कोरोना परीक्षणका लागि गोरखाबाट काठमाडौं पठाइएको स्वाब परीक्षण नगरी फिर्ता भएको छ । गोरखाबाट कोरोना परीक्षणका लागि पठाइएको स्वाबको नमुना काठमाडौंको टेकुस्थित राष्ट्रिय जनस्वास्थ्य प्रयोगशालाले त्यसै फिर्ता पठाइदिएको हो ।
पालुङटार नगरपालिकाले २० शय्याको आइसोलेसन कक्ष तयार गरेको छ । पालुङटार नगपरपालिका–४ मालती गैरास्थित सुदर्शन आधारभूत विद्यालय भवनमा आइसोलेसन बनाइएको स्वास्थ्य शाखाका हेल्थ असिस्टेन्ट तथा कोरोना फोकल पसर्न दिपेन्द्र गिरीले बताए ।
मनास्लु हिमाल आरोहणका लागि आएका बहराइनका राजकुमार शेख मोहम्मद हमाद मोहम्मद अल खलिफालाई चुमनुब्री गाउँपालिका–१ सामागाउँवासीले गत मंगलबार भव्य स्वागत गरे । स्थानीय पोसाक लगाइदिए । परम्परागत नृत्य देखाए । त्यति मात्रै होइन स्थानीय एक डाडाँको नाम नै बहराइनको राजपरिवारको नामबाटै नामकरण गरिदिए ।
बारपाक सुलिकोट गाउँपालिका–२ का दोर्जे गुरुङले एक दशकदेखि बाँझो रहेको जमिनमा यस वर्षबाट खेती थालेका छन् । पुर्ख्यौली जमिनमा खेती गर्न छाडेर बारपाकमा किराना पसल चलाएका उनी कोरोना कहरपछि फेरि खेतबारीमै व्यस्त छन् । भन्छन्, ‘आफ्नै बारीमा दुःख गरेपछि खानको सुर्ता हुन्न ।’ २५ रोपनीमा यसवर्ष कोदो र घैया धान लगाएको उनले सुनाए । साढे २ रोपनीमा आलु पनि लगाए ।
पदमार्गमा पर्यटक छैनन् । होटलहरू सुनसान छन् । अहिले पर्यटकीय सिजनै हो । कोरोना महामारीले अन्यत्र जस्तै मनास्लु क्षेत्रको व्यापार व्यवसाय पनि धाराशायी छ । लकडाउनको ६ महिनाको अवधिमा वहराइनका राजकुमारसहितका १९ विदेशी मात्र मनास्लु क्षेत्र पुगेका छन् । पर्यटक आवागमन घट्दा लाखौँ लगानी गरेका होटल सञ्चालक निराश छन् ।
जिल्ला प्रहरी कार्यालय गोरखामा कार्यरत थप १४ जना प्रहरीमा कोरोना संक्रमण पुष्टि भएको छ । असोज २० गते नमुना संकलन गरी परिक्षणका लागि पठाएको १४ जना प्रहरी र भारतबाट आई होम क्वारेन्टाइनमा बसेकी २२ वर्षीया महिलाको रिपोर्ट शुक्रबार पोजिटिभ आएको गोरखा नगरपालिकाका स्वास्थ्य शाखा प्रमुख ईश्वर रेग्मीले बताए ।
मनास्लु हिमाल आरोहणका लागि आएका बहराइनमा राजकुमार सेख मोहम्मद हमाद मोहम्मद अल खलिफासहितको टोली बुधबार आधारशिविर (बेसक्याम्प) तर्फ लागेको छ । राजकुमारसहितको टोली मंगलबार हेलिकप्टरमार्फत चुमनुब्री गाउँपालिका–१ सामागाउँ पुगेको थियो ।
