दुवैतिर खहरे खोलाको बीचमा काठले बनेका घर छ । चुरे फेदीको बस्ती भएकाले सामान्य झरीमा पनि खहरे खोला उर्लेर आउँछन् । भीमदत्त नगरपालिका–९ खल्लाका मदन कार्कीलाई खहरे खोलामा बाढी आएका बेला ज्यान जो...
अविरल वर्षासँगै आएको पहिरोले कर्णाली राजमार्ग अवरुद्ध हुँदा सवारीसाधन चल्न सकेका छैनन् । आइतबार राति परेको वर्षाले कर्णाली राजमार्गको टाकुल्ला, बिर्तामोड, हुल्म र गगनेखोलामा पहिरो गएको जिल्ला प्रहरी कार्यालय कालिकोटका प्रमुख डीएसपी अर्जुन केसीले जानकारी दिए ।
चीनसँग जोड्ने बाह्रबिसे-तातोपानी (२६ किलोमिटर) सडकमा पर्ने खाग्दल बजारमा रहेको बेलिब्रिज बाढीले बगाएको छ । खाग्दल खोलामा आएको बाढीले बेलिब्रिज बगाउँदा तातोपानी-बाह्रबिसेको सडक सर्म्पक टुटेको छ ।
अविरल वर्षाका कारण देशका विभिन्न स्थानमा आएको बाढीपहिराका कारण हालसम्म एक सय आठ जनाको मृत्यु भएको छ । प्रहरी प्रधान कार्यालयका अनुसार अविरल वर्षाको कारण गत जेठ २८ गतेदेखि देशका विभिन्न स्थानमा आएको बाढीपहिरालगायत विपद्मा परी आइतबारसम्म एक सय आठ जनाको मृत्यु भएको हो ।
सिमलताल पहिराेमा परी त्रिशूली नदीमा खसेर हराइरहेका दुईवटा बसका पाँच यात्रुकाे शव नारायणी नदीमा भेटिएकाे छ । हिजाे र आज नारायणी नदीकाे गैंडाकाेट र मेघाैली क्षेत्रमा पाँचवटा शव भेटिएका थिए । ती सवै शवहरू नदीमा हराइरहेका बसका यात्रुकाे भएकाे पुष्टि भएकाे चितवन जिल्ला प्रशासन कार्यालयले जनाएकाे छ ।
सिमलताल पहिरोमा बगेको बसका एक यात्रुको शव फेला परेको छ । शनिवार खोजी गर्ने क्रममा पहिरो गएको स्थानबाट अन्दाजी ५० किमि तल राप्ती नदी र नारायणी नदी मिसिने स्थान गोलाघाटमा भारत विहार सीतामडी जिल्ला बर्गनिया थानाग्राम जमुवा बस्ने २८ वर्षीय ऋषिपाल साहको शव भेटिएको हो । उनी काठमाडौंको जोरपाटीबाट बस चढेका थिए ।
कान्छा भाइ कृष्णनन्दन साह नेपाली सेनाको नौमहिने तालिम सकेको खुसीमा थिए, बौधीमाई नगरपालिका–३ मटिहर्वाका सकुन । कृष्णनन्दनको दीक्षान्त समारोहमा सहभागी हुन केही दिनअघि ५८ वर्षीय बाबु परशुराम, ५६ वर्षीया आमा मीनादेवी, माइलो दाइ सरोज, दिदी रिंकु र भिनाजु नरेश साह काठमाडौं यात्रामा निस्किएका थिए ।
निरन्तरको वर्षा अनि त्यसले निम्त्याएको बाढीपहिरो, सडक भासिने आदि समस्याका कराण देशभर २६२ ठाउँमा बाटो अवरुद्ध बनेको छ । शुक्रबार साँझसम्म मुख्य र सहायक सडक गरी यत्तिका स्थानमा अवरोध पुगेको सडक विभागले जनाएको छ । पानी परिरहेकाले सडक अवरुद्ध हुने र क्षति थपिने क्रम जारी रहेको भौतिक पूर्वाधार तथा यातायात मन्त्रालयले बताएको छ । सबैभन्दा बढी क्षति सडकमा भएको छ ।
दिनभरि बिहेमा बाजा बजाएर बिहीबार राति घर फर्किएपछि ४६ वर्षीय कुलबहादुर परियार माइती आएका छोरीज्वाइँसँग गफिँदै थिए । पोखरा महानगरपालिका–१९ तल्लाकोट ठाँटीमा ढुंगा र माटोको कच्ची घर पछाडि सानो पहिरो थुप्रिएको थियो । पानीको मूल पलाएको थियो । त्यही पहिरो सफा गर्ने ज्वाइँससुराको योजना पूरा हुन पाएन । राति १० बजे आएको पहिरोले कुलबहादुरसहित एकै परिवारका ७ जनालाई पुर्यो ।
चितवन-नारायणगढ मुग्लिन सडकको भरतपुर महानगरपालिका-२९ सिमलतालमा शुक्रबार बिहान पहिरोमा परेर त्रिशूली नदीमा हराइरहेका दुई बसमध्येको एक बसमा सात भारतीय नागरिकसहित अन्दाजी २४ जना यात्रु रहेको चितवन जिल्ला प्रशासन कार्यालयले जनाएको छ ।
काठमाडौबाट रौतहटको गौरतर्फ आउँदै गरेको वाग्मती प्रदेश ०३–००१ ख २४९५ नम्बरको गणपति डिलक्स चितवनको सिमलतालमा पहिरोले बगाउँदा तीन जना यात्रुले हामफालेर ज्यान जोगाउन सफल भएका छन् । उनीहरू अहिले चितवनमै छन् ।
चितवनको सिमलतालमा पहिरोले बगाएर बेपत्ता भएका यात्रुको खोजीमा नेपाल प्रहरी, सशस्त्र प्रहरी र नेपाली सेनाको टोली खटिएको छ । बसबाट हाम फालेका यात्रुहरूका अनुसार माथिबाट खसेको पहिरोले बगाउँदा दुईवटा यात्रुवाहक बस त्रिशूली नदीमा खसेको छ ।
प्रधानमन्त्री पुष्पकमल दाहालले सिमलतालमा पहिरोले बगाएको बसका यात्रुको उद्धारका लागि सम्बन्धित निकायलाई निर्देशन दिएका छन् । पहिरोमा बगेर बेपत्ता यात्रुहरूको खोजी एवं प्रभावकारी उद्धारका लागि गृह प्रशासनलगायत सरकारका सबै निकायलाई प्रधानमन्त्री दाहालले निर्देशन दिएका हुन् ।
मनसुनजन्य विपत्तिबाट एक दशकमा १ हजार ८ सयभन्दा बढीले ज्यान गुमाएका छन् । यो अवधिमा करिब ४ सय मानिस बेपत्ता र १ हजार ५ सयभन्दा बढी मानिस प्रकोपमा परी घाइते भएका छन् । हरेक वर्ष हिउँदमा डढेलो/आगलागी, हिमपात तथा सुक्खा पहिरो र वर्षातमा बाढी, पहिरो, डुबानलगायत विपत्तिबाट अकल्पनीय जनधनको क्षति हुने गरेको छ ।
२४.१२°C काठमाडौं
