सर्वसाधारणलाई युग सुहाउँदो सेवा दिन र प्रविधिमैत्री सरकार सञ्चालन गर्न स्थानीय तहले अनलाइन वेबपेज (वेबसाइट) बनाएका छन् । स्थानीय तहको गतिविधि, सेवा, जानकारीमूलक सामग्रीलगायतको विवरण वेबसाइटमा राख्ना सूचना प्रविधि अधिकृतको समेत व्यवस्था गरिएको छ । जिल्लाका ७ स्थानीय तहले भने सबै विवरण वेबसाइटमा राखेका छैनन् ।
पानीका कारण दैनिक समस्या भोगिरहेका बेला लिफ्टिङ खानेपानी आयोजनाअन्तर्गत घरघरै धारा बनेपछि पोखरा–१८ सराङकोट पंदेलीकी ७० वर्षीया रमा थापा दंग छिन् । ‘घरमा धारा बनिसकेको छ, अब पानी झर्न मात्र बाँकी छ,’ उनले भनिन्’, ‘टोलवासी पानीको पर्खाइमा छौं ।’
खानेपानी, सडक र बिजुली बत्ती नहुनु बसाइसराइको मुख्य कारक बन्यो । रमाइलो गाउँ भए पनि सुविधा खोज्दै स्थानीयवासी बजार झर्न थाले । सुविधा खोर्ज्दै बसाइ जानेमा तनहुँको म्याग्दे गाउँपालिका–५ मूलाबारी गाउँ पनि अछुतो रहेन । झुरुप्प ३५ घर रहेकोमा अहिले आधा मात्रै बाँकी छन् । अरू भने पोखरा, खैरेनीटार र दमौली बसाइ सरिसकेका छन् ।
बारपाक–लाप्राक सीमा विवाद समाधानतर्फ अघि बढेको छ । सीमा विज्ञ ल्याएर स्थलगत अध्ययन गरी विवाद समाधान गरिने सहमति भएको हो । बारपाक सुलिकोट गाउँपालिकाको बारपाक र धार्चे गाउँपालिकाको लाप्राक सीमा क्षेत्रअन्तर्गत रालाङ र सासिङको भूभाग आ–आफ्नो क्षेत्रमा पर्ने दाबीले विवाद बढेको हो ।
आलु उत्पादनमा जिल्ला आत्मनिर्भर बनेको छ । जिल्लामा वार्षिक २१ हजार ३ सय ४७ टन आलु उत्पादन हुने कृषि ज्ञान केन्द्रले जनाएको छ ।जिल्लावासीलाई ९ हजार १ सय २३ टन आलु भए पर्याप्त हुने केन्द्रकी प्रमुख मनिता थापाले बताइन् । ‘बाँकी १२ हजार २ सय २४ टन आलु वढी उत्पादन हुन्छ, वढी भएको उत्पादन जिल्ला वाहिर विक्रिका लागी पठाइन्छ,’ उनले भनिन् ।
एकै सातामा उनले संघीय पर्यटन मन्त्रालयदेखि पर्यटन बोर्ड, गण्डकी प्रदेशका मुख्यमन्त्रीदेखि मन्त्रीसम्मलाई भेटे । कहिले संसद् सचिवालय त कहिले नगरपालिका पुग्छन् ।
उच्च अदालत पोखराले दिएको आदेश २ वर्ष पुग्दा पनि पोखरा महानगरले अटेर गरेको अस्थायी कर्मचारीले बताएका छन् । अदालतले कानुनी प्रक्रिया पुरा गरी अस्थायी कर्मचारीलाई स्थायी नियुक्ति गर्न आदेश दिएको थियो ।
मध्यपहाडी लोकमार्गको बागलुङ बजार खण्डमा निर्माणमा मापदण्डको समस्या देखिएको छ । सरकारले राष्ट्रिय गौरवको सडक छेउ कम्तीमा २५ मिटर छाड्नुपर्ने प्रावधान बनाएको छ ।
उत्पादित बिजुली सबस्टेसनमा चार्ज गरी केन्द्रीय प्रसासरण लाइनमा जोड्न नपाउँदा जिल्लाका २ जलविद्युत् आयोजनाको १३ मेगावाट बिजुली खेर गइरहेको छ । अन्नपूर्ण–३ दाना तथा पर्वतको कुस्मास्थित खुर्कोट सबस्टेसन जोडने कालीगण्डकी करिडोर २२०/१३२ केभीए प्रसारण लाइन निर्धारित समयमा नबन्दा थापाखोलाको ८ मेगावाट र घलेम्दीको ५ मेगावाट बिजुली खेर गएको हो ।
पोखराको चिप्लेढुंगास्थित फुटपाथमा बिछ्याइएको टेक टायल (अपांगमैत्री टायल) डेढ महिनामै उप्किएको छ । टायल उप्किदा बाटो हिँड्न असहज भएको दृष्टिविहीन अस्मिता चापागाईं बताउँछिन् । ‘बनाइसकेपछि लामो समयसम्म टिक्ने गरी बनाएको भए राम्रो हुन्थ्यो नि,’ उनले भनिन, ‘देख्नलाई राम्रो बनाएर मात्र भएन । बलियो हुनुपर्यो ।’ उनले फुटपाथमा खाल्डाखुल्डी हुँदा आफूजस्ता दृष्टिविहीन लड्न सक्ने बताइन् । टायल नओछ्याउँदा धेरै सहज भएको र महानगरले सजिलो बनाउँछु भन्दा झन् अप्ठ्यारो अवस्थामा पुर्याएको उनको गुनासो छ ।
बागलुङ सदरमुकामको रामरेखामा कालोपत्रे गरेको भोलिपल्टै उप्केको छ । बागलुङ नगरपालिका र सडक बोर्डको संयुक्त लगानीमा निर्माणाधीन सडकको कालोपत्रे उप्केको हो ।
सडक डिभिजन कार्यालय तनहुँलाई संघीय सरकार अन्तर्गतका चार र प्रदेश सरकार अन्तर्गतको एक जिल्ला गरी पाँच जिल्लामा काम गर्ने जिम्मेवारी तोकिएको छ । दमौलीस्थित चपाघाटमा रहेको कार्यालयले तनहुँसँगै गोरखा, लमजुङ, मनाङमा केन्द्रीय सरकारको र नवलपुर जिल्लामा प्रदेश सरकारअन्तर्गतका सडक पूर्वाधारका काम गत वर्ष सम्पादन गरेको थियो ।
सिङ्गल स्पानमा मुलुककै अग्ला र लामा दाबी गरिएका जिल्लाका झोलुंगे पुलमा पैदल यात्रु मात्रै नभएर सवारी साधन समेत वारपार हुने गरेका छन् । सामान्यतया नदी वारपार गर्न पदयात्रीका लागि निर्माण गरिएका अग्ला पुलले मोटरसाइकल चालकका लागि समेत सहज गन्तव्य बन्दै गएका छन् । सदरमुकाम कुश्माबजारमा रहेका चारवटै अग्ला पुल मोटरसाइकल बाहकका लागि छोटोछरितो बाटो भएको छ । तर पैदलयात्रुलाई भने असहज भएको छ ।
नेपालमा रोजगार पाइएन भनेर साउदी अरबमा काम खोज्दै गएका उनले फर्केपछि आफ्नै बारीमा सुन फलाउन सकिने पत्ता लगाए । खाडी मुलुकमा बगाएको पसिना आफ्नै गाउँमा बगाउँदा दोब्बर कमाउन सकिने उनले बल्ल बुझेका छन् । गलकोट नगरपालिका–११ रिघाफेदीका जीतबहादुर रानाले खाडीमा सिकेको सीप र बुझेको ज्ञान आफ्नै माटोमा लगाउन थालेका छन् ।
पूर्वी नवलपरासीको देवचुली नगरपालिका प्रगतिनगर बजारमा शनिबार राति गोली चलेको छ । प्रगतिनगरको एक होटल अगाडि स्थानीय युवाहरुबीच भएको झगडाले उग्ररुप लिएपछि गोली चलेको हो ।
