शिवराज र निशाले जिते १०० मिटर दौडको स्वर्ण
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — एपीएफका शिवराज पार्की र लुम्बिनीकी निशा चौधरीले तेस्रो राष्ट्रिय खुला गोल्डेन एथलेटिक्स मिटको १ सय मिटर दौडमास्वर्ण जितेका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![शिवराज र निशाले जिते १०० मिटर दौडको स्वर्ण](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/44823040211146400996109181908876181942942065n-1762024064357-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
त्रिपुरेश्वरस्थित दशरथ रंगशालामा शिवले निर्धारित दूरी ११.० सेकेन्डमा पूरा गरे । आर्मीका उपेन्द्र सुनार दोस्रो र नेपाल पुलिस क्लबका अरुण महतो तेस्रो भए । महिलातर्फ निशाले निर्धारित दूरी तय गर्न १२.५ सेकेन्ड खर्चिन् । आर्मीका जयरानी थारु दोस्रो तर सरस्वती चौधरी तेस्रो भए ।
एथलेटिक्स परिवार नेपालद्वारा आयोजित प्रतियोगिताअन्तर्गत हाइजम्पको पुरुषमा आर्मीका सूर्यबहादुर खत्री (१.७० मिटर) र महिलामा विन्दू थनेत (१.३८ मिटर) विजेता भए ।
१० हजार मिटर दौडको पुरुषमा आर्मीका सञ्जय श्रेष्ठ (३२ मिनेट ०९.१ सेकेन्ड) र महिलामा आर्मीकी पूर्णलक्ष्मी न्यौपाने (४० मिनेट ४३.१ सेकेन्ड) तथा १५ सय मिटर दौडमा पुलिसका नागेश्वर ऐर (४ मिनेट १०.१ सेकेन्ड) र महिलामा पुलिसकी सुमित्रा चौधरी (५ मिनेट ०१.९० सेकेन्ड) पहिलो भए ।
ट्रिपलजम्पको पुरुषमा आर्मीका डिल्ली खत्री (१३.८५ मिटर) र महिलामा पुलिसकी सीमाकुमारी चौधरी (११.०० मिटर), ४ सय मिटर दौडमा आर्मीका प्रकाश दनुवार (४९.६१ सेकेन्ड) र महिलामा आर्मीकी सरस्वती थारु (६०.८१) सेकेन्डले पहिलो स्थान हासिल गरे ।
१ सय १० मिटर हर्डल्सको पुरुषमा आर्मीका जीवन थारु (१५.६३ सेकेन्ड) र महिला १ सय मिटर हर्डल्समा आर्मीकी जयरानी थारु (१५.१६ सेकेन्ड) ले स्वर्ण जिते । डिस्कस थ्रोको आर्मीका विनोद राई (३८.६७ मिटर) र महिलामा आर्मीकै अमृता महतो (३४.४६ सेकेन्ड) पहिलो भए ।
भेट्रान ५ हजार मिटर दौडमा रेवनबहादुर दाहाल र महिला ३ हजार मिटर दौडमा काठमाडौंकी शर्मिला बस्नेत पहिलो भए । प्रतियोगिताको राष्ट्रिय खेलकुद परिषद्का सदस्य–सचिव टंकलाल घिसिङले उद्घाटन गरे ।
५२ स्पर्धा समावेश प्रतियोगितामा ५ सय ७५ खेलाडीको सहभागिता रहेको आयोजक एथलेटिक्स परिवारका अध्यक्ष राजन खत्रीले जनाएका छन् । मंगलबार सम्पन्न हुने प्रतियोगितामा भेट्रानबाहेक सबै स्पर्धामा नगद पुरस्कार रहेको जनाइएको छ ।
प्रकाशित : असार ३, २०८१ २२:५१