मनोज पौडेल

मनोज पौडेलका लेखहरु :

ज्वरोले थलियो लुम्बिनी

रूपन्देहीको ओमसतिया–२ की दयालक्ष्मी शर्मालाई साउन ८ को साँझबाट ज्वरो आयो । दिनभरिको थकानले होला भन्ने सोचिन् । रातभरि ज्वरो नघटेपछि बिहान परिवारका सदस्यले भैरहवास्थित एक अस्पताल पुर्‍याए । रगत जाँचपछि चिकित्सकले भाइरल इन्फेक्सन भएको बताए । ‘औषधि लिएर फर्कियौं,’ छोरा प्रतीकले भने, ‘घर ल्याएपछि साँझ झनै च्याप्यो र बान्तासमेत भयो ।’

सिद्धार्थले दरबार त्यागेको झल्को

असार पूर्णिमाको जुनेली रात । शुक्रबार मध्यराति सेतो घोडा कन्थक सजाइयो । उसको घाँटी र आँखा सिँगारियो । आकर्षक घोडामा राजकुमार सिद्धार्थ बनेर एक शाक्य कुलका युवा बसे । सारथि छन्दले घोडा हाँके । तर, घोडा अगाडि बढ्न मानेन । अन्ततः कष्ट र दुःख मान्दै घोडा राजप्रासादको पूर्वी द्वारबाट बाहिर निस्कियो र दरबार छोड्यो ।

भारतीय बाँधले २ सय हेक्टर खेत डुब्यो

यशोधरा गाउँपालिका–२ भावपुरका ओमप्रकाश पाण्डे खेतको चारैतिर पानी भरिएको देख्दा अबका दिन परिवारको हातमुख कसरी जोर्ने भन्ने चिन्तामा छन् । उनले सम्पूर्णा जातको धान असारमा दुई पटक रोपे । दुवै पटक डुबानले नष्ट गर्‍यो । तेस्रो पटकको रोपो पनि साता दिन नपुग्दै फेरि डुबानमा परेको छ ।

महामारीबीच घरमै इद

जैतुन निशाले इमाम अहमद बिन हम्बल (बड्की मस्जिद) पुगेर नमाज नपढेको दुई वर्ष भयो । यस पटक भने परिवारसँगै घरमै बसेर नमाज पढिन् । अल्लाहसँग छिटो कोरोना संक्रमण अन्त्यको कामना गरिन् । ‘अर्को वर्ष सद्भाव साटेर मनाउन पाइयोस् भनेर प्रार्थना पनि गरें,’ कपिलवस्तु–५ की उनले सुनाइन् । 

वन व्यवस्थापन प्रविधिमैत्री बन्दै

कपिलवस्तुको गोरुसिंगेस्थित सबडिभिजन कार्यालयका सहायक वन अधिकृत वसन्त थापाले सामुदायिक र साझेदारी वनमा कटानछपान अनुमतिका लागि जाँदा डायरी बोक्न छाडेका छन् । अचेल जंगल चहार्दा उनी आधुनिक कम्प्युटर ट्याब बोक्छन् ।

व्यवसायीले टेरेनन् स्वास्थ्य मापदण्ड

कपिलवस्तु नगरपालिका–१, चोक बजारका एक फेन्सी पसले मास्क नलगाई ग्राहकसँग कुराकानी गर्दै सामान बेच्दै थिए । ग्राहक पनि बिनामास्क थिए । यस्तै तौलिहवा बजारको गौढी चोकमा तरकारी बेच्न बसेकी महिलाले पनि मास्क लगाएकी थिइनन् । उनी बेपरवाह बनेर ग्राहकसँग गफिँदै तरकारी व्यापार गरिरहेकी थिइन् ।

महलीसागर बाँधले चार गाउँ डुबान

यशोधरा गाउँपालिका–५ भगवानपुरका लालजी यादव आफ्नो ९ बिघा खेत खुट्याउन सक्दैनन् । ‘चारैतिर पानीपानी छ,’ उनले भने, ‘धान डुबेर देखिँदैन ।’ गत सोमबार मात्रै उनले रोपाइँ सकेका थिए । तीन दिनसम्म सात जना कामदार लगाएर रोपेका थिए ।

पीर बोकेर परदेश

जिल्लाभित्र यातायातका साधन सञ्चालन भएकाले आइतबार ओहोरदोहोर गर्नेको निकै भीड थियो । कोरोना संक्रमणमा कमी आएपछि बजार, कार्यालय र सर्वसाधारणका गतिविधि खुला गरिएका छन् । त्यसैले रूपन्देहीस्थित बेलहिया–सुनौली नाका हुँदै भारततर्फ प्रवेश गर्ने सर्वसाधारण आइतबार मध्याह्न लामबद्ध देखिए ।

रोकियो वैदेशिक रोजगार, कैयौं अलपत्र

उनी घर आए । कतार फर्केर जान भिसा अवधि सकिएको थियो । कपिलवस्तु नगरपालिका–१ मस्जिद टोलका ३४ वर्षीय रकिबबुद्दिन गौरी अहिले तनावमा छन् । दोहाको विज्ञापन कम्पनी तलविन ग्रुपमा कार्यरत उनी निर्धारित समयमा त्यहाँ जान नपाउँदा छट्पटिँदै बसेका छन् । उनी डिजाइनर हुन् । कम्पनीलाई अनुरोध गरेर बल्लतल्ल भिसा मगाए ।

हराउँदै असारे भाका

हे...धानको बीउ हातमा लिई रोप्दै छन् छुपु छुपुआलीमा बसी पुवा र अचार खाँदै हुन् कुपु कुपु ।काँधमा हलो, हातमा जुवा लागे है मेलैमा ...हे... धानको बीउ... ।