पूर्वी नवलपरासी — नारायणी नदीमा डुबेर गैंडाकोटमा एक नाबालकको मृत्यु भएको छ । इलाका प्रहरी कार्यालय गैंडाकोटका अनुसार गैंडाकोट नगरपालिका-९ थुम्सी बस्ने अस्मिता मानन्धरका ३ वर्षीय छोरा सुमन मानन्धरको नदीमा डुबेर मृत्यु भएको हो ।
नदी किनारमा रहेको तटबन्धनको छेउमा खेल्न जाँदा उनी नारायणीमा डुबेका थिए ।
शुक्रबार दिउँसो साढे २ बजे नदीमा डुबेका बालकलाई उद्धारपछि थप उपचारका लागि भरतपुर अस्पताल लगिएकोमा उपचारको क्रममा शुक्रबार राति मृत्यु भएको प्रहरीले जनाएको छ ।