तस्बिर : अंगद ढकाल

सौर्य एयरलाइन्सको जहाज उड्ने वित्तिकै त्रिभुवन अन्तर्राष्ट्रिय विमानस्थलमा दुर्घटना हुँदा १८ जनाले ज्यान गुमाएका छन् । दुर्घटनामा बाँचेका पाइलट मनिषरत्न शाक्यको उपचार भइरहेको छ । विमान दुर्घटनापछि त्यसक्षेत्रमा तत्कालै उद्धारको काम भएको थियो । प्रधानमन्त्री लगायतका सरकारी अधिकारीहरू दुर्घटनाबारे बुझ्न घटनास्थल पुगेका थिए  । दुर्घटनामा परी निधन भएकाहरूको शव त्रिवि अस्पतालमा राखिएको छ । त्यहाँ शोकाकुल परिवारजनको चित्कार र रुवावासी चलेको छ । विमान दुर्घटना, उद्धार र अस्पतालसम्मका दृश्य कान्तिपुरको क्यामेरामा यसरी कैद भएका छन् :

त्रिभुवन विमानस्थलमा नजिकै विमान दुर्घटना भएको छ । दुर्घटनापछि अहिले उद्धार जारी छ। प्रारम्भिक जानकारीअनुसार अहिले अग्नि नियन्त्रकहरूले कम्तीमा १८ जनाको शव निकालेका छन् । उद्धार कार्यमा संलग्न एक प्रहरी अधिकारीका अनुसार यो संख्या अझै बढ्न सक्छ । विमानका चालक एम आर शाक्यको उद्धार गरिएको छ । उनको केएमसी अस्पताल सिनामंगलमा उपचार भइरहेको छ ।

त्रिभुवन विमानस्थलनजिकै विमान दुर्घटना भएको छ । बुधबार करिब ११ बजे सौर्य एयरलाइन्सको जहाज पोखराका लागि रनवेबाट उड्ने क्रममा दुर्घटनामा परेको प्रत्यक्षदर्शीले बताएका छन् । 

काठमाडौं महानगरपालिकाले न्युरोडमा फुटपाथ विस्तार गर्न थालेपछि स्थानीयहरू विरोधमा उत्रिएका छन् । उच्च अदालत पाटनको आदेशपछि महानगरले न्युरोडको जुद्ध शालिकदेखि इन्द्रचोकतर्फको बाटोमा सडक काट्न सुरु गरेको थियो ।

उच्च अदालत पाटनको आदेशपछि काठमाडौं महानगरपालिकाले न्युरोडमा फुटपाथ विस्तारको काम फेरि अघि बढाएको छ । उच्च अदालत पाटनले फुटपाथ विस्तारको काम अघि बढाउन आदेश दिएपछि काठमाडौं महानगरपालिकाले बुधबार बिहानैदेखि न्युरोडको सडक भत्काएर फुटपाथ विस्तारको काम थालेको हो ।

सिमलताल पहिरोमा परी त्रिशूली नदीमा हराइरहेका दुई वटा बस र बेपत्ता रहेका करिब ५० जना यात्रुको खोजी कार्य शनिबार पनि निरन्तर छ । शुक्रबार बिहानैदेखि खोजी कार्य भएपनि अहिलेसम्म एक जना यात्रुको शव फेला पर्नेबाहेक अरु केही भेटिएको छैन । दुवै बसमा कति यात्रु सवार थिए र तिनीहरू कहाँका थिए भन्ने पूरै विवरण समेत सार्वजनिक हुन सकेको छैन ।

सिमलताल पहिरोमा परी त्रिशूली नदीमा हराइरहेका दुई यात्रु बसको खोजी शनिबार पनि बिहानैदेखि जारी छ । नेपाल प्रहरी, सशस्त्र प्रहरी र नेपाल आर्मीका जवानहरुले शनिबार बिहान ८ बजे देखि खोजी कार्य गरिरहेका छन् । घाम लागेर नदीमा पानीको सतह केही घटे पनि यात्रु बस अझै भेटिएका छैनन् ।

अविरल वर्षाका कारण काठमाडौं उपत्यकाका नदीहरुमा जलसतह बढेको छ । नदी किनारका कतिपय बस्ती डुबेका छन् भने आवश्यक सतर्कता अपनाउन प्रहरीले आह्वान गरेको छ । वाग्मती, विष्णुमती, मनहरा, हनुमन्तेलगायत सबै नदीहरु शनिबार दिनभर टिलपिल देखिएका छन् ।

सत्तारुढ दल नेकपा (एकीकृत समाजवादी) को महाधिवेशन आजबाट सुरु हुँदैछ । महाधिवेशन आज बिहानदेखि काठमाडौंको प्रज्ञा भवनमा उद्घाटन सत्र सुरु भएको छ। महाधिवेशन असार २० गतेसम्म चल्नेछ ।

सिर्जना कलेज अफ फाइन आर्टस्‌ले 'सिर्जनाका समवर्ती लहराहरु-२०२४' शीर्षकमा कला प्रदर्शनी सुरु गरेको छ । ०७५ देखि 'सिर्जना' शृंखलाका रूपमा सुरु भएको यो प्रदर्शनी सिर्जना कलेज अफ फाइन आर्ट्सले बर्सेनि गर्दै आइरहेको छ । यो प्रदर्शनी-श्रृंखलाको प्रमुख उद्देश्य कलेजमा अध्यापनरत अध्यापकहरू तथा कलेज संस्थापन पक्षसँग आबद्ध कलाकारहरूको सिर्जनात्मक अन्वेषण र उपलब्धिलाई उजागर गर्नु हो ।