काठमाडौँ — राष्ट्रिय युवा गायन प्रतियोगितामा मकवानपुरका दिपक राज प्रथम भएका छन् । प्रतियोगितामा धनुषाका राजा राजपुत द्वितीय र रुपन्देहीका सुरज खातीले तृतीय स्थान हाासिल गरे ।
राष्ट्रिय युवा परिषद्को आयोजनामा भएको प्रतियोगितामा १६ देखि ४० वर्ष उमेर समूहका देशैभरिका ६५ जना युवा प्रतिभाहरुले भाग लिएका थिए ।
उनीहरुमध्ये २१ युवा प्रतिभाहरुलाई छनौट गरी फिजिकल अडिसनमार्फत् विजेता घोषणा गरिएको हो ।
प्रतियोगितामा संगीतकार वी.पी. वाग्ले, लोक गायिका देवी घर्ती मगर र गायक भद्र वलीले निर्णायकको भूमिका निभाएका थिए ।
सो अवसरमा फोटो पत्रकार प्रकाशचन्द्र तिमिल्सिनासहित पत्रकारहरु सीबी अधिकारी, सुकृत नेपाल, नविन गिरी, तारा सुवेदी, गंगा बराल र विनिता कुँवर क्षेत्रीलाई कदरपत्रसहित पुरस्कृत गरिएको थियो ।
