देशका विभिन्न जिल्लामा सहर बसाउने भनेर नयाँ सहर आयोजना सुरु भएको दशक पुग्यो । तर सोचेअनुरूप प्रगति हासिल भएको छैन । २०६७/६८ मा मध्यपहाडी लोकमार्गमा पर्ने १० सहर छनोट गरी नयाँ सहरका रूपमा विकास गर्ने अवधारणाअनुसार आयोजना सुरु भएको थियो ।
प्रधानमन्त्री केपी शर्मा ओलीले अध्यक्षता गर्ने राष्ट्रिय विकास समस्या समाधान समितिको बैठकमा ५ वटा प्रदेशका मुख्यमन्त्रीहरूले आयोजना कार्यान्वयनमा देखिएका समस्यादेखि समयमै संघीय कानुन नबन्दा काम गर्न अप्ठ्यारोबारे गुनासो गरेका छन् ।
भक्तपुरकी अनु बाँस्तोलालाई कहिले अस्ट्रेलिया पुगौंजस्तो भएको छ । भिसा लागेको एक साता भइसक्यो तर उड्ने भने अत्तोपत्तो छैन । स्नातकोत्तर गर्न अस्ट्रेलिया जान लागेकी उनले नेपालमै मानविकी संकायमा स्नातक गरेकी हुन् ।
त्रिपुरेश्वर–कलंकी–नागढुंगा सडक निर्माण थालेको पाँच वर्ष भयो । तर अझै निर्माण सकिएको छैन । त्रिपुरेश्वर खण्डको निर्माण सकिए पनि कलंकी–नागढुंगा खण्ड पूरा हुन सकेको छैन । यो सडकको म्याद तीन पटक थपिइसक्यो ।
सहज रूपमा निर्माण सामग्री नपाउँदा काठमाडौं उपत्यकामा सञ्चालित ५० भन्दा बढी आयोजनाको काममा ढिलाइ भएको छ । सुरुमा कोभिड–१९ र अहिले अवैध रूपमा सञ्चालित क्रसरमा सरकारले कडाइ गरेपछि निर्माण सामग्रीको मूल्य दोब्बरसम्म तिर्नुपरेको डिभिजन सडक कार्यालय काठमाडौंले जनाएको छ ।सहजै निर्माण सामग्री नपाएपछि गौशाला–चाबहिल सडक कालोपत्रको काम समयमै सक्न समस्या भएको सडक डिभिजन प्रमुख कुवेर नेपालीले बताए ।
हुलाकी राजमार्ग निर्माण सुरु भएको दशक नाघ्यो । निर्माण अवधि सकिन दुई वर्ष मात्र बाँकी छ । तर आयोजनामा सडक निर्माणको काम ४३ प्रतिशत बाँकी छ । प्रगति सोचेअनुरूप हुन सकेको छैन । आर्थिक वर्ष २०७९/८० भित्र आयोजना सम्पन्न गरिसक्नुपर्छ ।
नागढुंगा–सिस्नेखोला सुरुङ आयोजनाले आफूहरूका माग पूरा नगरे निर्माण रोक्ने चेतावनी दिएका जनप्रतिनिधिले यसमा कुनै राजनीतिक स्वार्थ नरहेको दाबी गरेका छन् । चन्द्रागिरि नगरपालिका–२ का अध्यक्ष गोपी सुर्खेतीले स्थानीयका जायज माग सम्बोधन गराउन आयोजनालाई ज्ञापनपत्र बुझाए पनि यसमा आफूहरूको राजनीतिक पूर्वाग्रह नभएको दाबी गरेका छन् ।
काठमाडौ–तराई मधेस द्रुतमार्ग (फास्टट्र्याक) को सुरुङ निर्माणका लागि ‘प्रि क्वालिफिकेसन’ (पीक्यू) टेन्डरबाट दुई कम्पनी मात्र छानिएका छन् । नेपाली सेनाको निर्माण व्यवस्थापन रहेको फास्टट्र्याकमा सुरुङ निर्माणका लागि पीक्यूमा सहभागी ४३ निर्माण कम्पनीमध्ये एउटा निर्माण प्याकेजमा एक र अर्को प्याकेजमा दुई कम्पनी मात्रै छानिएका हुन् । दुवै प्याकेजमा एउटा कम्पनी दोहोरिएको छ ।
कोभिड–१९ ले गर्दा चीन गएका प्राविधिक टोली र कामदार नफर्किएपछि यहाँ निर्माणाधीन आयोजनाको काम सुरु हुन सकेको छैन । स्वदेशी कामदारले आयोजनामा केही काम मात्र भएको छ । तर कतिपय काममा चिनियाँ प्राविधिक नै चाहिने भएकाले आयोजनाको काम रोकिएको हो ।
