चितवनमा फरक-फरक दुर्घटनामा तीन जनाको मृत्यु
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
चितवन — चितवनमा बिहीबार राति र शुक्रबार बिहान दुई ठाउँमा भएका भएका दुर्घटनामा तीन जनाको मृत्यु भएको छ । चितवन जिल्ला प्रहरी कार्यालयबाट प्राप्त विवरण अनुसार मृत्यु हुनेमा दुईजना ट्रकका चालक र एकजना मोटरसाइकल चालक रहेका छन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![चितवनमा फरक-फरक दुर्घटनामा तीन जनाको मृत्यु](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/truck-2672024050730-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
नारायणगण-मुग्लिन सडकको भरतपुर महानगरपालिका-१ भतेरी जंगलमा शुक्रबार बिहान सवा ६ बजेतिर नारायणगढबाट मुग्लिन तर्फ जाँदै गरेको ना ६ ख ५९९६ कन्टेनर ट्रक र मुग्लिनबाट आउँदै गरेको डीडीएफ ०१ एल ९१६१ नम्बरको भारतीय ट्रक एकआपसमा ठक्कर खाएका थिए ।
ठक्करपछि गम्भीर घाइते भएका भारतीय ट्रकका चालक भारत उत्तर प्रदेशका २४ वर्षीय हेताव आलमलाई चिकित्सकले सात बजेर २० मिनेट जाँदा मृत घोषणा गरेको चितवन जिल्ला प्रहरी कार्यालयका डीएसपी श्रीराम भण्डारीले बताए । त्यसैगरी ना ६ ख ५९९६ नम्बरका ट्रकका चालक पर्सा जिल्ला वीरगञ्ज महानगरपालिका-२४ मा प्रमोद पटेलको पनि मृत्यु भएको डीएसपी भण्डारीले जानकारी दिए ।
भारतीय ट्रकका सहचालक भारत गोरखपुरका २२ वर्षीय सावन अहमदको अवस्था गम्भीर रहेको छ । उनको चितवन मेडिकल कलेजको भरतपुरमा रहेको शिक्षण अस्पतालमा उपचार भइरहेको छ । त्यसैगरी बिहीबार मध्यरातमा भरतपुर महानगरपालिका-८ अशोक चोककमा भएको दुर्घटनामा मोटरसाइकल चालकको निधन भएको छ । मोटरसाइकललाई अर्को गाडीले ठक्कर दिएको थियो। ठक्कर दिएर गाडी भागेका कारण नम्बर र अन्य विवरण खुलेको छैन । गाडीको रंगसम्म खुलेको प्रहरीले जनाएको छ ।
दुर्घटनाका कारण गम्भीर घाइते भएका वाग्मती प्रदेश ०६-००३ प ६८३९ नम्बरका मोटरसाइकल चालक भरतपुर महानगरपालिका-७ प्रेमबस्तीका ५० वर्षीय चण्डिप्रसाद अधिकारीकाे उपचारका क्रममा चितवन मेडिकल कलेजको शिक्षण अस्पतालमा रााति दुई बजेतिर निधन भएको चितवन प्रहरीले जानकारी दिएको छ । ठक्कर दिएर भागेको गाडीको खोजीमा प्रहरी लागेको डीएसपी श्रीराम भण्डारीले बताए ।
![](https://assets-cdn.ekantipur.com/uploads/source/ads/900-x-100-1-0282024055738.gif)