घर होस् या होटल । स्कुल होस् या अस्पताल । इलाममा जहाँतही फूलेको छन् ढकमक्क फूलहरु । फूलैफूलका गमलाले चिटिक्क छन्, हरेक घरका बार्दली र आँगन । यो चियाबारीको हरियाली सहर रंगीविरंगी फूलहरुको सौन्दर्यताले बगैँचा झैँ देखिन्छ ।
दुईवटा टोलका १ सय १० घर आगोले खरानी भएपछि मटिहानी नगरपालिका-६ जरहवागाछीका करिब ५ सय मानिसहरु अहिले बेघर बनेका छन् । बुधबार बस्तीमा लागेको आगोले लत्ताकपडासंगै धनमाल जलेर नष्ट भएपछि बस्तीमा विपन्न परिवारको बिचल्ली भएको छ ।
चर्चित पर्यटकीय गन्तव्य मुस्ताङ यतिबेला स्याउ फुलेर सेताम्मे भएको छ । पयर्टकहरू यतिबेला हिमशृंखला र मुस्ताङको भूदृश्यका साथै स्याउ–बगैंचा हेरेर रमाइरहेका छन् ।
बारपाकका कृष्ण गुरुङ ९ वर्षअघि कोटडाँडामा टहलिँदै थिए । एक्कासि जमिन थर्कियो, घरहरू भत्कन थाले, आकाश धुलाम्मे भयो । ‘सुरुमा त के नै हुन लाग्यो भनेर अलमलमा परेँ, घर जान पर्यो भनेर दौडिएको, बाटोभीर घर लडेर आफ्नै घर पुग्न सकिनँ,’ ९ वर्षअघि गएको भूकम्प सम्झँदै गुरुङ भन्छन्,‘एक मिनेटभन्दा बढी समय जमिन हल्लिँदा देखेजति सबै घरहरु भत्किए ।’
गोरखाको वारपाकलाई केन्द्रविन्दु बनाएर विनाशकारी भूकम्प गएको ९ वर्ष पूरा भएको छ। २०७२ साल वैशाख १२ गते शनिबार ११ बजेर ५६ मिनेट जाँदा ७.६ म्याग्निच्युडको भूकम्प गएको थियो । भूकम्पबाट मुलुकभरी स्वदेशी तथा विदेशी नागरिक गरेर ८ हजार ९ सय ७० जनाको मृत्यु भएको थियो । बारपाक केन्द्रबिन्दुबाट जमिनमुनि करिब १०–१५ किलोमिटरभित्र भूकम्प सिर्जना हुँदा हिरोसिमामा गरिएको ३३५ वटा एटोमिक बम बराबरको शक्ति जमिनभित्र तरङ्गको रुपमा चारैतिर फैलिन पुगेको विज्ञहरु बताउँछन् ।
मित्रराष्ट्र कतारका अमिर शेख तमिम विन हमाद अल थानी नेपालको दुई दिने राजकीय भ्रमणको सिलसिलामा मंगलबार अपराह्न काठमाडौँ आइपुगेका छन् । राष्ट्रपति रामचन्द्र पौडेलको मैत्रीपूर्ण निमन्त्रणामा उनी नेपाल भ्रमणमा आउका हुन् । उनलाई त्रिभुवन अन्तर्राष्ट्रिय विमानस्थलको अतिविशिष्ट कक्षमा राष्ट्रपति पौडेलले स्वागत गरे ।
कतारका अमिर शेख तमिम बिन हमाद अल थानी दुईदिने भ्रमणका लागि मंगलबार नेपाल आउँदै छन् । राष्ट्रपति रामचन्द्र पौडेलको निमन्त्रणामा उनको भ्रमण हुन लागेको हो । पहिलोपल्ट कतारका अमिर नेपाल आउन लागेका हुन् । दुई निजी जहाज लिएर आउन लागेका उनका लागि काठमाडौंका सडकमा स्वागत द्वार बनाइएका छन् ।सडकहरू पखालेर चिटिक्क पारिएको छ ।
जाजरकोट भूकम्पले सबैभन्दा क्षति गरेको भेरी नगरपालिका–१ र ३ को सिमानामा पर्ने होलुजिउलामा पाकेको गहुँबाली । अन्नबाली काटेपछि सुरक्षित भण्डारण गर्ने स्थान अभावमा किसान चिन्तामा छन् । भूकम्पमा जाजरकोट र रुकुममा करिब ६२ हजार परिवार घरबारविहीन भएका छन् ।
सुकेको धोद्रो रुखमा गुँड लगाउने ‘कोचलगाँडे’ लाटोकोसेरो आइतबार बिहान खैरहनी कठार गाउँमा बकैनाको हरियो रुखमा देखियो । भर्खरै पालुवा लागेको बगैनाको हाँगोमा दुईवटा ‘कोचलगाँडे’ घरि यता घरि उता गरिरहन्थे । प्राय सुर्यास्तपछि सक्रिय हुने पन्छी हो लाटोकोसेरो । तर सुर्योदय भएको लामो समयसम्म पनि ती जोडीले बकैनाको बुटो छाडेनन् ।
झण्डै ६ महिना सुख्खा खडेरीले पतझर बिरुवाका पातहरु झरेर रुखो बनेको जुम्ला स्याउ फुलेसँगै सेताम्य बनेको छ । अहिले जिल्लाका अधिकांश गाउँ स्याउ फुलेर सेताम्मे बनेका छन् । स्याउ फुलेर बगैंचा नै सेताम्य देखेपछि किसानहरु यो बर्ष उत्पादन बढ्ने भन्दै मख्ख छन् ।
महिलाको स्वास्थ्य एवं फिटनेसमा सचेतना जगाउने उद्देश्यले शनिबार काठमाडौंमा पिंक केयराथन भएको छ । लेजर पोर्ट नेपालले नेपाल प्रहरी श्रीमती संघसँगको सहकार्यमा पिंक केयराथोन गरेको हो । महिलाको दौड, जुम्बालगायतका विभिन्न गतिविधि भएका छन् । पिंक केयराथोनअन्तर्गत ५ किमि र २० किमि दौड भएको थियो भने दौडिन नसक्नेहरुले ३ किमि हिँडेर दुरी पार गरेका थिए ।