालो सूचीमा राखेपछि हुवावेले उक्त निर्णय लिएको जनाइएको छ ।

विकिलिक्सका संस्थापक जुलिएन असान्जेविरुद्ध यौन दुर्व्यवहारको मुद्दा फेरि ब्युँताइएको छ । लन्डनमा इक्वेडर दूतावासबाट हटाइएको एक महिनापछि उनीविरुद्ध मुद्दा ब्युँताइएको हो ।

मानिसका विभिन्न क्रियाकलापका कारण मानव इतिहासकै बढी अर्थात् १० लाखभन्दा बढी प्रजातिका जीवजन्तु तथा रूखविरुवा संकटमा परेका छन् । तर तत्काल कदम चालेको खण्डमा संकटमा परेका त्यस्ता प्रजातिको सरक्षण गर्न सकिने जलवायु विविधतासम्बन्धी सोमबार सार्वजनिक संयुक्त राष्ट्रसंघीय विस्तृत प्रतिवेदनले उल्लेख गरेको छ । 

जापानका सम्राट नारुहितोले म‌ंगलबार मध्यरातबाट जापानको राजगद्दी सम्हालेका छन् । उनी जापानी राजतन्त्रको इतिहासमा राजगद्दी सम्हाल्ने १२६औं राजा भएका छन् । शाही निसान र छाप हस्तान्तरण गर्ने विशेष समारोहमा उनलाई मंगलबार राति जापानी राजपरम्परामा विशेष महत्व राख्ने एउटा तरबारको प्रतिक, एउटा बहुमूल्य रत्न दिइएको थियो । उक्त समारोहमा पूर्व सम्राट अकिहितोको पनि उपस्थिति थियो ।