गण्डकी प्रदेशका पर्यटनमन्त्री मणीभद्र शर्मा कँडेलले सबै व्यवसायीलाई खोप लगाएर पर्यटन, उद्योग र व्यवसाय पूर्ववत् अवस्थामा संचालन गर्ने बताएका छन् । उनले गण्डकी प्रदेशमा आयात प्रतिस्थापन गर्ने योजनासमेत सुनाए ।
कालीगण्डकी नदीमा पौडी खेल्न जाँदा दुई बालक बगेर बेपत्ता भएका छन् । बिहीबार दिउँसो १ बजे बागलुङ नगरपालिका-१ को निरयघाटमा पौडी खेल्न जाँदा १३ वर्षीय अभिषेक विक र यमन भनिने यमबहादुर पुन नदीले बगाएर बेपत्ता भएको जिल्ला प्रहरी कार्यालयका सूचना अधिकारी इकवाल हवारीले बताए ।
गतसाता सदरमुकामको कालिका कन्या माविमा शिक्षकका लागि कोरोनाविरुद्धको खोप लगाउन बोलाइयो । त्यतिबेला शिक्षकभन्दा व्यापारी, राजनीतिक दलका कार्यकर्ता र पहुँचवालाका परिवारका सदस्य बढी पुगे ।
वैदेशिक रोजगारीले काठेखोला गाउँपालिकामा सयौं घर रित्तो छन् । धेरै स्थानीय बसाइँ सरेकाले उनीहरूका घरमा कोही भेटिँदैनन् । गाउँमा सयौं रोपनी जमिन बाँझै छ । व्यापार व्यवसाय गर्ने, पढ्ने र जागिरका लागि कतिपय बजारमा बस्छन् ।
ऐतिहासिक गलकोट राज्यको पहिलो मुकाम ‘कोतघर’ संरक्षण अभियानमा यहाँका युवा जुटेका छन् । गलकोट नगरपालिकाले अभियानमा साथ दिएको छ । यहाँका धार्मिक, ऐतिहासिक र पर्यटकीय क्षेत्रको संरक्षण गर्ने गरी कोतमैदान संरक्षण अभियान थालिएको हो । नगर विकास कोष, गण्डकी प्रदेशको पर्यटन मन्त्रालय, विदेशमा बस्ने युवाले आर्थिक सहयोग गरेका छन् ।
जन्मिँदा सामान्य उनी टुकुटुकु हिँड्ने बेला खुट्टा टेकिएनन् । बाबुआमाले हिँड्न ढिला भएको भन्दै सुरुमा सामान्य ठाने । निसीखोला गाउँपालिका–२ बायखोलाका हेमबहादुर र धना मल्लकी माइली छोरी गीताले उमेर पुग्दा पनि खुट्टा टेक्न सकिनन् ।
सदरमुकाम बागलुङ बजारको ट्राफिक चोकदेखि रामरेखा हुँदै कालीका मन्दिरसम्मको ३ किमि सडक असार १४ मा रिसिलिङ (अलकत्र हालेर गिटी बिछ्याउने प्रक्रिया) गरियो । कालोपत्र गर्नुपर्ने अधिकांश सडकमा केही वर्षदेखि गिट्टीको पत्र राख्ने काम मात्रै चलिरहेको छ । यतिबेला उक्त सडक भत्केर खाल्डैखाल्डा भएको छ ।
पहिरोका कारण झन्डै तीन सातादेखि अवरुद्ध कालीगण्डकी करिडोर सोमबार बिहानबाट एकतर्फी सञ्चालनमा आएको छ । बागलुङको मालढुंगादेखि बलेवा, जैमिनीघाट हुँदै गुल्मीसम्मको अधिकांश स्थान अवरुद्ध थियो । बागलुङ नगरपालिका–१० को गलुवामा ठूलो पहिरो खसेपछि सडक ठप्पै थियो ।
