स्थानीय तह निर्वाचन २०७९

बुढीगंगामा एमाले विजयी

बाजुराको बुढीगंगा नगरपालिकामा भएको पुन: मतदानमा प्रमुख, उपप्रमुख दुवै पदमा नेकपा एमालेका उम्मेदवार विजयी भएको छन् । नगर प्रमुखमा रामबहादुर बानियाँ र उप प्रमुखमा माया कुमारी खड्का (कुँवर) विजयी भएका हुन् ।

असार २५, २०७९

बुढीगंगामा एमाले उम्मेदवारको अग्रता कायमै

बाजुराको बुढीगंगा नगरपालिकामा ३ हजार ४४० मत गणना हुँदा नगरप्रमुख पदका एमाले उम्मेदवार रामबहादुर बानियाँले अग्रता कायमै राखेका छन् । उनले २ हजार ४५ मत प्राप्त गरेका छन् भने कांग्रेस उम्मेदवार रंगबहादुर खातीले एक हजार १८८ मत पाएका छन् । पुन: भएको मतदानमा कूल ९ हजार १२८ खसेको छ ।

बुढीगंगामा एमाले उम्मेदवारको अग्रता कायमै

पुन: मतदानमा ९ हजार १२८ खसेको बाजुराको बुढीगंगा नगरपालिकामा २ हजार ७ सय मत गणना हुँदा नगरप्रमुख पदका एमाले उम्मेदवार रामबहादुर बानियाँले अग्रता कायमै राखेका छन् । उनी कांग्रेस उम्मेदवार रंगबहादुर खातीभन्दा ५ सय ६२ मतले अगाडि छन् । खातीले ९ सय ९० मत पाएका छन् ।

असार २४, २०७९

बुढीगंगामा एमाले उम्मेदवारको अग्रता 

बाजुराको बुढीगंगा नगरपालिकामा पुनः मतदानको प्रारम्भिक मतगणनामा एमाले उम्मेदवारले अग्रता लिएका छन् । एक हजार मतगणना हुँदा नगरप्रमुख पदमा एमाले उम्मेदवार रामबहादुर बानियाँले ५२० मत प्राप्त गरेका छन् भने कांग्रेस उम्मेदवार रंगबहादुर खातीले ४२७ मत पाएका छन् । 

असार २३, २०७९

बुढीगंगामा ६६ प्रतिशत मत खस्यो 

बाजुराको बुढीगंगा नगरपालिकामा बिहीबार पुनः मतदान भएको छ । कडा सुरक्षा व्यवस्थाबीच भएको मतदानमा अघिल्लो पटकजस्तो बुथ कब्जाका घटना हुन पाएनन् । प्रहरीका अनुसार त्रिशक्ति मावि मतदानस्थलमा भने दिउँसोतिर फर्जी मतको विषयलाई लिएर विवाद भएपछि केहीबेर झडप भएको थियो ।

जेष्ठ २९, २०७९

जिसस सल्यानको प्रमुखमा कांग्रेस रावत विजयी 

जिल्ला समन्वय समिति सल्यानको निर्वाचनमा गठबन्धनको पुरै प्यानल विजयी भएको छ । निकटतम प्रतिद्वन्द्वीका एमालेका उम्मेदवारलाई झन्डै १० मत पछि पार्दै गठबन्धन विजयी भएको हो । सल्यानमा जिसस निर्वाचनमा कांग्रेस, माओवादी केन्द्र र समाजवादीले गठबन्धन गरेका थिए ।

जिसस धादिङको प्रमुखमा माओवादीका अधिकारी निर्वाचित

जिल्ला समन्वय समिति धादिङको प्रमुखमा नेकपा माओवादी केन्द्रका नवराज अधिकारी र उपप्रमुखमा नेकपा एकीकृत समाजवादीका कुलमान विश्वकर्मा निर्विरोध निर्वाचित भएका छन् । ७ जना सदस्य भने नेपाली कांग्रेसबाट निर्वाचित भएका छन् ।

जेष्ठ २६, २०७९

जिसस सिन्धुली प्रमुखमा एकीकृत समाजवादीलाई एमालेको साथ

जिल्ला समन्वय समिति सिन्धुलीमा नयाँ नेतृत्वका लागि हुने चुनावमा नेकपा (एकीकृत समाजवादी)लाई नेकपा एमालेले साथ दिएको छ । जिससको प्रमुखका लागि एकीकृत समाजवादीका जिल्ला अध्यक्ष समेत रहेका सूर्य पाख्रिनको प्रस्तावक र समर्थक एमालेका पालिका अध्यक्ष तथा उपप्रमुख बसेपछि उम्मेदवारी दर्ता भएको छ ।

जेष्ठ २५, २०७९

जिल्ला समन्वय समिति कञ्चनपुरमा कांग्रेसको मात्रै उम्मेदवारी

जिल्ला समन्वय समिति कञ्चनपुरमा प्रमुख, उपप्रमुखदेखि सदस्य सबैमा नेपाली कांग्रेसका उम्मेदवारको मात्रै उम्मेदवारी दर्ता भएको छ । प्रमुख, उपप्रमुखसहित ९ जना सदस्यको मात्रै उम्मेदवारी परेको मुख्य निर्वाचन अधिकृतको कार्यालयले जनाएको छ । 

जिसस मुगुमा गठबन्धनले दियो उम्मेदवारी   

जिल्ला समन्वय समिति निर्वाचनका लागि तीन दलीय गठबन्धनले उम्मेदवारी दर्ता गराएको छ । गठबन्धनबाट प्रमुख पदमा नेपाली कांग्रेस मञ्जन कार्की र उपप्रमुखमा नैनी कार्कीले उम्मेदवारी दिएका छन । 

जिसस सिन्धुलीमा ९ पदका लागि १७ जनाको उम्मेदवारी

जिल्ला समन्वय समितिको प्रमुख, उपप्रमुखसहित ९ पदका लागि सिन्धुलीमा १७ जनाको उम्मेदवारी दर्ता भएको छ । समन्वय समितिको प्रमुखमा २, उपप्रमुखमा २ र ७ सदस्यहरुका लागि १३ जनाको उम्मेदवारी दर्ता भएको मुख्य निर्वाचन अधिकृत ध्रुवप्रसाद सापकोटाले जानकारी दिए ।