‘कंगारू’ मा जितु

सस्पेन्स, थ्रिलर र कमेडी जनरामा निर्माण गर्न लागिएको फिल्ममा केही फरक कथा पस्कने प्रयासमा रहेको निर्देशक बस्नेतले बताए । ‘स्क्रिप्ट फाइनल गर्न मात्र दुई वर्ष लाग्यो । हामीले केही फरक कथा भन्न लागेका छौं । यस पटक दर्शकले फरक स्वाद र फरक कथा हेर्न पाउनुहुनेछ,’ उनले भने । फिल्मको छायांकन अस्ट्रेलियाका सिड्नी, न्युकासल, क्यानबेरालगायत क्षेत्रमा गरिने उनले बताए । बस्नेतको निर्देशनमा यसअघि ‘लाखे’ फिल्म निर्माण भइसकेको छ ।

सीमा गुरुङको कथामा बन्ने फिल्मको छायांकन सुसन प्रजापतिले गर्दै छन् । फुलमुन मोसन पिक्चर्स र उत्तरगया म्युजिक एन्ड फिल्मसँग एसजिटी प्रोडक्सन प्रालिको सहकार्यमा निर्माण हुन लागेको फिल्ममा प्रेम थापा, धनबहादुर गुरुङ ‘डीबी’ र मनोज भण्डारी ‘म्याक्स’ निर्माता हुन् । अन्जन दुरा र लक्ष्मी राई सहनिर्मातामा छन् भने कार्यकारी निर्माता टीका भण्डारी हुन् ।