प्रदेश ५ मा कोभिड–१९ परीक्षणमा आवश्यक र्यापिड डाइग्नोस्टिक टेस्ट (आरडीटी) र भीटीएम किटको अभाव भएको छ । किट नहुँदा भारतबाट आएर क्वारेन्टाइनमा दुई साता बसेकामध्ये कुनै लक्षण नदेखिएकाको आरडीटी र लक्षण देखिएकाको पीसीआर परीक्षण रोकिएको छ ।
आफूलाई जबर्जस्ती गर्ने केटाकै जिम्मा लगाइएपछि मृत फेला परेकी देवदह–११ की किशोरीको बलात्कारपछि हत्या भएको प्रारम्भिक अनुसन्धानबाट खुलेको छ । शव पोस्टमार्टम गर्ने लुम्बिनी प्रादेशिक अस्पतालका चिकित्सक र घटना अनुसन्धानमा खटिएका एक प्रहरीका अनुसार किशोरीको बलात्कारपछि हत्या भएको देखिएको हो ।
गाउँपालिका अध्यक्षमा नै कोभिड–१९ संक्रमण देखिएपछि गुल्मीका सबै स्थानीय तहका प्रमुख/अध्यक्ष र तिनका चालक होम क्वारेन्टाइनमा बसेका छन् । जिल्लास्थित राजनीतिक दलका प्रमुख पनि होम क्वारेन्टाइनमै छन् ।
प्रदेश ५ का प्रदेश प्रमुख धर्मनाथ यादवले शनिबार प्रदेश ५ को आगामी आर्थिक वर्षको नीति तथा कार्यक्रम प्रदेश सभामा प्रस्तुत गरेका छन् । उनले प्रस्तुत गरेको सरकारको नीति कार्यक्रम ‘कोभिड–१९ विशेष’ छ ।
बिहीबार बिहान तिलोत्तमाको क्रिमसन अस्पतालमा मृत्यु भएका गुल्मीका कोरोना संक्रमित ४१ वर्षिय शिक्षकका परिवारले शव उठाउन सहमति नदिएपछि उनको शद्गद् हुन सकेको छैन ।
कोरोना भाइरस संक्रमित गुल्मीको मदाने गाउँपालिका–६ का ४१ वर्षिय शिक्षकको बिहीबार बिहान मृत्यु भएको प्रदेश सरकारले जनाएको छ । रुपन्देहीको तिलोत्तमा नगरपालिका–५ स्थित क्रिमसन अस्पतालमा उनको उपचार भइरहेको थियो ।
कोभिड–१९ संक्रमण पुष्टि भएका गुल्मीको मदाने गाउँपालिका–६ पुर्कोटदहका ४१ वर्षिय शिक्षकको अवस्था गम्भीर रहेको तर उनको मृत्यु भएको भन्ने समाचार गलत भएको क्रिमसन अस्पतालले जनाएको छ ।
कपिलवस्तु नगरपालिकाका स्वास्थ्य शाखा संयोजक उमेश गुप्ता केही दिनदेखि सदरमुकामस्थित बुद्धपद्म माविको क्वारेन्टाइनमा जानै छाडेका छन् । ‘कोरोना संक्रमण होला भनेर नगएको होइन,’ उनले भने, ‘स्वाब परीक्षण नगरेको भन्दै ढुंगा नै हिर्काउन खोज्छन् । झगडा गर्नुभन्दा नजानु नै ठीक लाग्यो ।’
