सांसदबाट पदमुक्त देवकोटाको सर्वोच्चमा रिट 

असार ६, २०८१ १८:१५

गण्डकी प्रदेशसभा सदस्य तथा मन्त्रीबाट पदमुक्त भएका फणीन्द्र देवकोटाले माओवादी संसदीय दलको कारबाहीविरुद्ध सर्वोच्च अदालतमा बिहीबार रिट दायर गरेका छन् । आफूमाथि भएको कारबाही गैरकानुनी भएको भन्दै उनले आफूलाई पदमुक्त गरेको प्रदेशसभाको जेठ ३२ को सूचना कार्यान्वयन नगर्न नगराउन अन्तरिम आदेशको माग गर्दै रिट दायर गरेका हुन् । 

सामाजिक सञ्जाल प्रयोगलाई व्यवस्थित बनाउँछौं : सञ्चारमन्त्री शर्मा

असार ६, २०८१ १८:१०

सञ्चार तथा सूचना प्रविधिमन्त्री रेखा शर्माले आगामी आर्थिक वर्षबाट सामाजिक सञ्जालको प्रयोगलाई व्यवस्थित बनाउने बताएकी छन् ।

आइतबारसम्म देशभर मनसुन फैलिने

असार ६, २०८१ १७:४०

आगामी आइतबारसम्म देशभर मनसुन फैलिने सम्भावना रहेको जल तथा मौसम विज्ञान विभागअन्तर्गत मौसम पूर्वानुमान माहाशाखाले जनाएको छ ।

वाग्मती प्रदेशसभा बैठक : दलहरुबीच सहमति नभएपछि सूचना टाँसेर स्थगित

असार ६, २०८१ १७:१९

वाग्मती प्रदेशसभा बैठक शुक्रबार बिहान ११ बजेसम्मका लागि स्थगित गरिएको छ । कांग्रेसको अवरोधपश्चात् बिहीबार दिउँसो ३ बजे बस्ने तय गरिएको बैठक दलहरूको छलफलमा सहमति नजुटेपछि सूचना टाँस गरी बैठक स्थगित गरिएको हो ।

तिला नदीमा नुहाउने क्रममा डुबेर एक जनाको मृत्यु

असार ६, २०८१ १७:१४

तिला नदीमा नुहाउने क्रममा डुबेर एक जनाको मृत्यु भएको छ । तातोपानी गाउँपालिका वडा नम्बर २ निवासी १८ वर्षीय कबिराज डाँगी तिला नदीमा नुहाउन गएको बेला बिहीवार दिउँसो नदीमा डुबेर मृत्यु भएको जिल्ला प्रहरी कार्यालय जुम्लाले जनाएको छ ।

सरकार ११७ विधेयक अगाडि बढाउने तयारीमा छ : मन्त्री गिरी

असार ६, २०८१ १७:१०

कानून, न्याय तथा संसदीय मामिला मन्त्री पदम गिरीले सरकारले ११७ वटा विधेयकलाई संघीय संसद्‌बाट अगाडि बढाउने तयारी गरिरहेको बताएका छन् । 

मण्डलामा युवाले आयोजना गर्दै नाट्य महोत्सव 

असार ६, २०८१ १७:०१

मण्डला थिएटरका पूर्व विद्यार्थीले नयाँ नाट्य महोत्सव आयोजना गर्दैछन् । असार २१ देखि २३ सम्म आयोजना हुने नाटकको नाम 'म्याड फेस्ट– २०२४' राखिएको छ । 

बचतकर्ताको रकम फिर्ता गर्दै लालुपाते सहकारी

असार ६, २०८१ १६:०८

लालुपाते बहुउद्देश्यीय सहकारी संस्था सञ्चालक समितिले बचतकर्ताको रकम धमाधम फिर्ता दिन थालेको छ । बचतकर्ताको बचत रकम ठगी प्रकरणमा मुद्दा चलिरहेको अवस्थामा सञ्चालक समितिले ऋणीबाट उठाएर बचतकर्तामध्ये उजुरी दिने दुई सय ६५ बचतकर्तालाई बचत रकम फिर्ता दिन थालेको हो । 

चेपाङ बालबालिकाको शिक्षाका लागि ‘मेयरसँग केयर’ कार्यक्रम

असार ६, २०८१ १६:०१

चितवनको कालिका नगरपालिकाले नीति तथा कार्यक्रममा चेपाङ बालबालिकालाई विद्यालयमा टिकाउन ‘मेयरसँग केयर’ कार्यक्रम ल्याएको छ । अति विपन्न चेपाङ बालबालिकालाई विद्यालयमा अध्ययन गर्ने वातावरण सिर्जना गर्न उक्त कार्यक्रम ल्याइएको नगरप्रमुख विनोद रेग्मीले बताए।

राजदूत फिर्ताबारे प्रधानमन्त्रीको जवाफ : समीकरण परिवर्तनको तीन महिनासम्म फिर्ता बोलाएनौं

असार ६, २०८१ १६:००

प्रधानमन्त्री पुष्पकमल दाहालले राजदूतहरूको नियुक्तिलाई थप व्यवस्थित, मर्यादित, पारदर्शी एवं कार्यसम्पादनमा आधारित बनाइने बताएका छन् । राजदूत फिर्ता गरेकोबारे एमाले सांसद तारा लामा तामाङले सोधेको प्रश्नको जवाफमा प्रधानमन्त्री दाहालले राजदूतहरूको फिर्ता कानुनी व्यवस्थाअनुसार नै गरिएको बताए । 

रोशी 'अनिवार्य तथा निःशुल्क शिक्षा लागू' भएको स्थानीय तह घोषणा

असार ६, २०८१ १५:५५

रोशी गाउँपालिकालाई अनिवार्य तथा निःशुल्क शिक्षा लागू स्थानीय तह घोषणा गरिएको छ । बिहीबार गाउँपालिकाले एक विशेष समारोहबीच पालिकालाई अनिवार्य तथा निःशुल्क शिक्षा लागू भएको स्थानीय तह घोषणा गरेको हो । 

फिल्डिङ र ब्याटिङमा कमजोरी भए, आगामी दिनमा सुधार्छौं : कप्तान पौडेल

असार ६, २०८१ १५:५२

नेपाली राष्ट्रिय क्रिकेट टिमका कप्तान रोहितकुमार पौडेलले अमेरिका र वेस्ट इन्डिजको मैदान नै बलिङमैत्री रहेकाले ब्याट्सम्यानलाई दोष दिन नमिल्ने बताएका छन् ।

राम्रो गर्ने सहकारीलाई प्रोत्साहन र गलत गर्नेलाई कारबाही हुन्छ : मन्त्री अधिकारी

असार ६, २०८१ १५:४८

भूमि व्यवस्था, सहकारी तथा गरिवी निवारण मन्त्री बलराम अधिकारीले खराब सहकारीलाई छानविन गरी कारबाही र राम्रो काम गर्नेलाई प्रोत्साहन गर्ने सरकारको नीति रहेको बताएका छन् । 

बागमतीका छ जिल्लामा करिब ८० प्रतिशत विषादी खपत

असार ६, २०८१ १५:३६

कृषि उत्पादन बढाउन मकवानपुरसहित बागमती प्रदेशका छ जिल्लामा करिब ८० प्रतिशत रासायनिक विषादीको खपत हुने गरेको छ । 

१०.४४ अंकले घट्यो नेप्से

असार ६, २०८१ १५:३४

सेयर कारोबार मापक नेप्से परिसूचक १०.४४ अंकले घटेको छ । बिहीबार शून्य दशमलव ५० प्रतिशतले घटेको नेप्से अंक २०६८.३१ विन्दुमा सीमित भएको हाे । कुल १८६ कम्पनीको मूल्य घट्यो भने ५२ कम्पनीको सेयर मूल्य घट्यो । ८ वटा कम्पनीको मूल्य स्थिर रह्यो । 

यो वर्ष रासायनिक मलको अभाव हुँदैन : मन्त्री साह

असार ६, २०८१ १५:२८

कृषि तथा पशुपंक्षी विकासमन्त्री ज्वालाकुमारी साहले चालु आर्थिक वर्ष र आगामी आर्थिक वर्षमा रासायनिक मलको अभाव नहुने बताएकी छन् ।

दुई देशबीचका सन्धि सम्झौता कार्यान्वयनबारे मोदीसँग कुरा भयो : प्रधानमन्त्री

असार ६, २०८१ १५:२७

प्रधानमन्त्री पुष्पकमल दाहालले भारतीय प्रधानमन्त्रीसँग विगतमा दुई देशबीच भएका सन्धि र सम्झौताको प्रभावकारी कार्यान्वयनबारे छलफल भएको बताएका छन् ।

रुग्ण विराटनगर जुट मिल पुन: सञ्चालनको तयारी

असार ६, २०८१ १५:११

लामो समयदेखि बन्द भएर रुग्णमा परिणत भएको मुलुकको जेठो उद्योग विराटनगर जुट मिल पुन: सञ्चालन गर्न सरकारले तयारी गरेको छ । त्यसका लागि उद्योग बाणिज्य तथा आपूर्ति मन्त्रालयले राजेन्द्र कार्कीको अध्यक्षतामा सञ्चालक समिति गठन गरेको छ ।

'नागरिकको स्वास्थ्य' गलकोटको प्राथमिकतामा

असार ६, २०८१ १५:०२

गलकोट नगरपालिकाले पूर्वाधार भन्दा नागरिकको स्वास्थ्यलाई प्राथमिकतामा राखेर वार्षिक नीति तथा कार्यक्रम सार्वजनिक गरेको छ । नगरपालिकाले आगामी आर्थिक बर्ष २०८१/८२ को नीति तथा कार्यक्रममा स्वास्थ्यका दर्जनबढी कार्यक्रम नागरिकको स्वास्थ्यमा केन्द्रीत गरेर ल्याएको छ ।

सिरहामा 'ट्राफिक सप्ताह' सुरु

असार ६, २०८१ १४:५४

ट्राफिक नियमबारे जनचेतना फैलाउन बिहीबारदेखि 'ट्राफिक सप्ताह–२०८१' सुरु भएको छ । दुर्घटना न्यूनीकरण र ट्राफिक नियम पालनालाई प्रभावकारी बनाउने उद्देश्यले ट्राफिक प्रहरीले एक हप्ते कार्यक्रम सुरु गरेको हो ।

असन्तुष्टि हुने बित्तिकै सरकार फेर्ने कुरा सोच्नु हुँदैन : नेता नेपाल

असार ६, २०८१ १४:५०

पूर्व प्रधानमन्त्री तथा एकीकृत समाजवादी पार्टीका अध्यक्ष माधवकुमार नेपालले आफ्नो पार्टी सरकारको स्थायित्वको पक्षमा रहेको बताएका छन् । महोत्तरीको बर्दिवासमा समाजवादी प्रेस संगठनले राखेको पत्रकार सम्मेलनमा बोल्दै नेता नेपालले यस्तो बताएका हुन् ।

आवश्यकता र मागको मूल्यांकन गरी उद्योग मन्त्रालयको विनियोजन प्रस्ताव : उद्योगमन्त्री भण्डारी

असार ६, २०८१ १४:४१

उद्योग, वाणिज्य तथा आपूर्तिमन्त्री दामोदर भण्डारीले निरन्तर घटेको बजेटको सीमा र वृद्धि भएको मागलाई सन्तुलन कायम गर्नेगरी मन्त्रालयको योजना तथा बजेट प्रस्तुत गरिएको बताएका छन् । 

प्रत्यक्ष निर्वाचनमा महिलाका लागि छुट्टै सिट निर्धारण गर्नुपर्ने माग

असार ६, २०८१ १४:४०

नेपाली कांग्रेसमा आवद्ध नेताहरुले प्रत्यक्ष निर्वाचनमा महिलाको सहभागिता बढाउन छुट्टै सिट निर्धारण गर्नुपर्नेमा जोड दिएका छन् । नेपाल महिला संघले बिहीबार गरेको कार्यक्रममा सहभागीले निर्वाचनमा सबै राजनीतिक दलले थोरै सङ्ख्यामा महिला उम्मेदवार बनाउने गरेकाले विजयी हुनेको सङ्ख्या पनि कम हुने भन्दै महिलाका लागि छुट्टै सिट निर्धारण गर्नुपर्ने धारणा व्यक्त गरे । 

एसईई बुद्धिचाल कप शनिबारदेखि

असार ६, २०८१ १४:२५

 हिमालयन चेस एकेडेमीको आयोजनामा ‘गोल्डेनगेट एसईई कप बुद्धिचाल प्रतियाेगिता शनिबारदेखि हुने भएको छ । यसैपालि एसईई दिएका करिब १ सय विद्यार्थीले प्रतिस्पर्धा गर्ने छन् ।

मकवानपुर अदालत : कैद र जरिवाना फर्छ्योटको दर कमजोर

असार ६, २०८१ १४:२३

जिल्ला अदालत मकवानपुरमा कैद र जरिवाना फर्छ्योट दर निकै कमजोर छ । अदालतले दोषी ठहर गरेपनि त्यसको कार्यान्वयन हुन सकेको छैन । फर्छ्योट हुन बाँकी कैद र जरिवाना थुप्रिएर बसेको छ ।

७७ करोड २४ रुपैयाँ सहकारी पीडितलाई फिर्ता भइसक्यो : प्रधानमन्त्री दाहाल 

असार ६, २०८१ १४:१२

प्रधानमन्त्री पुष्पकमल दाहालले ७७ करोड २४ लाख ४६ हजार ४५८ रुपैयाँ बचत रकम सहकारी पीडितलाई सरकारले फिर्ता भुक्तानी गरिसकिएको बताएका छन् ।

बजेट पुनर्लेखनको माग राख्दै वाग्मती प्रदेशसभामा कांग्रेसको अवरोध

असार ६, २०८१ १४:०५

आगामी आर्थिक वर्ष २०८१/०८२ को बजेटमाथि असन्तुष्टि व्यक्त गर्दै वाग्मती प्रदेशको प्रमुख प्रतिपक्षी दल नेपाली कांग्रेसले सदन अवरुद्ध गरेको छ । आगामी आवको बजेटमाथिको छलफल सुरु भएसँगै बिहीबार कांग्रेस संसदीय दलका नेता बहादुरसिंह लामाले बोल्नका लागि विशेष समयको माग गरेका थिए । 

शीर्ष नेता संसद्‌मा अनुपस्थित भएकोप्रति प्रधानमन्त्री असन्तुष्ट

असार ६, २०८१ १३:५९

प्रतिनिधिसभाको बैठकमा आफ्नो सम्बोधन रहेको बेला सत्ता र प्रतिपक्षका शीर्ष नेताहरू अनुपस्थित रहेकोप्रति प्रधानमन्त्री पुष्पकमल दाहालले असन्तुष्टि व्यक्त गरेका छन् । प्रधानमन्त्रीले संसद्मा सम्बोधन गर्ने दिन सांसद रहेका शीर्ष नेताहरू उपस्थित रहने अभ्यास तोडिएकोप्रति दाहालले असन्तुष्टि जनाएका हुन् । 

समस्याग्रस्त सहकारीको अवस्था पहिचान गर्न उच्चस्तरीय जाँचबुझ समिति गठनको प्रक्रिया अघि बढेको छ : प्रधानमन्त्री

असार ६, २०८१ १३:४४

प्रधानमन्त्री पुष्पकमल दाहालले देशभरबाट सहकारीसम्बन्धी उजुरी र गुनासो संकलन, विश्लेषण गरी समस्याग्रस्त अवस्थाको पहिचान गर्न एक उच्चस्तरीय जाँचबुझ समिति गठन गर्ने प्रक्रिया अघि बढाइएको बताएका छन् ।

राजनीतिको लोकतान्त्रिकरण र विद्यार्थी राजनीतिको महत्त्व

असार ६, २०८१ १३:३३

मान्छेको चित्कार सुन्न सक्ने बन्नलाई । मान्छेसँग अझै कति कान थप्नुपर्छ ?'अब अति भयो’ भन्नलाई । अझै कति मान्छे मर्नुपर्छ ।जवाफ जताततै हामी वरिपरि उडिरहेको छ ।–बब डिलन५० वर्षअघि, भियतनामका विकट बस्तीहरूमा बी–५२ बमवर्षक जहाजले १ टन भन्दा गर्‍हुङ्गा एम–१२१ बमहरू बर्साइरहेको थियो ।

राजदूत फिर्ताबारे प्रधानमन्त्रीको जवाफ : समीकरण परिवर्तनको तीन महिनासम्म फिर्ता बोलाएनौं

असार ६, २०८१ १३:२८

प्रधानमन्त्री पुष्पकमल दाहालले राजदूतहरूको नियुक्तिलाई थप व्यवस्थित, मर्यादित, पारदर्शी एवं कार्यसम्पादनमा आधारित बनाइने बताएका छन् । राजदूत फिर्ता गरेकोबारे एमाले सांसद तारा लामा तामाङले सोधेको प्रश्नको जवाफमा प्रधानमन्त्री दाहालले राजदूतहरूको फिर्ता कानुनी व्यवस्थाअनुसार नै गरिएको बताए । 

बजेट तथा योजना लैजान मन्त्री नै बन्नुपर्ने होइन : प्रधानमन्त्री

असार ६, २०८१ १३:१५

प्रधानमन्त्री पुष्पकमल दाहालले मन्त्रालयगत बजेट र योजना मन्त्रीहरूका क्षेत्र र जिल्लामा केन्द्रित भएको विषयमा संसद्मा जवाफ दिएका छन् । एमाले सांसद ठाकुर गैरेले बजेट र योजना लैजान मन्त्री नै बन्नुपर्ने हो ? भनेर प्रश्न गरेका थिए । 

निर्माण व्यवसायीलाई भुक्तानीको समस्या छैन : प्रधानमन्त्री

असार ६, २०८१ १२:५३

प्रधानमन्त्री पुष्पकमल दाहालले निर्माण व्यवसायीलाई उपलब्ध गराउनुपर्ने भुक्तानीमा कुनै समस्या नरहेको बताएका छन् । 

विश्वकप क्रिकेट खेलेर स्वदेश फर्कियो नेपाली टोली

असार ६, २०८१ १२:५१

ट्वान्टी-२० विश्वकप क्रिकेट प्रतियोगिता प्रतियोगिताको समूह चरणको खेल खेलेर नेपाली क्रिकेट टोली आज स्वदेश फर्किएको छ ।

टीकापुर घटनामा दोषी ठहर भएकालाई कानुनअनुसार कारबाही हुन्छ : प्रधानमन्त्री 

असार ६, २०८१ १२:४९

प्रधानमन्त्री पुष्पकमल दाहालले टिकापुर घटनामा दोषी ठहर भएकालाई कानुनअनुसार कारबाही हुने स्पष्ट पारेका छन् । प्रतिनिधिसभाको बिहीबारको बैठकमा सांसदहरूले सोधेका प्रश्नको जवाफ दिने क्रममा टीकापुरमा जनधनको अपुरणीय क्षति भएको बताएका हुन् । 

दुई देशबीचका सन्धि सम्झौता कार्यान्वयनबारे मोदीसँग कुरा भयो : प्रधानमन्त्री

असार ६, २०८१ १२:३४

प्रधानमन्त्री पुष्पकमल दाहालले भारतीय प्रधानमन्त्रीसँग विगतमा दुई देशबीच भएका सन्धि र सम्झौताको प्रभावकारी कार्यान्वयनबारे छलफल भएको बताएका छन् ।

६ जनालाई घाइते बनाएको चितुवा गाउँलेको प्रतिकारमा मर्‍यो

असार ६, २०८१ १२:३१

मध्यविन्दु नगरपालिका-८ रानीटारस्थित देवकोटा चोकमा स्थानीय बासिन्दालाई झम्टिँदा गाउँलेले प्रतिकार गर्दा चितुवा मरेको छ । चितुवाको आक्रमणमा ६ जना स्थानीय बासिन्दा घाइतेसमेत भएका छन् । 

सन्धिखर्क–तम्घास १३२ केभी प्रसारण लाइन र तम्घास सबस्टेसन सञ्चालनमा

असार ६, २०८१ १२:२५

अर्घाखाँचीको सन्धिखर्क नगरपालिका–६ फुदवाङदेखि गुल्मीकोे रेसुङ्गा  नगरपालिका–७, उनायचौर (तम्घास)सम्मको १३२ किलोभोल्ट (केभी) डबल सर्किट प्रसारण लाइन निर्माण सकिएकाे छ । साथै, सोही प्रसारण लाइनअन्तर्गत उनायचौरमा १३२ केभी तम्घास सबस्टेसन पनि निर्माण सम्पन्न भएको नेपाल विद्युत् प्राधिकरणले जनाएकाे छ ।

जीबी राईको लोकेसन मलेसियाका गृहमन्त्रीले कन्फर्म गर्नु भएको छ : गृहमन्त्री लामिछाने

असार ६, २०८१ १२:०६

उपप्रधान तथा गृहमन्त्री रवि लामिछानेले गोर्खा मिडिया नेटवर्कका अध्यक्ष गितेन्द्रबाबु (जीबी) राई मलेसियामा रहेको पत्ता लागेको बताएका छन् । आफूले मलेसियाका गृहमन्त्रीसँग कुरा जीबी राईका बारे कुराकानी गरिसकेको पनि गृहमन्त्री लामिछानेले बताएका छन् । 

कांग्रेस सांसद विकले सोधिन् : देशको सूचना चुहाउने को हो ?

असार ६, २०८१ १२:०१

प्रमुख प्रतिपक्षी कांग्रेसका सांसद शान्ति परियार विकले देशको सूचना चुहाउने व्यक्ति को हो भनेर सरकारलाई सोधेकी छन् । प्रतिनिधिसभा‍को बिहीबारको बैठकमा सांसद विकले संसद्को रोष्ट्रमबाट जिम्मेवार पदमा रहेका व्यक्तिले नै राष्ट्रको सूचना चुहाएको अभिव्यक्ति दिएको कुरालाई गम्भीर रूपमा लिनुपर्ने बताएकी हुन् । 

राप्रपा महिला संगठन अध्यक्षद्वारा पार्टी परित्याग

असार ६, २०८१ ११:४०

राष्ट्रिय प्रजातन्त्र पार्टीको महिला संगठन अध्यक्ष अन्जना शाह रावलले पार्टी परित्याग गरेको घोषणा गरेकी छन् । राष्ट्रिय प्रजातान्त्रिक महिला संगठनको अध्यक्षका रूपमा काम गर्न असहयोग भएकोबारे पार्टी नेतृत्वलाई जानकारी गराउँदा हतोत्साहित गरिएको भन्दै परिवारसहित पार्टी त्यागेको घोषणा रावलले गरेकी छन् । 

विश्व किसान संगठनको सञ्चालकमा नेपालका पाठक निर्वाचित

असार ६, २०८१ ११:३६

एफएओको मुख्यालय इटालीको रोममा भएको विश्व भरका किसानहरूको छाता संगठन विश्व किसान संगठन (डब्लुएफओ) को सञ्चालकमा नेपालका खेमबहादुर पाठक निर्वाचित भएका छन् ।

लुम्बिनी प्रदेशसभामा बजेटमाथि आजदेखि छलफल हुँदै

असार ६, २०८१ ११:३२

लुम्बिनी प्रदेश सरकारले आगामी आर्थिक वर्षका लागि ल्याएको बजेटमाथि आजदेखि लुम्बिनी प्रदेशसभा बैठकमा छलफल हुँदैछ ।

आज पनि बजारबाट ५० अर्ब रुपैयाँ झिक्दै राष्ट्र बैंक

असार ६, २०८१ ११:२२

बैंक तथा वित्तीय प्रणालीमा पैसा (तरलता) बढी भएपछि आज फेरि राष्ट्र बैंकले ५० अर्ब रुपैयाा झिक्न लागेको छ । तरलता व्यवस्थापनका लागि निक्षेप संकलन उपकरणमार्फत राष्ट्र बैंकले उक्त रकम झिक्न लागेको हो । गत साता मात्रै ३५ अर्ब रुपैयाँ झिकेका थिए ।

हावाहुरीले सयौं घरमा क्षति, तीन जना घाइते

असार ६, २०८१ ११:१८

बुधबार राति आएका आँधी, हुरीले बर्दियाको गुलरिया नगरपालिकाका सयौं घरका छाना उडाएको छ । घर माथिको रुख ढल्दा तीनजना घाइते भएका छन् ।

वाग्मतीमा आजबाट बजेटमाथि छलफल प्रारम्भ हुँदै

असार ६, २०८१ ११:११

आगामी आर्थिक वर्ष २०८१/०८२ को बजेटमाथि छलफल गर्न वाग्मती प्रदेशसभाको बैठक बिहीबार बस्दैछ । हेटौंडा–१० स्थित प्रदेशसभा सचिवालयमा बिहान ११ बजेका लागि प्रदेशसभा बैठक डाकिएको छ । 

राजनीतिक परिवर्तनमा महिलाहरूको ठूलो योगदान छ : सभापति देउवा

असार ६, २०८१ ११:०६

नेपाली कांग्रेसका सभापति एवं पूर्वप्रधानमन्त्री शेरबहादुर देउवाले नेपाली राजनीतिक परिवर्तनमा महिलाहरूको ठूलो योगदान रहेको बताएका छन् ।

सामुदायिक विद्यालयमा किन घट्दै छन् विद्यार्थी ?

असार ६, २०८१ ११:०५

पछिल्लो समय सामुदायिक विद्यालयमा विद्यार्थीको संख्या घट्दै गएको देखिन्छ । सामुदायिक विद्यालयमा जति विद्यार्थी छन्, तिनमा गरिब, दलित, जनजाति समुदायका विद्यार्थी बढी देखिन्छ । सामुदायिक विद्यालयमा विद्यार्थी कम देखिनुका कारण थुप्रै छन् । जस्तो– प्रायः स्कुलमा प्रधानाध्यापकहरू विद्यालयको काम देखाउँदै आफ्नो निजी काममा लाग्छन् र विद्यालयमा अनुपस्थित हुन्छन् । प्रधानाध्यापक अनुपस्थित हुँदा विद्यार्थी खुसी बन्छन् ।