भन्सारद्वारा ८ लाख रुपैयाँ भन्दा बढीको सुर्ती र चुरोट बरामद
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
भैरहवा — भैरहवास्थित एउटा घरको सटरभित्र लुकाएर राखिएको ८ लाख ६० हजार रुपैयाँ मूल्य बराबरको अवैध सुर्ती र भारतीय चुरोट भैरहवा भन्सार कार्यालयले सोमबार बिहान बरामद गरेको छ ।
![](https://assets-cdn.ekantipur.com/uploads/source/ads/comp-900x100-1672024010950.gif)
भैरहवा भन्सार कार्यालयका अनुसार भैरहवाको बुद्धचोक पछाडि सिद्धार्थनगर नपा–९ कठौतियास्थित एउटा घरको सटरभित्रको गोदाममा लुकाएर राखिएको २ सय ८० किलो धूलो सुर्ती, क्लासिक नामको भारतीय चुरोट १ सय १ प्याकेट र कुल लिपसमेतको तयारी सुर्ती १ हजार ८५ प्याकेट बरामद भएको हो ।
भैरहवा भन्सार कार्यालयका प्रमुख नारद गौतमले उक्त स्थानमा भन्सार छली गरेर भारतबाट भित्र्याइएको अवैध सामान राखिएको सूचना पाएपछि सामेबार बिहान सशस्त्र प्रहरी बलको सहयोगमा छापा हानेर बरामद गरिएको बताए ।
बरामद गरिएको सबै सामानको मूल्य ८ लाख ६० हजार रुपैयाँ भन्दा धेरै रहेको उनले जनाए । सामान राख्ने व्यक्ति भने फरार छन् ।
‘सोधपुछका क्रममा उक्त सटर पूरा परिचय नखुलेको एक व्यक्तिलाई भाडामा दिएको घरबेटीले बताए,’ भन्सार प्रमुख गौतमले भने, ‘फरार रहेको व्यक्तिको खोजी र अनुसन्धान जारी छ ।’
![](https://assets-cdn.ekantipur.com/uploads/source/ads/900-x-100-1-0282024055738.gif)