गत असार ७ गते पूर्वी चितवन जनकौली मध्यवर्ती वनमा बाघले आक्रमण गर्दा एक महिलाको ज्यानै गयो । मान्छे मार्ने बाघलाई तुरुन्तै नसमाएको भनेर आक्रोशित स्थानीयले निकुञ्ज कार्यालयमा तोडफोड र आगजनीसमेत गरे ।
कोरोना संक्रमण बढेसँगै निषेधाज्ञा लागेपछि चितवन राष्ट्रिय निकुञ्ज वरपरका मध्यवर्ती सामुदायिक वनमा मध्य वैशाखदेखि बन्द भएको जंगल सफारीलगायतका पर्यटकीय गतिविधि मंगलबारबाट पुनः सुरु भएको छ । पर्यटकहरू वन्यजन्तु हेर्न हात्ती सफारी र जिप सफारी गर्छन् । खोलाहरूमा डुंगा चढ्ने गर्छन् । निकुञ्जभित्र भने तत्काल पर्यटकीय कार्यक्रमहरू सुरु हुने छैनन् ।
भरतपुरको पश्चिम क्षेत्रमा बरौजी भन्ने एउटा गाउँ छ । गीतानगरबाट केहीपरको यो गाउँबारे चितवनकै बासिन्दा खासै जानकार छैनन् । भरतपुर–माडी–ठोरी हुलाकी सडक यही गाउँ हुँदै गएको छ । सडकको देब्रेतिर झन्डै सय मिटरभित्र एउटा पुरानो घर छ । हुर्केका रूखले यो घर बाटो हिँड्नेको नजरमा परिहाल्दैन । यो घर रामप्रसाद गुरुङको हो । उनै गुरुङ हुन् जसले नेपाल सहभागी पहिलो ओलम्पिक खेले ।
कोरोना संक्रमण दोस्रोपटक तीव्र भएसँगै चितवनमा वैशाख १६ को मध्यरातबाट निषेधाज्ञा जारी भयो । चितवन राष्ट्रिय निकुञ्ज र आसपासको वन क्षेत्रमा हुने पर्यटकीय गतिविधिमा पनि रोक लाग्यो । जिल्लामा निषेधाज्ञा अहिले पनि जारी छ । तर असार ९ यताका सूचनामा गर्न नपाइने कामबाट ‘निकुञ्जको पर्यटकीय गतिविधि’ हटेको छ । यद्यपि पर्यटकीय गतिविधि सुरु हुने अवस्था छैन ।
गत असार ८ मा प्रशासन कार्यालयमा छलफल हुँदा स्वास्थ्य कार्यालय प्रमुख दीपक तिवारीले संक्रमण दर घट्न थालेको बताएका थिए । उनले असारमा २ हजार जना मात्रै संक्रमित हुने अनुमान गरेका थिए । तर मध्य असारपछि जिल्लामा संक्रमण फैलने दर बढेर गयो । यो महिना जिल्लाभर ३ हजार ४७ जना संक्रमित हुन पुगे ।
नयाँ सरकार गठनसँगै भूमि सम्बन्धी समस्या समाधान आयोग खारेज हुने समाचार आएपछि राष्ट्रिय भूमि अधिकार मञ्च, नेपाल चितवन जिल्ला कार्य समितिले आइतबार जिल्ला प्रशासन कार्यालयमा ज्ञापनपत्र बुझाएको छ । सरकार परिवर्तन भएपछि आयोगलाई त्यसै विघटन नगर्न मञ्चले माग गरेको छ । आयोगले अहिलेसम्म गरेका कामलाई असर नपर्ने गरी निर्णय गर्न मञ्चले सरकारलाई सुझाव दिएको छ ।
यहाँको उत्तरी पहाडी भेगमा बस्ने चेपाङ समुदायलाई सुविधा दिन खुलेको भण्डारा–मलेखु चेपाङ मार्ग बर्खा लागेसँगै ठाउँ–ठाउँमा गएको पहिरोले अवरुद्ध छ । सडक पुरिएर तथा भासिएर सवारीसाधन चल्न नसक्दा विकट गाउँका बासिन्दाले अनेकौं सकस बेहोरिरहेका छन् ।
नेपाली सेनाको आफ्नै गणका हुद्दा भरत गुरुङलाई गोली हानेर हत्या आरोपमा ‘दि फेमस महिन्द्र दल गण’का सिपाही गंगाधर ढकाललाई चितवन प्रहरीले पक्राउ गरेको छ । यो गण हाल शिवपुरी राष्ट्रिय निकुञ्जमा तैनाथ छ ।
सुजिता भण्डारी मृत्यु प्रकरणमा चितवन प्रहरीले उनका ठूलो बुबाका छोरा नातामा दाइ पर्ने सुकदेव भण्डारीलाई आत्महत्या दुरुत्साहन आरोपमा पक्राउ गरेको छ । सुजिताकी आमा अम्बिका भण्डारीले सुकदेवविरुद्ध चितवन प्रहरीमा साउन ६ गते उजुरी दिएकी थिइन् । सुकदेवलाई बिहीबार काठमाडौंबाट पक्राउ गरेको प्रहरीले जानकारी दिएको छ ।
हेर्दा पातीजस्तो देखिने तर हानिकारक झार पार्थेनियम अहिले खेतबारी, वनपाखा र बाटो छेउछाउ जताततै देखा पर्न थालेको छ । यो झार पर्यावरण, कृषि र मानव स्वास्थ्यका लागि खतरनाक रहेको विज्ञहरू बताउँछन् ।
