तृप्ति शाही

कर्णाली प्रदेशमा प्रहरीले डिउटीमा खटिएका बेला मोबाइल फोनको प्रयोग गर्न नपाउने भएका छन् । डिउटीमा खटिनेमध्ये प्रहरी ‘कमाण्डर’ले भने फोन बोक्न पाउनेछन् । अन्य प्रहरी कर्मचारीलाई अत्यावश्यक भएमा कमाण्डरकै फोनबाट सम्पर्क गर्न सक्ने व्यवस्था मिलाइएको छ ।

मुगु घटनाको अनुसन्धानमा खटिएका प्रहरीहरु परस्कृत भएका छन् । मुगुमा भएको ४ जनाको सामूहिक हत्या प्रकरणमा अनुसन्धान गर्ने १३ प्रहरी कर्मचारीलाई पुरस्कृत गरिएको कर्णाली प्रदेश प्रहरी कार्यालयले जनाएको छ ।

भूकम्प गएको झन्डै एक महिना पुग्न लाग्दासमेत पीडितको तथ्यांक संकलन नसकिँदा सरकारीस्तरबाट अस्थायी टहरा निर्माणको काममा अलमल भएको छ । वडा कार्यालयमार्फत पालिकास्तरीय विपद् व्यवस्थापन समितिले लाभग्राहीको तथ्यांक प्रमाणित गरी जिल्ला विपद् व्यवस्थापन समितिमा नपठाउँदा पहिलो किस्ताको रकम वितरणमा ढिलाइ भइरहेको हो । 

जाजरकोटमा त्रिपालमा बस्दै आएका एक जनाको मृत्यु भएको छ । मृत्यु हुनेमा बारेकोट गाउँपालिका-७ सुवाकोटका ६५ वर्षीय हरियो दमाइ रहेका छन् । उनको मंगलबार ज्यान गएको वडाध्यक्ष विशाल किरण बस्नेतले बताए।

कर्णाली प्रदेश प्रहरी कार्यालय सुर्खेतले 'क्यूआर कोड'बाट सेवा सुरू गरेको छ । प्रहरी सेवासम्बन्धी गुनासो र सुझाव संकलनको लागि प्रहरीले उक्त सेवाको सुरुआत गरेको हो । साथै नागरिकले क्यूआर कोडबाट आफ्नो नजिकै भएको घटनाबारे पनि जानकारी गराउन सक्नेछन् ।

भूकम्पबाट घर भत्किएपछि कुशे गाउँपालिका–९ मोताई गाउँका ५३ वर्षीय रामसिलम गिरीको परिवार त्रिपालमा बस्दै आएको थियो । रामसिलम दमका बिरामी थिए । वडाध्यक्ष शिवराज गिरीका अनुसार चिसोले गर्दा रामसिलमको दम बढिरहेको थियो । स्वास्थ्य अवस्था कमजोर हुन थालेपछि उपचारका लागि जिल्ला अस्पताल लैजाने तयारी गरियो ।

जाजरकोट नलगाड नगरपालिका–७ दल्लीकी एकमहिने सुत्केरी राधिका कुसारीको १६ दिनदेखि बारीमै बास छ । बारेकोट–१ रामीडाँडा केन्द्रबिन्दु भएर गएको भूकम्पले क्षतिग्रस्त घरमा बस्न नमिल्ने भएपछि उनी बारीमै त्रिपाल टाँगेर परिवारसँगै बस्दै आएकी हुन्, जसका कारण उनको स्वास्थ्यमा विभिन्न समस्या देखिन थालेका छन् । 

जुवा खेलिरहेको अवस्थामा सुर्खेत प्रहरीले २७ जनालाई नियन्त्रणमा लिएको छ । सुर्खेतको चौकुने गाउँपालिकाबाट २ लाख २८ हजार ७ सय नगदसहित २७ जनालाई पक्राउ गरिएको जिल्ला प्रहरी कार्यालयले जनाएको छ ।

सुर्खेतको वीरेन्द्रनगर नगरपालिका–४ चिसापानीमा अमर प्रहरी परिवारले फूलखेती गरेका छन् । नेपाल प्रहरी श्रीमती संघ कर्णाली प्रदेशको सहयोग तथा प्रदेश प्रहरी कार्यालयको सहजीकरणमा अमर प्रहरीका १५ परिवार मिलेर फूलखेती गरेका हुन् ।

जाजरकोटको बारेकोट गाउँपालिका– १ रामीडाँडालाई केन्द्रबिन्दु बनाई गएको भूकम्पका कारण ज्यान गुमाएका परिवारलाई कर्णाली सरकारले २ लाख रुपैयाँ दिने भएको छ ।