झापा — झापा-५ मा रास्वपाका बालेन्द्र शाह (बालेन) ले ठूलो मतान्तरसहित अग्रता लिएपछि समर्थकहरू सडकमा निस्किएर खुसी मनाउन थालेका छन् ।

मतगणनास्थलबाहिर यतिबेला समर्थकहरूको भिड छ । प्रत्येकपटक गणनाको नतिजा सुनाउँदा हुटिङ हुने गरेको छ । पछिल्लो मतगणनाअनुसार बालेन्द्रले ४७ हजार ७७९ मतसहित अग्रता कायमै राखेका छन् । उनका निकटतम प्रतिस्पर्धी एमालेका केपी शर्मा ओलीले १२ हजार ६९९ मत ल्याएका छन् ।