गौतम बुद्ध अन्तर्राष्ट्रिय विमानस्थल उद्घाटन भएको साढे आठ महिनाभन्दा धेरै भयो । विभिन्न वायु सेवा कम्पनीले यस अवधिमा अन्तर्राष्ट्रिय उडान गर्ने अपेक्षा धेरैले गरेका थिए । तर, परिणाम आशा गरेअनुरूप भएन । गत जेठ २ मा विमानस्थल उद्घाटन भएसँगै खाडी मुलुकका नेपाली श्रमिकलाई लक्ष्य गरी जजिरा एयरलाइन्सले कुवेत–भैरहवाबीच साताको तीन उडान सञ्चालन गरेको थियो ।
उमेरले ८५ वर्ष पार गरेका अब्दुल लतिफ शौक आफ्ना गजलमा जवानीको आगो ओकल्छन् । उर्दूभाषी सायरमध्ये पुराना र चर्चित अब्दुल ख्यातिप्राप्त गजलकार हुन् । नबाबहरूको सहर लखनउका सायरसमेत उनको स्वरमा जादु देख्छन् ।
भारतसँग सिमाना जोडिएका बजारमा भारतीय मुद्रा (भारु) को तुलनामा नेपाली मुद्रा (नेरु) बलियो हुने क्रम कायमै छ । विरलै देखिने यस्तो प्रवृत्ति करिब साढे २ दशकयता पहिलो पटक सीमावर्ती बजारमा देखिएको हो । पछिल्लो दुई महिनायता सीमावर्ती बजारमा भारुको तुलनामा नेरु बलियो बनिरहेको छ ।
लुम्बिनी करिडोरमा रहेको जगदम्बा स्पिनिङ चौबीसै घण्टा सञ्चालन हुँदै आएको उद्योग हो । कपडा उत्पादनका लागि कच्चा पदार्थ धागो उत्पादन गर्दै आएको यस उद्योगले ९० प्रतिशत उत्पादन भारत र टर्की निर्यात गर्दै आएको छ । नेपाल विद्युत् प्राधिकरणले केही दिनदेखि अघोषित लोडसेडिङ गरेपछि भने उद्योग मारमा परेको छ ।
सिद्धार्थनगर नगरपालिकाले सडकमा छाडिएका छाडा चौपायाहरूलाई यातना दिइएको भन्दै भ्रम फैलाइएको बताएको छ । नगरका छाडा चौपायालाई नियन्त्रण गर्ने नाममा नगरपालिकाका कर्मचारीले अमानवीय ढंगले यातना दिएको भनी विभिन्न सामाजिक सञ्जालबाट भाइरल बनाइएको विषयप्रति नगरपालिकाले कुनै यातना नदिइएको दाबी गरेको हो ।
माघको अन्तिम साता लुम्बिनीमा भारतका आध्यात्मिक गुरु मुरारी बापुबाट हुने ‘रामकथा प्रवचन’ सहितको धार्मिक कार्यक्रममा सहभागी हुन करिब २ हजार जना स्वदेशी र विदेशी श्रद्धालु लुम्बिनी आउने भएका छन् ।
लुम्बिनीकै आर्थिक समृद्धिमा टेवा पुर्याउने विश्वास गरिएको यहाँस्थित गौतमबुद्ध अन्तर्राष्ट्रिय विमानस्थल सञ्चालनमा आएको सात महिना पूरा भएको छ । प्रमुख पर्यटकीय गन्तव्य लुम्बिनी छेउमा निर्मित विमानस्थल अझै ढुक्कसाथ सञ्चालन हुन सकेको छैन ।
बिहीबार बिहानैदेखिको बाक्लो कुहिरोका कारण भैरहवा-काठमाडाैं रुटका सम्पूर्ण हवाई उडान रद्द भएका छन् । गौतम बुद्ध अन्तर्राष्ट्रिय विमानस्थलका निर्देशक तथा प्रवक्ता सुवास झाले बाक्लो कुहिरोले ढाकेका कारण बिहीबार सम्पूर्ण हवाई उडान रद्द भएको बताए । ‘बिहीबारलाई हवाई उडान हुन सक्ने सम्भावना कम छ’ झाले भने, ‘साँझ भएपछि हुस्सु झन बाक्लिँदै जान थालेको छ ।’
मनपरी रुपमा तौल लोड गरेर भारतीय ट्रकलाई मुलुकभर ढुवानीमा छुट दिएको विरोधमा ट्रक व्यवसायी आन्दोलित बनेका छन् । मुलुकभित्र नियमअनुसार नेपाली ट्रकले ढुवानी गर्न पाउनु पर्ने माग राख्दै शुक्रबार व्यवसायीले रुपन्देहीमा प्रदर्शन गरेका हुन् ।
