जिल्लाको व्यास नगरपालिकाले आयोजना गरेको छैटौं व्यास नगर अल्ट्रा म्याराथन २०७९ को उपाधि व्यास–७ का विशाल गुरुङले जितेका छन् । सहिद दिवसका अवसरमा नगरपालिकाले वडा नं. ५ मानुङकोटदेखि वडा नं. ८ पुलिमराङसम्मको ४४ किमि दूरीको अल्ट्रा म्याराथन ३ घण्टा २६ मिनेटमा पूरा गर्दै गुरुङले उक्त उपाधि जितेका हुन् ।

तनहुँमा शनिबार भएको छुट्टाछुट्टै घटनामा २ जनाको मृत्यु भएको छ । भीरबाट खसेर बन्दीपुर गाउँपालिका–३ छबिसेका ४५ वर्षीय माधवबहादुर अर्जेलको मृत्यु भएको प्रहरी नायव उपरीक्षक युवराज खड्काले जनाएका छन् ।

जलविद्युत् आयोजना निर्माणको क्रममा विस्फोट गराइँदा तनहुँमा आसपासका बस्ती प्रभावित भएका छन् । राष्ट्रिय गौरवको आयोजना १ सय ४० मेगावाट क्षमताको तनहुँ जलविद्युत् आयोजना (तनहुँ हाइड्रोपावर) निर्माणको क्रममा गराइएको विस्फोटले नजिकका बस्तीमा असर पुगेको हो ।

नाबालिगलाई जबर्जस्ती करणीको अभियोगमा तनहुँ कारागार दमौलीमा थुनामा रहेका अभिनेता पल (पूर्णविक्रम) शाहलाई जिल्ला अदालत तनहुँले सफाइ दिएको छ ।

जिल्लाको भानु नगरपालिका–६ टुहुरे पसलमा सोमबार साढे ११ बजेतिर स्थानीय अन्दाजी ४९ वर्षीय सन्तबहादुर गुरुङमाथि धारिलो हतियार प्रहार भएको छ । धारिलो हतियार प्रहारबाट सन्तबहादुरको मृत्यु भएको प्रहरी नायब उपरीक्षक युवराज खड्काले बताए ।

गण्डकी प्रदेशको स्वास्थ्य तथा जनसंख्या मन्त्रालयले जिल्लाका दुई विद्यालयमा ‘विद्यालय नर्स’ कार्यक्रम सञ्चालन गर्ने भएको छ । आँबुखैरेनी गाउँपालिका–३ स्थित रामशाह माध्यमिक विद्यालय र ऋषिङ गाउँपालिका–६ को श्रृङ्ग माध्यमिक विद्यालयमा यो कार्यक्रम सञ्चालन हुने भएको हो । उक्त विद्यालयहरूमा स्टाफ नर्स (पाँचौं तह) को दरबन्दी थप गरिएको छ ।

तनहुँको म्याग्दे गाउँपालिकालाई पूर्ण बालश्रममुक्त गाउँपालिका घोषणा गरिएको छ । एकीकृत हरित विकास नेपालको सहकार्यमा गाउँपालिकालाई बालश्रममुक्त पालिका घोषणा गरिएको हो ।

पृथ्वी राजमार्गअन्तर्गत मुग्लिङ–पोखरा सडक विस्तार कार्यले गति लिइरहँदा विद्युत् पोल बाधक बनेका छन् । सडकको स्तरोन्नति सुरु हुनुपूर्व नै विद्युत् पोल स्थानान्तरण गरिसक्नुपर्नेमा अझै हुन सकेको छैन । निर्माण कम्पनीले कामलाई तीव्रता दिइरहँदा नेपाल विद्युत् प्राधिकरणले भने पोल नहटाउँदा आयोजनाले प्रगति देखाउन सकेको छैन ।

तनहुँमा मापदण्ड विपरित सञ्चालनमा रहेका क्रसर उद्योग बन्द गरिएको छ । दर्ता नभएका तथा नवीकरण नगरिएका, सञ्चालन अनुमति नलिई सञ्चालनमा रहेका ढुंगा, गिट्टी, रोडा तथा बालुवा उत्खनन र प्रशोधन कार्यमा संलग्न रहेका सबै क्रसर उद्योग बन्द गरिएको हो ।

विगत ४ वर्षदेखि भिमाद नगरपालिका–६ की रीता थापा व्यावसायिक बंगुरपालनमा आबद्ध छिन् । बंगुरपालनबाट राम्रै आम्दानी हुन थालेपछि १७ वर्षदेखि वैदेशिक रोजगारीमा रहेका श्रीमान् सुरवीर थापा पनि एक वर्षअघि स्वदेश फर्किए र श्रीमतीलाई सघाउन थाले ।