नेपाली कांग्रेस बैतडीले गठबन्धनका नाममा प्रतिनिधिसभाको उम्मेदवार अन्य दललाई दिए मान्य नहुने निर्णय गरेको छ । सोमबार कांग्रेस बैतडीका सभापति चतुरबहादुर चन्दको अध्यक्षतामा पदाधिकारीहरूको काठमाडौंमा बसेको बैठकले प्रतिनिधि सभामा एकमात्र सिट रहेको बैतडी कांग्रेसको भागमा नपरे गठबन्धन नमान्ने निर्णय गरिएको जनाएको छ ।
महाकाली सिँचाइ आयोजना तेस्रो चरणको मूल नहरको परीक्षण भएको तीन महिना भयो । परीक्षणपश्चात् पनि नहरमा पानी सञ्चालन हुन सकेको छैन । नहरको औपचारिक उद्घाटन नभएका कारण पानी सञ्चालन हुन नसकेको हो ।
दसैं बजारलाई लक्षित गरेर बझाङका हिमाली क्षेत्रका भेडाच्यांग्रा पोखरा लगिएका छन् । पोखरा र आसपासका क्षेत्रमा दसैंका बेला भेडाच्यांग्राको माग उच्च हुने भएकाले बझाङबाट प्रत्येक वर्ष दसैंको छेकोमा यहाँका भेडाच्यांग्रा पोखरा पुग्ने गरेका छन् ।
५३ सदस्यीय सुदूरपश्चिम प्रदेश सभाका २५ जनाले विभिन्न समयमा मन्त्री, राज्यमन्त्री बन्ने अवसर लिएका छन् । देशभरिका सात मुख्यमन्त्रीमध्ये पाँच वर्ष पूरै अवधि पदमा रहेका सुदूरपश्चिमका मुख्यमन्त्री त्रिलोचन भट्टले प्रदेशसभा सदस्यको पदावधि सकिनुअघि मन्त्रिमण्डल हेरफेर गरे ।
भन्सार छलेर अवैध रुपमा ल्याउँदै गरेको १८ लाख रुपैयाँभन्दा बढीको सामान सशस्त्र प्रहरीले बरामद गरेको जनाएको छ । धनगढीस्थित सशस्त्र प्रहरी बलको ३४ नम्बर गण हेडक्वार्टरबाट खटिएको टोलीले सोमबार बिहान बरामद गरेको हो ।
बस्ती नै डुबानमा परेपछि भजनी नगरपालिका–८ कृष्णपुरका लालबहादुर चौधरीको परिवार एक सातायता हुलाकी सडकमा त्रिपालमुनि बसिरहेको छ । ‘वर्षा रोकिएर डुबान घट्ने भयो, अब घर फर्किन पाइन्छ होला भनेको फेरि पानी पर्यो । घर अझै हिलाम्मे छ । बस्ने अवस्था नभएकाले अहिलेसम्म पनि सडकमै छौं,’ उनले भने, ‘अझै पानी थपिएर फेरि बाढी आउने हो कि ? यस्तोमा कसरी घर फर्किनु ?’
चाडपर्व नजिकिँदै गर्दा देशका विभिन्न भागबाट र भारतबाट घर फर्किनेको चाप बढ्न थालेसँगै डेंगीको संक्रमण पनि बढ्दै गएको छ । कञ्चनपुरको शुक्लाफाँटा नगरपालिकाबाहेक जिल्लाका सबै स्थानीय तहमा डेंगीको संक्रमण देखिएको हो । संक्रमण तीव्र भए पनि किटको अभावका कारण पर्याप्त परीक्षण हुन सकिरहेको छैन ।
बैतडीमा अहिले जिल्ला प्रशासन कार्यालयले ग्रामीण क्षेत्रमा पनि बजार अनुगमनलाई तीव्रता दिएको छ । स्थानीय तहलाई बजार अनुगमन गर्ने अधिकार भए पनि अधिकांशले अनुगमन गर्दैनन् । बजार अनुगमनमा स्थानीय तह मौन बसेपछि जिल्ला प्रशासन कार्यालय आफैंले जिल्लाका पालिकाका विभिन्न स्थानीय बजारको अनुगमन गरिरहेको हो ।
सुदूरपश्चिम प्रदेश सरकारले कार्यकालको अन्तिममा पहिलो पञ्चवर्षीय योजना तयार गरेको छ । आर्थिक वर्ष ०८२/८३ सम्मका लागि तयार पञ्चवर्षीय योजना मुख्यमन्त्री तथा प्रदेश नीति तथा योजना आयोगले हालै तयार गरेको हो । कृषि क्षेत्रको विकासलाई मुख्य प्राथमिकतामा राखेर आर्थिक विकासका क्रियाकलाप सञ्चालन गर्नुपर्नेमा पञ्चवर्षीय योजनाले जोड दिएको छ ।
जिल्ला अस्पताल दार्चुलामा क्षयरोगको किटाणु पत्ता लगाउने अत्याधुनिक ‘जिन एक्सपर्ट’ मेसिन सञ्चालनमा ल्याइएको छ । मेसिनद्वारा क्षयरोगका अति शंकास्पद बिरामीको निःशुल्क परीक्षण गरिने भएको छ । जिन एक्सपर्ट मेसिनको महाकाली नगरपालिकाका प्रमुख नरसिंह चैसिरले मंगलबार उद्घाटन गरे ।
