महेन्द्र राजमार्ग र भित्री सडकमा दुर्घटना उत्तिकै हुने गरेको ट्राफिक प्रमुख बेलवासेले बताए । तीब्र गति, ट्राफिक नियम पालना नगर्ने, मापसे, लापसेलगायतका कारण दुर्घटना भएको पाइएको उनले बताए । ‘अनुमति पत्र नलिएर चलाएका, मापसे गरेका, ओभरलोड, तीब्र गतिलगायतका सवारी साधन कारवाहीमा परेका छन्,’ उनले भने, ‘कारवाहीमा पर्ने मदिरा र लागुऔषध सेवन गरेका अधिकांश यात्रुवाहक र मोटरसाइकललगायतका साधन छन् ।’   

सडक छेउमा बस्तुभाव चराउनु, सडक अतिक्रमण, पैदल यात्रुले ट्राफिक नियमको पालना नगर्नुलगायत सडक दुर्घटनाका कारक बन्दै गएको ट्राफिक प्रहरीको भनाई छ । यसका साथै सडक संरचना, असुरक्षित सार्वजनिक सवारी साधन, चालकको अयोग्यता, लापरवाही, ट्राफिक नियमको अज्ञानता र अटेरताले दुर्घटना बढेको प्रहरीको भनाई छ ।