प्यूठान — आफैंले चलाएको जिप दुर्घटना हुँदा प्यूठानको स्वर्गद्वारी नगरपालिकाका उममेयर मीनराज राना मगरको मृत्यु भएको छ ।

स्वर्गद्वारी-२ बाङ्गेसल्लास्थित स्वर्गद्वारीबाट धनवाङ तर्फ जाँदै गरेको लुप्र०१-००१ झ ०००८ नम्बरको नगरपालिकाको नाममा रहेको बोलेरो पिकअप जिप दुर्घटना हुँदा उपमेयर ५० वर्षीय राना मगरको मृत्यु भएको हो । 

शनिबार अपरान्ह पाैने ५ बजेतिर उपप्रमुख राना आफैंले चलाएको जिप सडकदेखि ५०० मिटर तल खसेको जिल्ला प्रहरी कार्यालयले जनाएको छ । जिपमा उनी एक्लै सवार रहेको प्रहरीले जनाएको छ ।