बाढी-पहिरोबाट भएको जनधनको क्षतिमा उद्वार तथा व्यवस्थापनका लागि सुदूरपश्चिम प्रदेश सरकारले ९ वटै जिल्लालाई २५/२५ लाख र प्रदेश विपद् व्यवस्थापन कोषमा २५ करोड उपलब्ध गराउने निर्णय गरेको छ ।
सुदूरपश्चिमका प्रदेशका मन्त्री तथा कर्मचारीहरूले सुरुदेखि नै दोहोर्याउँदै आएको कुरा हो– ‘कर्मचारी अभावले छिटोछरितो काम गर्न बाधा भइरहेको छ ।’ तर लोकसेवा आयोग सुदूरपश्चिमले सबै नीतिगत प्रक्रिया पूरा गरेर रिक्त दरबन्दीमा कर्मचारी पदपूर्तिका लागि सरकारलाई माग विवरण पठाउन पत्राचार गरेको महिनौंसम्म पनि मुख्यमन्त्री तथा मन्त्रिपरिषद्को कार्यालयले वास्ता गरेको छैन । प्रदेश सरकारले आयोगसमक्ष कर्मचारी भर्नाका लागि कुनै प्रक्रिया अघि नसारेको हो ।
प्रदेशका ७ पहाडी जिल्ला आवतजावत गर्ने लाइफाइनका रुपमा रहेको धनगढी–डडेलधुरा जोड्ने भीमदत्त राजमार्गका दर्जन बढी स्थानमा पहिरो खसेको छ । कतिपय स्थानमा सडक भासिएर यात्रा गर्नै जोखिम छ ।
पहिरोले बस्ती नै जोखिममा पारेपछि कैलालीको चुरे गाउँपालिका–५ का २४ परिवार एक महिनादेखि त्रिपाल टाँगेर राजमार्ग छेउको जंगल किनारमा बसेका छन् । भदौ दोस्रो साता आएको वर्षासँगै बस्तीको माथिबाट पहिरो खस्ने जोखिममा परेपछि उनीहरू विथापित भएका हुन् ।
सुदूरपश्चिमका ७ पहाडी जिल्ला तथा कञ्चनपुरको प्रवेशद्वारका रूपमा रहेको कैलालीको अत्तरिया चोकको मर्मत सुधार र स्तरोन्नति भइरहेको छ । चोकको धुलाम्मे अवस्थाबाट उत्पन्न कुरुपताले सुदूरपश्चिमलाई नै ‘गिज्याइ’ रहेको जस्तो बनाएको थियो । अगाडि पछाडि राम्रो सडक, तर व्यस्त चोकैमुनि खाल्डैखाल्डाको अवस्थाले व्यस्त चोकको परिचय नै धूलाम्मे चोकको बन्न पुगेको थियो ।
धनगढी–दिपायल द्रुतमार्ग (फास्टट्र्याक) निर्माणको प्रक्रिया सुरु भएको डेढ दशकपछि त्यसअन्तर्गत पर्ने धनगढी–स्याउले खण्डमा कालोपत्रे निर्माणको काम अघि बढेको छ । धनगढीको हसनपुर सामुदायिक प्रहरी सेवा केन्द्रदेखि पूर्वपश्चिम राजमार्गको स्याउले हुँदै अलि अगाडिसम्म १३ दशमलव ४ किलोमिटरमा कालोपत्रेको काम सुरु भएको छ ।
नीति तथा योजना आयोगका उपाध्यक्ष केशरबहादुर साउदले शुक्रबार पदबाट राजीनामा दिएका छन् । हाल काठमाडौंमा रहेका साउदले मुख्यमन्त्री समक्ष राजीनामा पत्र पठाएको मुख्यमन्त्रीका स्वकीय सचिव प्रेम कुँवरले बताए ।
चाडबाड नजिकिँदै जाँदा बाजुरामा खाद्य अभाव पनि चुलिएको छ । चामल सकिएपछि सदरमुकाम मार्तडीस्थित खाद्य व्यवस्था तथा व्यापार कम्पनी लिमिटेडको मार्तडी शाखा र कोल्टीस्थित डिपो कार्यालयले बिक्री बन्द गरेका छन् । शाखा कार्यालयले एक साताअघि चामल सकिएको सूचना टाँसेर बिक्री–वितरण बन्द गरेको छ ।
सुदूरपश्चिममा बर्सेनि सडक दुर्घटना हुने क्रम बढ्दो देखिएको छ । दुर्घटनामा मृत्यु र घाइते हुनेको संख्या पनि बढेको देखिन्छ । पछिल्लो ५ वर्षमा भएका सडक दुर्घटनामा ८ सय ४३ जनाले ज्यान गुमाएका प्रदेश प्रहरी कार्यालयको तथ्यांक छ । कार्यालयका अनुसार आर्थिक वर्ष ०७३/७४ देखि ०७७/७८ सम्म ठूला–साना गरी १ हजार ५ सय ३० वटा दुर्घटना भएका छन् ।
सरकारले आवश्यक कानुन निर्माण गर्न विलम्ब गर्दा कैलालीको गेटा मेडिकल कलेज सञ्चालनमा ढिलाइ भएको छ । स्वास्थ्य मन्त्रालयअन्तर्गत राखेर अस्पताल सञ्चालन, प्रतिष्ठान वा मेडिकल विश्वविद्यालय हुनुपर्नेमा फरकफरक बहस चलिरहेका छन् । भौतिक पूर्वाधार निर्माण कार्य अन्तिम चरणमा पुगेसँगै गेटा मेडिकल कलेजलाई कुन मोडालिटीअन्तर्गत सञ्चालन गर्ने भन्ने निर्णय भएको छैन ।
