फोटोफिचर

फेरियो चन्दननाथमा ५२ हाते लिंगो [फोटोफिचर]

कर्णालीकै प्रशिद्ध चन्दननाथ मन्दिरमा ५२ हाते लिंगो परिवर्तन गरिएको छ । प्रत्येक वर्ष घटस्थापनाको दिनमा यस मन्दिरमा पूजा गरेर लिंगो फेर्ने चलन छ । रातो, सेतो, रङ्गीविरङ्गी कपडाले लिंगो पुरै ढाकिन्छ । लिंगोको टुप्पोमा पताका लगाएर मन्दिरमा ठड्याइन्छ । ठड्याउने क्रममा लिंगो भाँचियो वा खण्डित भयो भने पुरै देशमा अनिष्ट हुन्छ भन्ने भनाइ छ । एक वर्षमा ५२ हप्ता हुने भएकोले ५२ हाते लिंगो खडा गर्ने प्रचलन छ ।

दसैंघरमा राखियो जमरा

नवरात्रको पहिलो दिन सोमबार घटस्थापनाको अवसरमा घरघरमा दसैंको जमरा राखिएको छ । दसैंको पहिलो दिन घटस्थापनाका अवसरमा घरघरमा जमरा राख्‍ने गरिन्छ । यही अवसरमा काठमाडौंको वसन्तपुरमा रहेको दसैं घरमा पनि जमरा राखिएको छ । नेपाली सेनाको टोलीले मंगल धुन बजाएर बढाईं गरेसँगै शनिबार बिहान १०: २३ को शुभसाइतमा जमरा राखिएको हो ।

आश्विन ९, २०७९

जंगलको बीचमा गिडीदह, जहाँ पुग्ने बाटो छैन

वरिपरि पहाड र घना जंगल । सयौंथरि फूल र चराहरू । थुप्रै प्रजातिका वन्यजन्तुको बासस्थान हो गिडीदह क्षेत्र । प्राकृतिक सौन्दर्यको अनुपम उपहार मात्रै नभएर सुगन्धित बहुमुल्य जडीबुटी र पानीमा देखिने विभिन्न थरिका रंगहरूका कारण गिडीदह (गिरि ताल) को अलग पहिचान छ ।

आजबाट सकिँदै यस वर्षको पितृपक्ष

पितृपक्षको अन्तिम दिन आज दिवङ्गत आफन्तको स्मरण गर्दै यस वर्षको सोह्रश्राद्ध विसर्जन गरिँदै छ । असोज कृष्णपक्ष हिन्दू वैदिक परम्परामा पितृपक्षका रूपमा यो पक्षभरि दिवङ्गत आफन्तलाई पवित्र जलको तर्पण र गाईका दूधमा पकाइएको खिरको पिण्ड दिई श्राद्ध गर्ने चलन छ ।

आश्विन ८, २०७९

तस्बिरमा 'कान्तिपुर उज्यालो पूर्व'

कान्तिपुर मिडिया ग्रुपले शनिबार प्रदेश १ मा आयोजना गरेको 'उज्यालो पूर्व'मा कार्यक्रममा प्रदेश १ को अर्थ-सामाजिक सामर्थ्यमाथि विभिन्न सत्रमा विज्ञहरुसँग छलफल भयो । तस्बिरमा हेर्नुहोस् 'कान्तिपुर उज्यालो पूर्व' :

पुरानो पूर्व

राजनीति होस् या सामाजिक विकासमा पूर्वको इतिहास निकै लामो छ । त्यसबेलाका ऐतिहासिक स्थलहरु समयक्रमसँगै परिवर्तित भएका छन् । उबेलाका हाटबजार अहिले सम्झनामा मात्रै छन् । यी तस्बिरमा पूर्वको इतिहास बिम्बित छन्-

आश्विन ६, २०७९

वीर अस्पताल अगाडि निर्मित अनधिकृत संरचनामा महानगरको डोजर

काठमाडौं महानगरपालिकाले वीर अस्पताल अगाडि डोजर चलाएको छ । अस्पताल अगाडि अनधिकृत रुपमा निर्माण गरिएका टहरामा बिहीबार महानगरले डोजर चलाएको हो ।

राष्ट्रपतिको असंवैधानिक कदमविरूद्ध विद्यार्थीको संयुक्त प्रदर्शन

राष्ट्रपति विद्यादेवी भण्डारीले नागरिकता विधेयक प्रमाणीकरण नगरेको भन्दै सत्तारूढ दल निकट विद्यार्थी संगठनहरूले काठमाडौंमा संयुक्त रूपमा प्रदर्शन गरेका छन् । बिहीबार बिहान नेपाली कांग्रेसनिकट नेविसंघ, नेकपा माओवादी केन्द्रनिकट अखिल क्रान्तिकारी, नेकपा एकीकृत समाजवादीनिकट अनेरास्ववियुलगायतले संयुक्त रूपमा माइतीघर मण्डलमा विरोध प्रदर्शन गरेका हुन्।

आश्विन ५, २०७९

राष्ट्रपतिको कदमविरुद्ध विद्यार्थीको प्रदर्शन [तस्बिरहरु]

राष्ट्रपति विद्यादेवी भण्डारीले नागरिकता विधेयक प्रमाणीकरण नगरी गैरसंवैधानिक कदम चालेको भन्दै अनेरास्ववियु (क्रान्तिकारी)ले काठमाडौंमा विरोध प्रदर्शन गरेको छ । नेपाल कमर्स क्याम्पसका विद्यार्थीहरुले बुधबार मिनभवनमा राष्ट्रपतिको पुतला जलाउँदै प्रदर्शन गरेका हुन् । विद्यार्थीहरुले कालो ब्यानर, प्लेकार्डसहित राष्ट्रपतिको कदमविरुद्ध नाराबाजीसमेत गरेका छन् ।

कबाडी गोदाम आगलागीमा ३ जना घाइते

ललितपुरको धोबीघाटस्थित एक कबाडी गोदाममा भएको आगलागीमा ३ जना घाइते भएका छन् । महानगरीय प्रहरी प्रभागका सानेपाका अनुसार घाइतेहरूलाई स्टार अस्पतालमा प्रारम्भिक उपचारपछि थप उपचारका लागि कीर्तिपुर अस्पताल लैजाने तयारी गरिएको छ ।