जुनियर तथा छात्र/छात्रा बक्सिङ प्रतियोगिता सुरु
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — राष्ट्रव्यापी जुनियर तथा विद्यालयस्तरीय छात्र/छात्रा बक्सिङ च्याम्पियनसिप ललितपुरमा शुक्रबार सुरु भएको छ ।नेपाल बक्सिङ महासंघको आयोजनामा भएको प्रतियोगितामा जुनियरतर्फ महिला ८ र पुरुषतर्फ ८२ खेलाडी छन् । विद्यालयतर्फ छात्र ४४ र छात्रा १४ खेलाडीको सहभागिता छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![जुनियर तथा छात्र/छात्रा बक्सिङ प्रतियोगिता सुरु](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/untitled-4-2672024045004-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
आउँदो अगस्ट २७ देखि सेप्टेम्बर १० सम्म युएईमा हुने एसियन जुनियर तथा स्कुल ब्वाइज र गर्ल्स बक्सिङ प्रतियोगितामा यस स्पर्धाका विजेतामध्ये उत्कृष्ट खेलाडीलाई सहभागी गराइने महासंघले जनाएको छ ।
जुनियरतर्फ ५२ केजी तौल समूहमा जेनेक्सका आयोग घिसिङले भाइबका सफल श्रेष्ठलाई ३ः२ को स्पिलिट डिसिजनको आधारमा हराए । ५७ केजी तौल समूहमा अछामका विनोद नागार्जेले दोस्रो राउन्डमै आरएससीको आधारमा आर्यन फिटनेसका सोनम लामालाई पराजित गरे ।
६३ केजी तौल समूहमा एबीसीका युनिक राईले फाइट प्रमोसनका बरदान नर्सिङ राणालाई ३ः२ को स्पिलिट डिसिजनका आधारमा हराए । सोही तौलमा सुनसरीका दिहाङ लिम्बू र उदयपुरका एलन राईलाई पहिलो राउन्डमै आरएससीका आधारमा हराए । भाइबका सरिन श्रेष्ठले एनएफसीका रोयन वैदारलाई ४ः१ को स्पिलिट डिसिजनको आधारमा पराजित गरे ।
जुनियर छात्रातर्फ ४६ केजी तौलमा दमकका दिप्सा काम्बाङले बक्समाण्डुका हसिना डंगोललाई पहिलो राउन्डमै आरएसीका आधारमा हराइन् । स्कुलतर्फ छात्रा ४९ केजी तौलतर्फ भक्तपुरका सायरा गोसाईंले सीजीजीका सेलेक्सी बम्जनलाई ५ः० युनानिमस डिसिजनका आधारमा हराइन् ।
छात्रतर्फ ४६ केजी तौलमा एबीसीका अनिश राईले थानकोटका प्रकट महर्जन, सुनसरीका कुन्जन थापाले बानुजका आशुतोष सुवेदी र झापाका लगेहांग लिम्बूले फाइटका रोशन शेर्पालाई समान ५ः० ले पराजित गरे ।
४९ केजीमा भाइबका सम्पूर्ण अधिकारीले स्विटका अनिमेश महरलाई ३ः२ को स्पिलिट डिसिजनका आधारमा पराजित गरे । ५२ केजीमा केबीएका अंकित कार्कीले सुनसरीका नवाङ लिम्बूलाई ५ः० अन्तरको हराए । प्रतियोगिता साउन १४ सम्म चल्नेछ ।
![](https://assets-cdn.ekantipur.com/uploads/source/ads/900-x-100-1-0282024055738.gif)