कोभिड–१९ ले व्यावसायिक क्षेत्रमा परेको असरलाई न्यूनीकरण गर्न गण्डकी प्रदेश सरकारले व्यवसाय जीवन रक्षा कर्जा कार्यक्रम कार्यान्वयनमा ल्याएको छ । प्रदेश सरकार र राष्ट्र बैंकको प्रदेश कार्यालयबीच उक्त कोष सञ्चालन गर्ने मंगलबार पोखरामा सम्झौता भएको हो ।
मध्य हिउँदमै नेपाल पर्वतारोहण संघ, गण्डकी प्रदेशको एक टोलीले मुस्ताङमा रहेको धम्पुुस हिमाल (६०१२ मिटर) को सफल आरोहण गरेको छ । संघको ६ जनाको टोलीले शनिबार बिहान ११ बजेर ४८ मिनेटमा थापा पिकको रुपमा समेत चिनिने उक्त हिमाल आरोहण गरेको हो ।
कांग्रेसका वरिष्ठ नेता रामचन्द्र पौडेलले केपी ओली निर्वाचित तानाशाह बन्न खोजेको बताएका छन् । ४५ औं राष्ट्रिय एकता तथा मेलमिलाप दिवसको अवसरमा कास्की कांग्रेसले बिहीबार पोखरामा गरेको प्रवचन कार्यक्रममा उनले केपी ओली निर्वाचित तानाशाह बन्न खोजेकाले संयुक्त आन्दोलनबाटै निकास खोज्नुपर्ने विचार राखेका हुन् ।
पोखरा घुम्न आउने जोकोही पर्यटक माछापुच्छ्रेतिर फर्किएर भन्छन्, ‘हिउँ सकिएछ ।’ टुप्पोमा बाघको आकृति देखिने ठाउँमा बाहेक यतिखेर माछापुच्छ्रेमा हिउँ होइन, कालो पत्थर मात्रै देखिन्छ । हिमालका लस्करलाई पृष्ठभूमिमा पारेर आईएमई नेपाल लिटरेचर फेस्टिभलको मञ्च दुई दिनसम्म सराङकोटमा बस्यो । फेस्टिभलमा चर्चा भयो हिउँबिनाको हिमालकै ।
आईएमई नेपाल लिटरेचर फेस्टिभलको नवौं संस्करण मंगलबार पोखराको सराङकोटमा उद्घाटन भयो । उद्घाटन सत्रमा अर्थशास्त्री विश्व पौडेलले ‘साहित्यको अर्थ’ विषयमा विद्वत् प्रवचन दिए । विद्वत् प्रवचनमा उनले नेपालमा साहित्य लेखनको सुरुवात र त्यसले अर्थतन्त्रमा पारेका प्रभावका विषयमा बोले ।
नेकपाका स्थायी समिति सदस्य देवेन्द्र पौडेलले चुनाव गर्ने नियतसहित प्रधानमन्त्रीले संसद विघटन नगरेको आरोप लगाएका छन् । नेकपा कास्कीको दाहाल–नेपाल पक्षले आइतबार पोखरामा गरेको जिल्लास्तरीय अगुवा कार्यकर्ता प्रशिक्षणमा उनले उक्त कुरा बताएका हुन् ।
कोरोना कहर नहुँदो हो त अहिलेकै अवस्थामा पोखराका होटलमा आन्तरिक पर्यटकको अकुपेन्सी ४० प्रतिशत हुन्थ्यो । आन्तरिक र विदेशी जोड्दा अकुपेन्सी दर ८० प्रतिशत पुग्थ्यो । हाल यो दर १० प्रतिशत मात्रै रहेको यहाँका होटल व्यवसायी बताउँछन् ।
पोखराको पर्यटनमा ‘ब्रान्ड’ बनेको पोखरा सडक महोत्सवले निरन्तरता पाउने भएको छ । अंग्रेजी नयाँ वर्षको अवसरमा लेकसाइडमा हुने यो महोत्सव यसपल्ट भने फरक स्वरुपमा हुनेछ । रेस्टुरेन्ट एन्ड बार एसोसियसन अफ नेपाल (रेबान) पोखराले २२ औं संस्करणको पोखरा सडक महोत्सव पुस १५, १६ र १७ मा गर्ने भएको हो ।
सांग्रिला क्रिकेट क्लब र माछापुच्छ्रे क्रिकेट क्लब पोखरामा जारी क्लबस्तरीय छनोट प्रतियोगिताको फाइनल पुगेका छन् । दुवै टिम २–२ खेलमा जित हात पार्दै अंकका आधारमा फाइनल पुगेका हुन् । पोखरा रंगशाला क्रिकेट मैदानमा सोमबार फाइनल हुनेछ ।
