सीमावर्ती क्षेत्रमा बनाइएका अनधिकृत भौतिक संरचना हटाउनुको सट्टा भारतले नेपाली भूभागलाई थप असर पुग्ने गरी बलमिच्याइँपूर्वक निर्माण कार्य जारी राखेको छ । केही स्थानमा जिल्ला प्रशासन कार्यालय र सशस्त्र प्रहरी बल (एपीएफ) को पहलमा काम रोकिए पनि दीर्घकालीन असर पार्ने पर्खाल, सडक, बाँध/तटबन्ध निर्माणका काम भारतले धमाधम अघि बढाइरहेको छ ।
तीन दिनदेखिको अविरल वर्षाले लुम्बिनी प्रदेशका विभिन्न जिल्लामा बाढी, पहिरो र डुबानले क्षति पुर्याएको छ । वर्षापछि पहाडी जिल्लाका विभिन्न स्थानमा सडक भत्किनुका साथै पहिरो गएको छ । समथर क्षेत्रमा डुबान सुरु भएको छ । नारायणी र खहरेमा आएको बाढीका कारण पश्चिम नवलपरासीमा २ सयभन्दा बढी घर डुबानमा परेका छन् ।
नारायणी नदीको गण्डक ब्यारेजमा पानीको बहाव बढ्दो अवस्थामा रहेकोले जोखिम बढेको छ । मंगलबार दिउँसो ४ बजे पूर्वी नवलपरासीको त्रिवेणीस्थित गण्डक ब्यारेजमा २ लाख ५० हजार क्युसेक पानीको बहाव रहेकोमा राति ८ बजेर ३० मिनेट जाँदा पानीको बहाव बढेर २ लाख ९७ हजार पुगेको छ ।
कपिलवस्तुको यशोधरा गाउँपालिका–८, खोरियाका ६२ वर्षीय पुरुषलाई खोप लगाउन बुधबार र बिहीबार स्थानीय केन्द्रमा बोलाइएको थियो । उनी गएनन् । ‘म सिमानामा बस्छु,’ उनले भने, ‘चीनको हावापानीका लागि बनाइएको खोप हो, मैले लगाइनँ ।’
लुम्बिनी प्रदेशमा कोरोनाको दोस्रो लहर सहर हुँदै गाउँबस्तीसम्म पुगेको छ । यहाँका गाउँगाउँमा कोरोनासित मेल खाने लक्षणका बिरामी छन् । तर किट अभावमा उनीहरूको परीक्षण हुन सकेको छैन ।
पूर्वी नवलपरासीको मध्यविन्दु जिल्ला अस्पतालले आफ्नै अक्सिजन प्लान्ट सञ्चालनमा ल्याएको छ । कोरोना संक्रमितलाई अक्सिजन अभाव भएर चितवन रेफर गर्नुपर्ने अवस्था भएपछि अस्पतालले प्लान्ट सञ्चालनमा ल्याएको हो ।
कोरोना संक्रमणको कारण पश्चिम नवलपरासीमा बिहीबार एकै दिन ६ जनाको मृत्यु भएको छ । जिल्लाको बर्दघाट नगरपालिकाका २ जना, सुनवल नगरपालिकाका १ जना, पाल्हीनन्दन, सुस्ता र प्रतापपुर गाउँपालिकाका एक/एक जनाको मृत्यु भएको हो ।
कोरोना संक्रमणको कारण पश्चिम नवलपरासीमा बिहीबार एकै दिनमा ६ जनाको मृत्यु भएको छ । जिल्लाको बर्दघाट नगरपालिकाका २ जना , सुनवल नगरपालिकाका १ जना , पाल्हीनन्दन, सुस्ता र प्रतापपुर गाउँपालिकाका एक/एक जनाको मृत्यु भएको हो ।
पश्चिम नवलरासीको दाउन्नेमा बुधबार सवारी दुर्घटनामा परेर मृत्यु भएका चारै जनाको सनाखत भएको छ । काठमाडौंबाट रुकुमका लागि छुटेको ना ५ ख २७१३ नम्बरको बस दाउन्ने भीरबाट करिब १ सय ५० मिटर तल खसेको थियो ।
