टीका थाप्न मावल गएकी झापाकी एक बालिकाको गोमन सर्पको डसाइबाट मृत्यु भएको छ । गोमन सर्पले डस्दा दमक नगरपालिका- २ की ८ वर्षीया श्रुति सापकोटाको मृत्यु भएको जिल्ला प्रहरी कार्यालय झापाले जनाएको छ ।

शारीरिक रुपमा असक्त भए पनि गीत गाउन र मेन्डोलियनको मिठो धुन निकाल्न माहिर छन्, प्रतिभासम्पन्न यी ५६ वर्षीय पूर्वेली कलाकार कमल रसाइली । जनवादी स्वर पहिलाजस्तो मुखर छैन तर पनि गानाबजानालाई उनले छाडेका छैनन् ।  भन्छन्, ‘मेरो प्रगतिको बाधक मेरै शरीर हो ।’ 

५ वर्षअघि पूर्व–पश्चिम राजमार्गको निन्दा खोला वारिको जमिनमा थुप्रै पोखरी थिए । अहिलेको दृश्य भिन्न छ । त्यो जमिनमा पाँचतारे होटल मेची क्राउन उभिएको छ । ‘यति छोटो समयमा होटल ठडिएला भन्ने लागेकै थिएन’, होटल आसपासमा बसोबास गर्ने संविधानसभा सदस्य चन्द्र मेचेले सुनाए, ‘पाँचतारे होटल बनेपछि त हाम्रो गाउँको नक्सा नै बदलियो ।’ 

झापाको दमक नगरपालिका-३ बेलडाँगीका ४४ वर्षीय एलबी भनिने लालबहादुर गुरुङलाई इलामको चुलाचुली गाउँपालिका-५ पकुवा भन्ने ठाउँमा हत्या गरेको आरोपमा ९ जनालाई प्रहरीले पक्राउ गरेको छ । 

२९ भदौमा राजस्व अनुसन्धान कार्यालय इटहरीको टोलीले मोरङको भाउन्नेमा चार भारतीय गाडीलाई नियन्त्रणमा लिएर कारबाही प्रक्रिया अघि बढायो । राजस्वका अनुसार प्रक्रिया नपुर्‍याई प्रवेश गरेका कारण गाडी नियन्त्रणमा लिइएको हो । राजस्व अधिकृत तीर्थराज खनालले भने, ‘भन्सार र पटके रुट परमिट नलिई दादागिरी शैलीमा प्रवेश गरेका कारण गाडी नियन्त्रणमा लिइएको हो ।’ 

पूर्वपश्चिम राजमार्गअन्तर्गत झापाको शिवसताक्षीमा १० सैनिक चोकमा मंगलबार अपराह्न भएको सवारी दुर्घटनामा दुई जनाको ज्यान गएको छ । कारमा सवार चार जना सख्त घाइते छन् ।

गत बुधबार राजस्व अनुसन्धान कार्यालय इटहरीको टोलीले मोरङको भाउन्नेमा चार भारतीय गाडीलाई नियन्त्रणमा मात्रै लिएन कारबाही प्रक्रिया नै अघि बढायो । राजस्वका अनुसार प्रक्रिया नपुऱ्याई प्रवेश गरेका कारण गाडी नियन्त्रणमा लिइएको हो । राजस्व अधिकृत तीर्थराज खनालले भने, ‘भन्सार र पटके रुढ परमिट नलिई दादागिरी शैलीमा प्रवेश गरेका कारण गाडी नियन्त्रणमा लिइएको हो ।’ 

सिलिगुडीबाट इन्धन बोकेर नेपाल प्रवेश गर्न लागेका करिब ४० वटा ट्यांकर प्रवेशमा भारतीय चालकहरुले अवरोध गरेका छन् । राजस्व अनुसन्धान कार्यालय इटहरीले गाडी पक्राउ गर्नुका साथै चालकलाई दुर्व्यवहार गरेको भन्दै भारतीय चालकहरुले पानीटंकी क्षेत्रमा इन्धनका ट्यांकरमाथि अवरोध गरेका हुन् । 

दिदी-बहिनीलाई बलात्कार गरेको आरोपमा झापाका ७३ वर्षीय वृद्धलाई प्रहरीले शुक्रबार पक्राउ गरेको छ । एकै परिवारका ११ वर्षीया बहिनी र १७ वर्षीया दिदीलाई बलात्कार गरेको आरोपमा मेचीनगर नगरपालिका–१२ माथिल्लो धाइजनका ७३ वर्षीय कपिलमणि पौडेललाई इलाका प्रहरी कार्यालय बिर्तामोडले पक्राउ गरेको जिल्ला प्रहरी कार्यालय झापाका प्रवक्ता डीएसपी वसन्त पाठकले जानकारी दिए ।

गत १२ जेठमा भारतको कालिम्पोङको नाट्य उत्सवमा पहिलो पटक प्रदर्शन भएको ‘हिउँको पृथ्वी यात्रा’ नदीको कथा भन्दै यतिवेला देश दौडाहामा छ ।