कप्तान रोहित पौडेलले शतक बनाएपछि नेपालले पहिलो ट्वान्टी २० क्रिकेटमा वेस्ट इन्डिज ‘ए’ लाई ४ विकेटले पराजित गरेको छ । रोहितले १ सय १२ रन बनाएपछि नेपालले त्रिवि क्रिकेट मैदान कीर्तिपुरमा २ सय ५ रनको लक्ष्य २ बल अगाडि नै २ सय ६ रन बनायो ।
खरिदार पदबाट लोक सेवामा प्रवेश गरेका उमेशप्रसाद मैनालीले मुख्य सचिवको दाबेदार रहेका बेला आफूभन्दा कनिष्ठलाई प्रधानमन्त्री माधवकुमार नेपालले छनोट गरेपछि गृह सचिवबाट राजीनामा दिएका थिए ।
सोलुखुम्बुको पिके पिक बेस क्याम्पस्थित पिके सांग्रिला लज एन्ड रेस्टुरेन्टको डाइनिङ हलमा चियाको चुस्की लिँदै एक विदेशी महिला आफ्नो गाइडसँग नेपालीमा गफिइरहेकी थिइन् । उनीसँगै सेतै फुलेको दारी–कपाल भएका पाका विदेशी पनि सानो स्वरमा नेपालीमै कुराकानी गरिरहेका थिए । केहीबेर उनीहरूको भलाकुसारी सुनिसकेपछि सोधियो, ‘तपाईंहरू दुवै जना नेपाली भाषा त राम्रोसँग बोल्नु हुँदो रहेछ ।’ युवतीले मुसुक्क हाँस्दै जवाफ फर्काइन्, ‘धन्यवाद । बोल्ने प्रयास गर्छौं । तर सबै त आउँदैन ।’
रुसी सेनामा भर्ती भएका नेपालीलाई फिर्ता गराउन माग गर्दै परिवारजनले काठमाडौंमा बिहीबार प्रदर्शन गरेका छन् । सरकारले रुसी सेनामा भर्ती भएका सबैलाई तत्काल फिर्ता गराउनुपर्ने माग राख्दै उनीहरूले सिंहदरबारअगाडि प्रदर्शन गरेका हुन् । प्रदर्शनका क्रममा प्रहरीले १२ जनालाई प्रकाउ गरेको छ ।
पहाडी जिल्लामा आइतबार उल्लासपूर्वक होली पर्व मनाइँदै छ । आज सार्वजनिक बिदासमेत रहेकाले सर्वसाधारणले साथीभाइ र आफन्त भेला भइ एकअर्कामा अबिर दलेर होली मनाइरहेका छन् ।
क्यानडाविरुद्ध एकदिवसीय अन्तर्राष्ट्रिय शृंखला जसरी नेपालले सोमबार आफ्नो नाममा लेखायो, त्यसरी नै ब्याटरद्वय अनिल शाह र भीम सार्कीले आफूअनुकूल कथा बुने । उनीहरूको शतकीय इनिङ्ससहित सानदार ब्याटिङमा नेपालले तेस्रो खेल ९ विकेटले जित्दै शृंखला ३–० ले ‘क्लिन स्विप’ गरेको हो ।
दक्षिण अफ्रिकामा भएको यू–१९ विश्वकप क्रिकेटमा भाग लिएर नेपाली टोली घर फर्केको छ । नेपाली खेलाडीलाई नेपाल क्रिकेट संघ क्यानका पदाधिकारीहरुले त्रिभुवन अन्तर्राष्ट्रिय विमानस्थलमा स्वागत गरे । समूह चरणको अन्तिम खेलमा अफगानिस्तानलाई हराउँदै नेपाल सुपर सिक्समा पुगेको थियो । सुरुका दुई खेलमा भने नेपाल न्युजिल्याण्ड र पाकिस्तानसँग पराजित भएको थियो । सुपर सिक्समा भने भारत र बंगलादेशसँग भएका दुवै खेलमा नेपाल पराजित भएको थियो ।
प्रतिनिधिसभाका सभामुख देवराज घिमिरेले अधिवेशन सुरु हुनु एक दिनअघि संघीय संसद्को बैठक कक्ष निरीक्षण गरेका छन् । उनले भोलिदेखि हुने संसद् बैठकको सम्पूर्ण तयारी पूरा भएको जानकारी दिएका छन् ।
नेपाल एपीएफ क्लब (एपीएफ) र कोशी प्रदेशले प्रधानमन्त्री कप महिला राष्ट्रिय क्रिकेट प्रतियोगितामा विजयको क्रमलाई जारी राखेका छन् । लगातार तेस्रो जित निकाल्ने क्रममा एपीएफले लुम्बिनी प्रदेशलाई ९० रनले र कोशीले मधेश प्रदेशलाई ६९ रनले पराजित गर्यो ।
साबिक विजेता सुदूरपश्चिम प्रदेश बिहीबार प्रधानमन्त्री कप महिला राष्ट्रिय क्रिकेट प्रतियोगिताको पहिलो खेलमै पराजित भएको छ । उपाधि दाबेदार मानिएको नेपाल एपीएफ क्लबले प्रतियोगिताको पहिलो दिन सुदूरपश्चिमलाई ९ विकेटले हरायो ।
