भैरहवा कारागारमा महामारीको जोखिम
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
भैरहवा — क्षमताभन्दा अत्याधिक धेरै कैदी/बन्दी राख्नु पर्दा भैरहवास्थित जिल्ला कारागार रुपन्देहीमा कैदी/बन्दी बिच आपसमा झैँ-झगडा हुने र गर्मी याममा महामारी रोगको जोखिम हुने गरेको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![भैरहवा कारागारमा महामारीको जोखिम](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/karagar-rupandehi-1662024120125-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
क्षमताभन्दा चार गुणा भन्दा धेरै कैदीबन्दी राख्दा कारागारमा सुरक्षा व्यवस्थापनपनि निकै चुनौतीपुर्ण बनेको छ । साँगुरो भवनमा भेडाबाख्रा जस्तै अत्याधिक कैदीबन्दी राख्ने गरिएको छ । कारागारको क्षमता १ सय जनाको हो । तर, दैनिक ४ सय ५० देखि ५ सय जनासम्मको संख्यामा राख्ने गरिएको छ ।
कारागार प्रमुख जगतबहादुर बस्नेतले सानो ठाउँमा धेरै थुनुवा हुनुले सुरक्षा चुनौती भएको र बन्दीबीच आपसमा कहिलेकाँही कुटपिट हुने गरेको बताए । ‘केही समय पहिले बन्दी/कैदी बीच आपसमा कुटपिट हुँदा केही घाइते समेत भएका थिए,’ बस्नेतले भने, ‘गर्मीयामको बेलामा विभिन्न संक्रामक रोगको महामारी पनि फैलिने गरेको छ ।’
मिलाएर राख्दाराख्दै पनि सबैको चित्त बुझाउन नसकिने भएपछि कैदी/बन्दी बीच आपसमा झैझगडा र मारपिट हुने खतरा तथा सम्भावना जहिलेपनि रहेको उनले जनाए ।
कारागार प्रशासनका अनुसार, कोचाकोच गरेर एकै ठाउँमा राख्नु पर्दा उनीहरुमा छालाको संक्रमण र भाइरल ज्वरोको प्रकोप देखिने गरेको छ । ‘सामान्य उपचार कारागार भित्रै हुने गरेपनि अलि जटिल अवस्था भएकालाई नजिकका अस्पताल लैजाने गरेका छौं,' बस्नेतले भने, ‘भैरहवामा गर्मी धेरै हुने भएकाले बढी भाइरलको समस्या देखिने गरेको छ ।’
उक्त कारागार परिसरमा चारैतर्फ सुरक्षा पर्खाल नहुदा सुरक्षा अवस्थापवनि निकै संवेदनशील बनेको छ । सामान्य जालीले कारागारलाई घेरिएको छ । काडेतार समेत नहुँदा कैदीबन्दी भाग्ने र अन्य भित्र–बाहिर दुवैतर्फबाट अपराधिक क्रियाकलाप हुनसक्ने जोखिम छ ।
कारागार मर्मत गरी सुरक्षावस्था बलियो बनाउनेतर्फ सम्बन्धित निकायको खासै ध्यान जाने गरेको छैन । कारागार भित्र कहिलेकाही त राख्ने ठाउँ नभएर प्रहरी कार्यालयहरुमा लगिने गरेको बस्नेतले बताए ।
कारागारलाई सुरक्षा पर्खाल लगाएर वा अन्यत्र स्थानान्तरण गर्न भनेर कारागार व्यवस्थापन विभागसँग पत्राचार गरिएको छ । अहिलेसम्म दुइवटै काम अगाडि बढ्न सकेको छैन ।
कारागार परिसर ढल निकास भएकाले दुर्गन्धित छ । वर्षा याममा डुवानमा पर्छ । ९० वर्ष पूरानो भवन जीर्ण बनेकाले ठाउँ-ठाउँमा भत्किने, चुहिने र विरुवा उम्रिने गरेका छन् ।
![](https://assets-cdn.ekantipur.com/uploads/source/ads/900-x-100-1-0282024055738.gif)