आज जनैपूर्णिमा । बिहानैदेखि भक्तजनलाई टीका लगाई हातमा रक्षा बन्धन (डोरो) बाँध्ने, जनै फेर्ने र पूजा गरेर जनैपूर्णिमा मनाइँदैछ । तर यसपटक भने कोरोना भाइरस(कोभिड-१९) महामारीका कारण विभिन्न मठ मन्दिरमा भीडभाड भने छैन ।
सहकालका देवता मानिने रातो मत्स्येन्द्रनाथको रथारोहण शनिबार नागपञ्चमीको शुभसाइतमा पुल्चोकमा गराइयो । रथारोहण गराउन मत्स्येन्द्रनाथलाई त:बहालदेखि खटमा राखी पुल्चोकमा पुर्याइएको थियो । तिथि अनुसार रथारोहण वैशाख शुक्ल प्रतिपदा अर्थात बैशाख १२ गते गर्नुपर्दथ्र्यो । तर, यस वर्ष कोभिड–१९ महामारी रोकथाम गर्न सरकारले गरेको लकडाउनका कारणले रोकिएको थियो ।
आज साउनको पहिलो सोमबार । हिन्दु धर्मावलम्बीहरुका लागि साउन महिना पवित्र मानिन्छ । साउने सोमबारका दिन हिन्दु धर्म मान्नेहरुले शिव मन्दिरमा गई पूजाआजा गर्ने चलन छ ।
नाराबाजी छैन । प्रदर्शन न चर्का स्वर । बरु रङ र ब्रुसले कोरेका चित्रकला भित्ताभरि छन्, ती चित्रकलाले न्याय खोजिरहेका छन् । टन्टलापुर घाम छ, ज्यान पसिनाले निथ्रुक्कै । कसैको हातमा ब्रस छ, कसैको रङ । कोही भित्तामा पोत्दै छन्, कोही टुलमा उभिएर रङ पोतिरहेका साथीलाई तलबाट समातिरहेका छन् । कोही सकिएको कलर र ब्रस किन्न दौडिरहेका छन् । साउनको महिना, कतिबेला मुसलधारे पानी बर्सन्छ, पत्तो छैन । त्यसैले सबैलाई हतारो छ । सडकमा हिँड्नेहरू उभिएर हेरिरहेका छन्, फोटो खिचिरहेका छन्, उनीहरूलाई वास्तै छैन । चित्र कोर्नै दत्तचित छन् ।
प्रधानमन्त्री केपी शर्मा ओलीको समर्थनमा शुक्रबार केही युवा माइतीघरमा प्रदर्शनमा सहभागी भएका छन् । पछिल्लो समय नेकपामा जारी विवादका कारण केही नेताहरुले ओलीको राजीनामा समेत मागेकाले ओली समर्थकहरुले केही दिनदेखि ठाउँठाउँमा प्रदर्शन गरिरहेका छन् ।
जावलाखेलमा रातो मत्स्येन्द्रनाथ जात्राका लागि रथ निर्माण सुरु भएकाे छ । अन्न र सहकालका देवता भनेर चिनिने मत्स्येन्द्रनाथ देवताको हरेक वर्ष हुने जात्रा उपत्यकाको सबैभन्दा लामो जात्रामा पर्ने गर्दछ । जात्राको अन्तिम दिन राष्ट्र प्रमुखको उपस्थितिमा जावलाखेलमा भोटो देखाएर विधिवत रुपमा समापन गरिने गरिन्छ ।
आज असार १५, विविध कार्यक्रम गरी देशैभर धान दिवस मनाइँदैछ । असार १५ किसानहरुका लागि विशेष दिन हो । आजको दिन किसानहरु खेतमा रोपाइँका साथै दहीच्युरा खाएर धान दिवस मनाउने गर्छन् ।
आर्थिक वर्ष सकिनै लाग्दा मुलुकका विभिन्न क्षेत्रमा विकास निर्माणको कामले तीव्रता पाइरहेका छन् । बर्खायामको विकास निर्माण दीगो नहुने टिप्पणी एकातिर छ भने अर्को तर्फ बजेट सकाउने हतारोको रुपमा औंल्याइएका छन् । असार बर्षाको बीच जडिबुटी-पेप्सीकोला सडकखण्डमा पनि कालोपत्रेको काम भइरहेको छ । बिहीबार पानी परिरहेको समयमा पिच गरिँदै गर्दा कान्तिपुरका हेमन्त श्रेष्ठले लिएका केही तस्बिरहरु
लकडाउनका कारण पुष्प व्यवसाय ठप्प बनेको छ । फूल बिक्री नहुँदा कुहिएरै जाने गरेको छ । काडमाडौंको इचङ्गुमा बुधबार महिलाहरु फूल टिप्दै थिए । कोरोना संक्रमणको जोखिमसँगै लगाइएको लकडाउनका कारण उनीहरुको व्यवसाय अहिले धरापमा परेको छ । नगन्य मात्रामा मात्रा फूल बिक्री हुने गरेको र बाँकी बोटमै कुहिएर जाने गरेको कृषकहरु बताउँछन् ।
कुवेतबाट ३ सय ६ जना नेपाली महिला त्रिभुवन विमानस्थलमा आइपुगेका छन् । उनीहरुलाई नेपाली सेनाले प्रदेशगत रुपमा छुट्टाइएको होल्डिङ सेन्टरमा लगेको छ । होल्डिङ सेन्टरबाट भने सम्बन्धित स्थानीय निकायले व्यवस्था गरेको क्वारेन्टाइन सेन्टरमा लैजानेछ । जजिरा एयरलाइन्सको जे ९ १५४१ नम्बरको पहिलो उडानमा एकसय ५७ जना र दोश्रो उडान नम्बर जे ९१५४३ जहाजमार्फत १ सय ४९ जना आएका हुन् । पहिलो उडान कुवेतको स्थानीय समयअनुसार बिहान ४ बजे र दोस्रो उडान ६ बजे गरेको थियो ।
