कर्णालीको तटीय क्षेत्रका बाढीपीडितले दुई दिनयता खान पाएका छैनन् । घर डुबानमा परेपछि स्थानीय विद्यालयमा आश्रय लिइरहेका बालबालिका, वृद्धवृद्धालगायत सबै भोकै बस्न बाध्य भएका हुन् ।
कर्णाली नदीमा निर्माण गरिएको भारतको गिरिजापुरी बाँधका सबै ढोका बन्द गरिएकोले राजापुर क्षेत्रमा बाढी पसेको गेरुवा गाउँपालिकाका अध्यक्ष जमानसिंह केसीले बताएका छन् । ५५ वटामध्ये अधिकांश ढोका बन्द गरेका कारण कर्णालीको बाढी बस्तीमा पसेको उनले जानकारी दिए ।
तीन दिनदेखि परेको अविरल वर्षाले कर्णाली र बबई नदीमा जलस्तरले खतराको तह पार गरेको छ । कर्णाली नदीमा जलस्तर १० मिटरमाथि बगिरहेको स्थानीय प्रशासनले जनाएको छ ।
बढैयाताल गाउँपालिका—८ का किसानको दसैं यसपाली उल्लासमय हुने भएको छ । किनभने, यसपाला उनीहरुले धानको उत्पादन र मूल्य दुबै दोब्बर पाएका छन् । परम्परागत मोटो धानको खेतीबाट खासै उत्पादन नभएपछि बजारमा माग बढी भएको मसिनो चामल उत्पादन हुने धान लगाएको पहिलो वर्षमै बढैयातालका किसानलाई फाइदा पुगेको हो ।
गेरुवा गाउँपालिका—४ ढुकनियामा बाघले आक्रमण गर्दा सोमबार राति एक जनाको ज्यान गएको छ । बाघको आक्रमणबाट सोही ठाउँका ३७ वर्षीय जनकबहादुर थारुको मृत्यु भएको बर्दिया राष्ट्रिय निकुञ्जका प्रमुख संरक्षण अधिकृत विष्णुप्रसाद श्रेष्ठले बताए ।
गेरुवा गाउँपालिका-४ ढुकनियास्थित बाघको आक्रमणबाट स्थानीय एक किसान बेपत्ता भएका छन् । सोमबार साँझ ३७ वर्षीय जनक बहादुर थारुलाई बाघले आक्रमण गरी जंगलभित्र लगेको थियो ।
