दुःख दर्ता गराउन सिंहदरबारमा सुनमती
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — सिंहदरबारस्थित प्रधानमन्त्री तथा मन्त्रिपरिषद् कार्यालय परिसरमा एक वृद्धा ‘प्रकाश’ खोज्दै भौंतारिरहेकी थिइन् । पोहोर साउनमा दर्ता गराएका ३९८ र ४९५ नम्बरका निवेदनको स्थिति बुझ्न र प्रधानमन्त्रीलाई आफ्नो ‘कहानी’ सुनाउन उनी प्रकाश नाम गरेका व्यक्तिको खोजीमा थिइन् ।
![](https://assets-cdn.ekantipur.com/uploads/source/ads/900x100-0762024075620.gif)
![दुःख दर्ता गराउन सिंहदरबारमा सुनमती](https://i3.ytimg.com/vi/O4p2jvmU0O0/maxresdefault.jpg)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
कैलालीको गोदावरी नगरपालिका, धनचौरीकी ८० वर्षीया सुनमतीदेवी जोशी यस पटक फेरि संघीय सरकारसँग सहायता माग्न काठमाडौं आएकी हुन् । बुढेसकालमा आइपरेका अनेक समस्याका पोका बोकेर उनले यसअघि पनि पटक–पटक सिंहदरबार र बालुवाटारको दैलो ढकढक्याएकी थिइन् । नयाँ–नयाँ समस्याका नयाँ–नयाँ निवेदन तथा स्थानीय तहले लेखिदिएका सिफारिसपत्र बोकेर उनले काठमाडौंको यात्रा गर्न थालेको दशक नाघिसकेको छ । कहिलेकाहीँ उनले सान्त्वना पाउँछिन्, धेरैजसो समय भने निराशाबाहेक हात पर्दैन ।
यस पटक उनले आफ्ना व्यक्तिगत दुःख समेटिएको ११ पानाको निवेदन महिला, बालबालिका तथा ज्येष्ठ नागरिक मन्त्रालय, गृह मन्त्रालय, सामाजिक कल्याण परिषद् र प्रधानमन्त्री कार्यालयको सचिवालयमा दर्ता गराएकी छन् । उनी आफूसँग कुराकानी गर्ने जोकोहीसँग पनि दर्ता गरेको निवेदनको दर्ता नम्बर दोहोर्याइ–तेहर्याइ सुनाउन बिर्सिन्नन् । सुनमतीका ९३ वर्षीय श्रीमान् कृष्णदत्त जोशी दमका रोगी छन् । गएको वर्ष श्रीमान्को दुवै मिर्गौलामा पनि समस्या देखिएर उपचारका क्रममा ऋण लागेको छ ।
यस पटक उनी काठमाडौं आउनुको प्रमुख कारण बुढेसकालमा ऋण कम गर्न सक्छु कि भन्ने हो । कुनै सरकारी निकायबाट सहयोग प्राप्त गर्न सकियो भने ऋण तिर्न सकिन्छ भन्ने आशा उनले पालेर बसेकी छन् ।
पूरा पढ्न : दुःख दर्ता गराउन सिंहदरबारमा सुनमती
प्रकाशित : असार १, २०८१ १६:११